الراهبه والطيار (مكتمله)

النهايه

مساء الخير أحبتي❤
أتمنى لكم قراءه ممتعه

بقلم: زهراء البياتي

رينادكعدت وره ساعتين على عياط زهراء
كمزت من مكاني اريد افتهم شكو
اسمع زهراء تصيح يوم و يوم
نزلت ركض وشفت خالتي سهام متمدده يم الدرج عبالك جثه
حطيت ايدي على حلكي و شهكت

زهراء..ريناد اركضي خابري بابا امي مادري شبيهه وكعت
نزلت بسرعه ورحت لغرفه الحجيه اخذت تلفونهه وهيه فزت خطيه جانت نايمه
خابرت على الحجي بسرعه
وكتله خاله سهام متخربطه هو كال دقايق و يمكم
رحت يم زهراء اباوع على سهام الوجهه اصفر
زهراء..جيبي مي
رحت جبت كلاص مي وانطيتهيا
ضلت اذب المي على وجهه وتمسح وجهه
زهراء..يمه لتخوفيني عليج يمه افتحي عينج
انكسر كلبي على زهراء كل يوم هبطه جديده
سمعنا صوت هورن
بسرعه رحت جبت حجاب وحطي على راس خالتي
واجه الججي بسرعه شالهه هو وزهراء و طلعو بالسياره

الحجيه طلعت من غرفته وتمشي بالكوه
الحجيه..ولج شكو شصار
..حجيه خاله سهام متخربطه
الحجيه..يمه شبيهه
..والرب مادري اجيت على صياح زهراء شفتهه متمدده
الحجيه..انشالله مابيهه شي لتخافين يمه العار مايصير بي شي
..يا حجيه بلا هذا هم حجي
الحجيه..قابل اجذب عليج هسه تجي وتشوفيهه نفس الحصان تلعلع
درت وجهي وكمت ادعي الله يكومهه بالسلامه
صح هواي تقهرني و تأذيني بس مو بيدي ما احب ادعي على احد او اتمنى يصير بي شي

صعدت فوك لغرفتي شفت هاله كاعده اكيد على الصوت..شلتهه وحطيتهه تزحف لان تختنك اذا احد يلزمهه ويقيدهه تحب تزحف و تفتر بالبيت
دخل علاوي عليه مبين جان نايم
علي..شنو العياط
..ماكو سي حبيبي بيبتك شوي تعبت ودوهه للمستشفى
علي..عادي انام بغرفتج
..اي حبيبي تعال نام هنا
اجه ونام على جربايتي يحب من ابو يروح يجي ينام بالغرفه يم هاله حته بليل هم يلعب وياهه
باوعت علي صاير هادئ و ميحجي هواي
..شنو علاوي كبرت وعقلت لو بيك شي شو صاير هادئ
علي..مشتاق لماما صارلهه اسبوعين ماكو مو لازم اروح الهه بس بابا جان يخابر جدو ابو ماما يكله لا لجيبه عذراء مو هنا
انقهرت علي الله لا يوفقج عذراء تجين للولد بس بوكت المصلحه
..حبيبي يمكن عدهه شغل ومكدرت تشوفك باجر اخابرهه اني واكلهه تجي تاخذك
هز راسه و رجع نام واني بقيت اتتظر خبر من زهراء
ضليت نص ساعه وسمعت صوت سياره

اخذت هاله و نزلت جوه حطيتهه بالحجله
ورحت بسرعه فتحت الباب
لكيت زهراء لازمتهه و سهام تمشي على كيف
والحجي وراهه يخابر
..الحمدالله على سلامتج متشوفين شر
باوعت عليه و مجاوبتني و دخلو للبيت
هزيت ايدي والله حقهه الحجيه مم تكول العار ميموت ولا يصير بي شي

كعدت بالصاله و تهفي على وجهه
سهام..شكو تباعين عليه جنتي تدعين اموت مو
حته تخلصين مني اعرفج
..استغفرالله اني ما ادعي على احد
سهام..وتستغفر ربهه هم هو انتي يهوديه شعندج تستغفرين
..اني مسلمه
زهراء..يمه هستوج طلعتي من المستشفى شسالفه تردين تتعاركين
الحجيه..اني كلت لريناد الشسمه ابد ميموت
سهام..قصدج العار حجيه مو اشكرج
الحجيه..هسه اني كلت عار انتي كلتي على روحج عار
زهراء..خلي افتح السبلت حاره
الحجيه..شطلع بيج عجوز الليل
سهام..حجيه اذا اني عجوز الليل انتي شنو
الحجيه..كولي كولي تردين تكولين اني عجوز البيت مو
سهام..مكلت
الحجيه..شطلع بيج بلا يلشابه
سهام..مطلع شي بس السكر صاعد عندي
ريناد..اصب الغده
سهام..صبي شمنتظره
الحجيه..حتموتين واسلوبج ممحسنته
سهام..اوووو حجيه شسالفه تردين بس اموت و اموت الف اسمالله عليه فال الله ولا فالج
زهراء..انتو اذا واحد يكعد بيناتكم ينجلط خليني اصعد فوك احسلي
سهام..اصعدين وتعوفين امج المريضه هستوني طالعه من المستشفى لا عصير انطيتيني لا مي
زهراء..ردت انطيج وادللج يمه بس من شفتج تتعاركين وتراددين كلت ميحتاج راجعه وبقوه انتي
يلا اصعد لان دخت
سهام..تربيه بيبتج ما عليج عتب
الحجيه..شكلتي
سهام..مكلت شي