مساء الخير
أتمنى لكم قراءه ممتعه
بقلم: زهراء البياتي Zahraalbayatiَ
غريب
ومدري ليش بـ گلبي آلك هلگد ثقه
فآت بس آسبوع عن ذآك السلآم
وصآر بيني وبينك هموم وشَقه
التقي ويآك ورغم مآ ملتقين !!
وگمت آحسده المن صدك بيك التقه
مبين العنوآن آنتَ آول بريء
المآ تشبهك كُل حيآتي السآبقه
الدنيآ مو زينه شـ عجب بآقي آنتَ زين ؟
يآهو مَر بـ ظرفك و طيب بقه ؟
بـ سرعه بيه سوآلفك آخذت مكآن
مثل طشه سآلفه البـ المنطقه !!
آني خآيف منك و خآيف عليك
الدنيآ تلچم بـ الگلوب الصآدقه
ادم..تزوجيني يعني تزوجيني واذا مصره ترفضين تنطردين من البيت
لهذا السبب بويه لتعبيني وخلينا نعقد الباجر وصلت حدهه وياج
ريناد..يحجي واحس كلبي يريد يوكف و الهوى انكطع..يطردني عمو معقوله يطردني اذا ما ازوجه اجباري..بلعت ريكي احس الانسان الوحيد الجنت احبه و أمن بي و اثق بي هم استغل وحدتي و ضعفي
..ماشي عمو اقبل التسوي سوي
كلتهه واني اباوع علي بحقد من كرهي اله
شفت انرسمت ابتسامه خفيفه على شفايفه
دنك و باس كصتي و همس
ادم..ماشي يروح ادم انتي
غمضت عيني احس قربه مني قرف
مسح على شعري وراح صعد فوك
بقيت بالنص ساعه انتظر حته يعم الهدوء بالبيت
وصدك وره نص ساعه كلهم جانو نايمين وحته ضوه ممفتوح..كمت وكفت على حيلي و الدمعه بعيني
رحت يم الباب الرئيسي جانت اكو تعاليك واكو عبايه راس مال ام ادم موجوده..اخذتهه وحطيتهه على كتفي
ولبست حذاء حنين
درت وجهي باوعت على البيت..خلص انتهت حياتي هنا ماكدر ابقي يم ناس على اقل شغله يهددوني بالطرد و ممتقبليني و يستغلون ضعفي
صح اني معايشه بهل دنيا ولا اعرف الوحوش البره بس اعرف كولش زين الاستغلال لان خالتي من زمان استغلتني و استغلت ضعفي و شمرتني بالدير
واليوم عمو اثبتلي نفس الشي.. محد يحب احد بصدق كلهم مصالح و كلهم ديستغلون ضعفي
يريد يتزوجني بكيفه مو بكيفي يريد يتزوجني رغم اني حته ماعرف شنو الزواج يريد يتزوجني رغم اهلهه الرافضيني وفوك هذا كله يكولهه بعيني اطردج اذا متقبلين.. كسرني اي عمو كسرني مفكر شنو احساس من اشوف الجنت واثقه بي يخذلني..اخذت نفس و غمضت عيني
وفتحت الباب على كيف وطلعت حته مأخذت ولا شي وياي طلعت بس بالعبايه و الحذاء
مشيت على السريع اريد اوصل للباب واطلع من هل بيت..بس من طلعت وشفت الشارع كلبي ضل يدك على السريع..التفت اباوع على البيت وافكر بعقلي الداسوي صح لو غلط .. بس كملت طريقه وكمت امشي بأتجاهه الدير لان اندله
من وصلت للدير عيوني دمعن مجرد مشفت المكان التربيت بي خلص ريناد هذا مكانج نفس مكالت خالتج اني مكاني بس الدير..رحت ودكيت الباب
طلعت الحارسه واول مشافتني فزت وراحت تصيح مدينا..هنا اني جنت ادعي الرب بس يقبلوني يمهم ماعندي مكان اروح بي بس همه
طلعت امنا والغضب مبين من عيونه
مدينا..شعندج
..امنا سامحيني خليني يمج اني متبهذله بالشوارع امنا ابوس راسج بس سامحيني
مدينا..ماكدر ماكدر انتي مفضوحه عند المسيح كلهم تتمعشكين وتحبين وهذا دير مقدس ما ادخل ناس ممنتمين لربهم افتهمتي..حجتهه وسدت الباب بوجهي
YOU ARE READING
الراهبه والطيار (مكتمله)
Historical Fictionالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
