" لاشئ اسواء من أن تعلـق أمالك بشخص لايشعر بك... !! "
ــــــــــــــــــــــــــــــــــــــــــ
إنتي وانتي شيلو شنطكم دي واتفضلو اطلعو بره من قبيل بتتونسو قايلني ما شايفكم يعني?? دي حصة دين يلماعندكم دين يعني احنا نخلي كلام الله ونقعد نستناكم لمن تخلصو كلامكم !!اتفضلو يلا بره يا إستاذات_ما كدا والله يا استـاذ احنا أسفين ما بنكررها تانـي_ اكيد ما حتكرروها تاني علي كيفكم هو غصبا عنكم ما حتكرروهاشاف ايثار ماشة براحة وعلي اقل من مهلتها نهرها ليك:هييي هييي انتـي ما تسرعي قلنا ما تضيعونا لينا الحصة في الكلام الفاضي انا قلة ادب البنات دي ما بتنفع معاي بلا مسخرة فاضية معاكإيثار حبست دمعتها وطلعت بره اتفقعت بالبكي:ااا..انا يقول لي ما عندك دين لي شايفني كافرة ويصرخ فوقي قدام الطلبة كلها خلي يصبر لي ان ما ندمتو علي اليوم الجاء فيهو المدرسة دي ابقى بت حراام وبسرعة شالت تلفونها واتصلت علي اخوها:الو صلاح وينك تعال المدرسة دي هسي....يخخ ما عارفة بس انت تعال وبتفهم كل حاجة...خلاص تمام يلا باااي_يا مجنونة عملتي شنو الليلة صلاح حيفور ويقلب الدنيا فوقنا_خلي اليفور الليلة كان ما ادبتو وقعدتو في علبو اب صلعة دا ابقى ما بت ابوي_انتي بتطبقي المقولة دي حرفيا"إتقي شر الحليم اذا غضب" منك خوفة والله يا بت إميسكتت مسافة تاني بدت تجعر:ااا..انا عمري كلو مافي زول صرخ علي بالطريقة دي يجي هو بكل وقاحة يهيني ويقلل من مقداري قايل نفسو منو هو??_خلاص اهدي بطلي بكي ما تركزي معاهو دا معولق ساي_هااا العويرة دي مالك بتبكي زي الشفعلتين رفعت راسها بسرعة وشافت الزول الما بيغباها واقف قدامها حست برعشة سرت في جسمها ودقات قلبها بدت تدق بسرعة عاينت ليهو لمسافة كانها بتتأكد من الشايفاهو دا رمت الشنطة بتاعتها وقالت بصوت مبحوح:إياد!!رد عليها ببرود:اهلين لتين كيفك واتجاوزها ومشي لإيثار ضربها في راسها بخفة وقال:يا سجم هببتي شنو الليلة كمان¿¿_وينو صلاح ما جاء معاك ولاشنو??_لا جاء مشي يبركن العربية هسي بجي_طيب لمن يجي ابقا احكي ليكم لاني ما عندي قدرة احكي ليكم انتو الاتنين اي زول براهو"لتين كانت حاسة بنار جواها كل ماليها زايدة هي ما عارفة لي بقا فجأة كدا بارد معاها هو الانسان الوحيد الحبتو ووثقت فيهو ما كانت ابدا متخيلة انو في يوم حيمشي ويخليها بالبساطة دي ياما دعت في مصلايتها انو يكون من نصيبها بس هو كسرها كسرة مستحيل تنساها ابدانزلت منها دمعة ساخنة لمن سمعتو بيقول لٳيثار بدون مراعاة لشعورها_انا عايز اخطب قريييب كدا ان شاء الله تتوقعي العروس منو?? ايثار اتصدمت من كلامو وفضلت تعاين للتين البقت ترجف من شدة الزعل..بلعت ريقها قبل ما تمشي عليهو وتضربو كف بكل قوتها..اياد ما ابدي اي ردة فعل ضربتو في صدرو بقوة قبل ما تقول:انت اكتر واحد واطي وحقير شفتو في حياتي ..