#مفترقات🌊🌸
#الحلقه_6 💋➿
اليوم الثاني
فاطمه : نضت الصبح وتوضيت وصليت لبست عشان نعدي للجامعه وطلعت مع شهد واميره ماشيه للدكتوره حطتني شهد وعدن
خشيت للجامعه وندور على انس
فاطمه : صباح الخير
البنت : صباح النور
فاطمه : شفتي انس
البنت : شفته ماشي من هنا مع شخص
فاطمه : اها تمام جت في بالي نعدي و خفت لان معاه شخص بس خفت تكون بنت يلي معاه والبنت ماتبيش تقولي ف مشيت وراه شفته ماسك شخص ويحكي بعصبيه بس الشخص مش باين عليا
انس : يحكي بعصبيه مش قلتلك مععش نشووفك اااه ولا حتى طلعتك هنا صدففه ااه
هوا : يحكي بغصب لان انس خانقه ببننشووفها بس مشش مقررب منها
فاطمه : صوته مش غريب عليا قلبي بدا يدق ونبي نقرب نعرفه من
انس : بعصببيه اانت ببعتها لليا بععتها لياااا خذذيت فلووس عشان تطلع من حيااتها
فاطمه : قدمت وشفته شفت ولد عمي اها ولد عمي قعدت نشوف فيه وقلبي يدق كلمة انس كانت موس وخش قلبي قاله بعته ليااا يعني انس ماطلعش في حياتي صدفه يعني الانسان يلي حبيته و وثقت فيه طلع نفسه الانسان يلي شاريني بفلوس يعني هوا معاهم هوا نفسهم عرسنا بعد سبوع يعني كنت نحساب روحي نبي نزوج الانسان يلي حبيته طلعت نبي ناخذ الانسان يلي شاريني طول عمري كنت نخاف من ماضي اان يسببلي مشاكل مع انس طلع انس اكبر مشكله من ماضي قعدت نوخر ودموعي ينزلن طلعت بسرعه قعدت نطلع فالتلفون ويدي ترعش ورنيت على شهد
wiush_hamo' للكاتبه
__________________
اميره : كنت متجها لغرفه الدكتوره انصدمت لما شفته
طارق : معقوله بنسيبك تجي وحدك
اميره : بحتت فيه وسكتت ماكنتش متوقعه اني حنلقاه
طارق : تنهد نحساب روحي اني تاخرت لان من بدري ونراجي
اميره : بصوت واطي اها
طارق : مزال دورك
اميره : مزال في وحده جوا
طارق : اوك تمام قمعزي ع الكرسي
اميره : هزيت راسي وقمعزت
____________________
جيهان : نضت الصبح ونحس في عيوني مسكرات قعدت نحاول نفتح فيهن ومش قادره قمعزت وبديت نحل فيهن وهنا شي مسكرا بديت نعيط بصوت عالي نعمييتتتت نعمييتتت
زين : كان نازل سمع عيطاها خش يجري جيهان كنك شن في
جيهان : انعمييت معش نحق عيوني مسكرات
زين : قرب منها اهدي بس وبحت في عيونها كانن متورمات شن دايره انتي
جيهان : مسكت يده حي عليااا قصدك معش نحق ووو عليااا مازلت صغيره من بيعانيني ماحقيت شي من الدنيا يانعلياا مازلت بنحق ونشوف دنيتي السوده النوده
زين : بصوت عالي خلاااص اسكتي زح شن
دايره انتي
جيهان : نطت من صوته وبصوت واطي ينعلياا قاعده معا هذا ومانحقش تو يدير فيا شي حاجه 🤦🏼♀️
زين : صبرك يارب وطلع تلفونه و رن على فرج
فرج : ايوه صباحك مبروك وعدوك مهلوك
زين : نص ساعه وتكون عندي دكتوره عيون
فرج : كيف عينك زاغت شور الصفره 😂
زين : نص ساعه وتكون هنا وسكر عليه
فرج : اخخس اخر العمر تسكر عليا
