#مفترقات 🌙💚
#المقدمه+تعريف_شخصيات
مقتطف
جيهان : حاطه قناع على وجها وجايبه تبسي في خيار ووو مصحكن تبكن كلكن
شهد : تمسح في دموعها انتي بارده اصلا نسيتي شن صار معاك اليوم
جيهان : تاكل فالخيار وطززز ياماااما نحسش فيه
فاطمه : بصوت مبحوح شنو ندير
جيهان : افسخي يافسخه
فاطمه : انتي عارفه اني نحبه
شهد : حبك برص معناتا سكري فمك واسكتي
فاطمه : قعدت تبكي بقوه وحاطه يديها على وجها تعبت منه تعبت
جيهان : قلنالك حل قلتي نحبه معناتا تحملي وانتي ساكته
شهد : جت بتحكي الباب دق ضحكن
جيهان : صبي صبي اكيد خطيبك جايبلك شكلاطات 🤤
فاطمه : تمسح في دموعها مش مصبيه تشوفي فيا بارده نرضى بشكلاطات وهدايه
جيهان : تحط فالخيار على عيونها نشوف فيك مهزبه بس عالمهم صبي را يديرلنا العار
فاطمه : مسحت دموعها وصبت بقوه
شهد : تضحك بطلي قرف وانتي تحولي فيه من عيونك وتاكلي فيه
جيهان : اسكتي كذا مش كنتي تبكي توا
شهد : تو مش سكتت شن تبي في وجي
جيهان : باهي وانتي لسانك عشره ميترو تعالي حطي منه على عيونك منفوخات
شهد : خذت وتحط فيه على عيونها عارفه من طلع
جيهان : من
شهد : دموعها نزلن بقوه خوه
جيهان : انصدمت ويديها على فمها تتكذبي
شهد : ببكاء ششن ندير
جيهان : ولا تصدق فالأحلام وانتي كنك ما انتحرتي 🙂 لقنه وجك بارد
شهد : اااااه يارربي
فاطمه : خشت وعزقت بوكس كبير معبى شكلاطات عالسرير ومتنرفزه كل مره نفس الشي كل مره ملييت
جيهان : افسخي 🙂
فاطمه : ماانبيش نفشخ نبيه يتغير بس ويبطل يلي يدير فيه
جيهان : خليك مع يلي يلقى راحتك مش يلي تحبيه
فاطمه : قمعزت متنرفزه كذا اسكتي يارضوى شربيني
شهد : ضحكت مدي شكلاطه كذا مافي حاجه سمحه نحصلو فيها من ورا عرايكم غير هالشكلاطات 😂
اميره : طلعت من الحمام وعيونها منفوخات بكل ووجها حمر من البكاء
جيهان : اوووبا جت الانسه الاخرى كنك من بدري وانتي تبكي فالحمام دايرتيلي فيها بطله الروايات الحزينه 🙂
اميره : قعدت تبكي و طاحت على ركابه
البنات صبن بسرعه لعندها
فاطمه : ميرو حبيبتي كنك
اميره : ببكااء اانا حاامل
البنات : 😳😳😳
#wiush_hamo للكاتبه
_________________
نحن اربع بنات كل وحده من عيله و مدينه مختلفه نسكنو مع بعضنا في حوش شعبي في حي في بنغازي جمعتنا ظروف حتعرفوهن فالحلقات الجايه كل وحده فينا تمشي في #مفترق مختلف لاكن فالنهايه حنوصلو لنفس النقطه .
جيهان : بنت شهلووليه و واخذه الحياه طول لعرض لسانها مافيش اطول منه وماتخفش من حد تشتغل لاكن قلبها ابيض وما تاذيش حد ممرضه في مستشفى عام تحب الماسكات و اي حاجه شور البشره تحب تهتم بروحها و اي حد معاها وجننه البنات بالماسكات والكريمات 🤦🏼♀️
شكلها شعرها واجد وطويل وصابغته اصفر عيونها كبار وملامحها الاخره صغيره رقيقه وطولها متوسط ومش متحجبه
_________________
شهد : بنت شخصيتها قويه و وتحب كلمه الحق تقولها مهما كلفها الامر انظلمت واجد في حياتها وحتعرفو شن صارلها قريبه واجد من جيهان لان يعتبرن نفس الشخصيه 😂 تشتغل ممرضه نفس جيهان بس هيا في قسم الاطفال
مواصفاتها شعرها اسود و لنص ضهرها ملامحها عالاسود طويله ومليانه شوي
_______________
فاطمه : بنت هاديه وكيوت نين مسمطه 🙂 حساسه واجد هربت من هلها لسبب حتعرفوه وجت لبنغازي هيا من الغرب ♥ تعرفت على حد ونخطبو يعني لبسو بعضهم الدبل بس حبهم نقي هوا يحبها موت وهيا كذلك لاكن هوا مايعرفش شي على حياتها يعني خطبها لان حبها من قلبه وماهمش هيا من تكون لاكن عنده طبع شين و حتعرفو ليش يتعامل معاها هكي لاكن يزعلها من هنا على طول يجيبلها هديه يراضيها بيها وهيا ماتبيش هدايه تبي يفهمها وبس تقرا جامعه تخصص نبات
موصفاتها بيضه وشعرها عالقهوي وعيونها زرق لانها من ام روسيه قصيره بس مش واجد و رقيقه
#wiush_hamo للكاتبه
_____________________
اميره : بنت طيبه و تحب تساعد اي حد تعرفه ولا ماتعرفش ونفش الوقت ماتحبش الغلط عندها ايمان بربي قوي وديما تحكي ل جيهان عالحجاب بس جيهان شي راس مسكر 🤦🏼♀️ تشتغل في مصنع ونفس الوقت تشتغل شغل منزلي يعني تخيط وهك
موصفاتها عيونها كبار وقهويات وشعرها قهوي ملامحها عاديات طولها متوسط و مليانه
________________
وهكي تعرفتو شويا علينا ومع الحلقات تعرفو علينا اكثر وحتنصدمو وتقولو البنات هذينا كيف تحملن هذا كلا انتلاقو فالحلقه الاوله 💚
_________________
يتبع ....
#wiush_hamo للكاتبه