انا حبيتك بكل جوارحي وربي كنت بحبك اكتر من نفسي زاتو ليييه عملت فيني كدا يا إياد حصل يوم سمعتك كلام فارغ??حصل يوم سمعت عني كلام ما كويس??انطق جاوبني!! سكوتك دا بدمرني_ يخخ انا ما بحبك ولا حصل يوم حبيتك اكذب عليك يعني?? انتي كنت مجرد تسلية وماسك بيك زمن هو يعني انتي صدقتي اني بحبك وحاتزوجك يا شافعة يا مراهقة انتي لييه بنات الناس كملت ولا شنو هههه_هووي يا إيـاد اوعى تغلط في صحبتي لتين خط احمر فاهم والا حانسي انك ود عمي مالها يا زول ناقصة كراع ولا يد حلوة ومؤدبة وكل حاجة احسن زاتو انا من زمان دايراها لي اخوي صلاح دا_انتي اطلعي منها هسي الموضوع دا بيني وبين لتين ما تدخلي فاهمةلتين صرخت باعلي حسها لمن في مدرسين طلعو من الحصة وجو يشوفو الحاصل شنو لكن اياد اتصرف بذكاء ومشاهمقعدت في الارض قبل ما تبكي بانهيار وتقول:اسكتو اسكتو خلاص انا ما قادرة استحمل كفاية خلاص حرام عليكم يا بشر وربي ما قادرة انا حاموووت صدقوني حاموووت سكتت مسافة قبل ما تقوم من الارض وتمشي بسرعة وهي متجاهلة مناداة ايثار واياد ليها....وصلت البوابة بتاعت المدرسة كانت عايز تطلع بس عمك البواب وقفها:ماشة وين يا بتي لسع الدوام ما خلص_ااا اي عارفة لكن عايزة امشي البيت عيانة انا_طيب ومعاك أورنيك مرضي??_لا_معليش يا بتي بس ما حاقدر اطلعك من دون اورنيك امشي للسيد المدير خليهو يديك ليهو وبعدها بطلعك كويس??_طيب بس ممكن تطلب لي ترحال مسافة ما امشي اجيب الاورنيك واجي_ابشري يا بتي تجي تلقيهو واقف ان شاء الله_تسلم كتير يا عمو_الله يسلمك يا بتيمشت للمدير واداها الاورنيك رفض حكاية انها تمشي في ترحال براها بس في النهاية رضى وودفع لبتاع الترحال ووصاهو عليها شديد وكلمها انو اول ما تصل البيت تتصل للمدرسة وتطمنو منها(مدير زي العسل اقسم بالله!! ودنفيسة كيف تمام?? )ـــــــــــــــــــــــــــــــــــــــــــــــــــ#في مطار الخرطوم الدولي...كانت جارة وراها شنطتين والتالتة في كتفها كانت ملفتة للنظر شديد بلبسها الجرئ وملامحها الغربية البحتة وقوامها الممشوق..خلصت اجراءتها كلها بعدها استأجرت ليها تاكسي وغادرت المطارابتسمت بفرح وهي بتطلع يدها من شباك التاكسي وتمدها لزخات المطر النازلة علي الارض زي اللؤلؤ(اتذكرت زول كدا¿عرفتو صح??)بقت تعاين للناس البدو يجرو بسرعة ويحتمو من المطرة لانها بقت شديدة..حست بالإحراج لمن تعالت اصوات بطنها نتيجة لانها جعانة لفت انتباها المطعم العلي بعد كم متر منهم وبسرعة قالت للسواق:عمو ممكن تنزلني جنب المطعم داك عايزة اشتري لي بيتزا حاموووت من الجوع يخخ_ههههههه طيب بس ما تنزلي في المطرة دي كدا حتمرضي يا بتي انا جبت معاي مظلة للاحتياط دقيقة اجيبها ليك..سحبها من تحت المقعد بتاعو واداها ليهاشكرتو ونزلت اشترت بيتزا وكولا وادت عمو السايق معاها حبة وواصلو طريقهم..كانت مركزة مع تلفونها حست بنظراتو ليها بتخترقها رفعت راسها بسرعة لقتو لسع بعاين ليها انتبه ليها وطوالي بقا يعاين للطريق قدامو سكت مسافة بعدها قال:معليش علي التدخل يا بتي بس انتي سودانية??_ههههه ايوا سودانية اصلية كمان_ شكلك ابدا ما بيوحي بانك سودانية اتنحنح وواصل:يعني شقرا وعيونك زرق ولبسك البشوفك بقول خواجية ماشاء الله عليكي الله يحفظك ويغطيك يا بتياكتفت بٲنها تبتسم ليهوبعدها حست بالملل وقررت تتونس مع عمو شكلو ظريف ووناااس_عارف يا عمو انا لي3سنة ما جيت السودان مشتاقة ليهو شديد ومشتاقة لٲمي وٲبوي وٲهلي مووووت _اي والله الغربة حارة يا بتي انا زاتي عمك دا كان مشيت التعوسية قعدت فيها سنة وحدة والقعدة غلبتني رجعت السودان اشتغلت في التاكسي دا وياهو الحال مستور الحمدلله وولدي الوحيد سفرتو دبي واشتغل الحمدلله تاني ما داير حاجة في الدنيا دي والله_الله يخليهو ليك ان شاء الله_اللهم امييين ويخليك لامك وابوك كمان ابتسمت ليهو بعدها اردفت:ياااه شوارع الخرطوم بقت تحفة تاريخية يا ريتيني لو كنت معاكم وشاركت في الثورة العظيمة دي بجد حندخل التاريخ من اوسع ابوابو_30سنة عايشين في ظلم وفساد يا بتي والله احنا صبرنا كتيير لكن الفينا خلاص كملت والله الثورة بدت لمن اتضخم سعر العيشة في عطبرة واهل الحديد والنار ثارو وطالبو بتنزيل الاسعار وسبحان الله بعدها الولايات كلها بدت تثور وحدة ورا التانية والامور اتطورت و مشت بسرعة وحصل الاعتصام بتاع القيادة يوم 6أبريل وبعد خمسة ايام من الاعتصام قدرنا نسقط البشير والمعاهو وسقطنا ابن عوف في اقل من يومين قادرة تتخيلي مدي قوتنا وتمسكنا بالثورة دي...بالرغم من انو استخدمو ضدنا السلاح والدوشكا بس احنا كنا متمسكين بسلميتنا واحتسبنا شهداء كتار اغلبيتهم شباب في عمر الزهورقاطعتو:الله يرحمهم هم هسي في مكان احسن من هنا ان شاء الله_اندمجنا في الونسة يا بتي ونسيت اسالك بيتكم بياتو شارع احنا هسي في شارع عبيد ختم تاني نخش بياتو شارع عارفة المكان يا بتي ولا نسيتي?? _لالا متذكراهو كان في بنك بس ما متذكرة اسمو اللهم نخش بشارعو طوالي وبنلقي البيت_طيب هداك ليهو بنك وما اظن قدام في بنك غيرو_امممم ايوا ايوا علي ما اذكر كان بالشارع دا_متأكدة يا بتي??_ايوووونوبعد ربع ساعة وصلو البيتحست بالاحراج وهي بتحنس فيهو عشان ينزل ويشرب ليهو شئ بس هو كان مستعجل شديد قبل ما يمشي قاليها: ما وريتيني اسمك منو يا السمحة??_بيان..بيان عبدالرشيد القرشي_وانا عمك حاج ابراهيم...شكرا ليك يا بتي ونستيني شديد لي سنين ما اتونست كداابتسمت ليهو برضى قبل ما تطلع محفظتها وتقول ليهو:حسابك كم??_والله يا بتي لو ما الظروف ما كان شلت منك لكن اسوي شنو بس..حسابك250يا بتي_طيب هاك اتفضلنزل ليها شنطها الكانت مبلولة بسيط من المطرة شكرتو وودعها...وقفت قدام الڨله وهي بتتأمل فيها وتتذكر طفولتها ومراهقتها القضتها بين حيطان الفلة دي..3سنة ما اتغيرت ياها هي في حالها ..ابتسمت بحبور وهي بتسلم علي عمو البواب وبتسألو من اخبارو واخبار بتو هيفاء كلمها انو دخلت الجامعة وهي هسي في ثالث بتقرا بزنسكلم الزول المعاهو انو يرفع الشنط ويوديها جوا... مرت من خلال الحديقة المنظمة والمرتبة البتنقط منها قطرات الندى ومدياها شكل حلو... دخلت جوة وقلبها كان بدق بقوة اخيرا حتشوف اهلها بعد 3سنة..حست بقشعريرة سرت في جسمها لمن شافت امها حنان قاعدة في الكنبة وبتقرا ليها في كتاب...صرخت بفرح:امي وجرت عليها زي الشافعة الصغيرة...امها وقفت قبل ما تحضنها وتقول:بيان اخيرا جيتي حمدلله علي السلامة يا بتي بركة الجيتي طيبة_الله يسلمك يا امي وربي مشتاقاك كتير وبقت تبوس راسها ويدينها_ولي ما كلمتينا يخسي عليك كان جينا استقبلناك في المطار_والله حبيت اعملها ليكم مفاجاة وكدا_احلي مفاجاة والله_وين ابوي وسهي??_ابوك مشي مناسبة ناس قرايبو وسهي في الجامعة _مشتاقة ليهم شديد والله_اجبي ليك الغداء هسي ولا بعد ترتاحي??_لالا انا اكلت والله في الطريق تعبانة بس عايزة انوم_ولييييه تأكلي في الطريق هنا مافي اكل يعني?? هسي لو كنتي مكلمانا كان عملت ليك غداء كااااارب كدا احيي بس_ما مشكلة يا امي بكرا ابقي اعملي فطور كارب بيدينيك السمحات ديل_بطلي بكش يا بتي يلا مش قلتي عايزة تنومي امشي غرفة سهي لانو غرفتك عايزة نظافة بكلم ليك الخدامة هسي تنضفها ليك_طيب يلا باااي تصبحي علي خير_تلاقي الخير يا بتيمشت ودخلت الاوضة شغلت المكيف حتي ما غيرت هدومها من شدة التعب اتغطت باللحاف وبعدها غطت في نوم عميقـــــــــــــــــــــــــــــــــــــــــــــــــــخبت الباب مافي زول فتح ليهو لفحتو نسمة الهواء البارد لانو الباب كان شبه مفتوح دخل الاوضة الباردة والشبه مظلمة فتح النور قبل ما يمشي علي الولد النايم في السرير ويصحيهو_رئبال... يارئبال قوم يلا الغداء_همممممممممم_قوووم يخخخ بطل سغالة الناس ديل مستنينكم تحت_طيب خمسة دقائق بس واقومومشي لسديم البرضو ما صحى ليهو وقف يعاين ليهم لمسافة بعدها خطرت في بالو فكرةابتسم بخبث قبل ما يطلع وهو بقول ليهم: ابوي منتظركم تحت وشكلو زعلان شديد هببتو شنو انتو الجوز??الاتنين نطو في زمن واحد وبقو يجارو في الغرفة زي المجانين _الليلة حيكتلنا وي وي نعمل شنو يا سديم_لازم نفكر في حل عشان نطلع من البلوة دي احسن حاجة انو نحكي ليهو الحقيقة بس_اي اي لازم وبسرعة لبسو سنفجاتهم وفحطوو وسام اتفطس بالضحك وقف قبل ما يقفل الباب ويقول:عالم ما بتجي الا بالعين الحمرة
يتبع......
