الراهبه والطيار (مكتمله)

البارت 11

مساء الخير أحبتي ❤
أتمنى لكم قراءه ممتعه

بقلم:زهراء البياتي

طبعا قبل ما ابدي بالبارت حابه اشكركم كوللش على تفاعلكم..صدك التفاعل لازم يصير اكثر لان مشاهدات هواي بس مو مهم راضيه على هل تفاعل😍
والله يعني كل التعب مال الكتابه يروح من اشوف تعليقاتكم ومن اشوفكم داخلين بالجو مال قصه وعبالك عايشين وياهم كولش هل شي يفرحني
اني بيكم و بتعليقاتكم و تفاعلكم راح استمر ❤❤
وهسه خلونا نرجع للبارت

بارت طويل لعيونكم

.....

ادم..انعل بليسج شنو من كارثه انتي
ريناد..عمو
ادم..ها بويه
..احبك
ابتسامه اختفت و صفن بوجهي احسه ضاج من كلتله
دنكت وعضيت شفتي
ريناد..اني احبك كولش عمو انته كل ما اشوفك اذكر حنيه بابا و خوفه عليه احسك..اريد اكمل بس قاطعني
وهو يحط اصبعه على حلكي
ادم..اشششششششش ولا حرف
باوعت علي ليش هيج صار عصبي
ادم..شوفي اني لو ما اعرفج على نياتج و تذبين الحجي البكلبج بدون متحسبين حسابه جان تصرفت وياج تصرف ثاني..بس ماطول قصدج تحبيني كعم او كأبو اوكي حبيني بس مو تكوليهه بوجهي ولا اريد احد يسمع هاي الكلمه منج من احد يسمعهه حتسويلي مشاكل افتهمتي بويه لو اعيد

ريناد..اسفه بعد ما اكولهه
ادم..يلا نامي
هزيت راسي ونمت على الفراش وهو اجه غطاني
وراح بس احسه عصبي..غمضت عيني وجان تفكيري كله بكلامه ليش اسوي مشكله مو زين اصلا احبه نفس ما احب بابا
نمت بعد تفكير طويل..

وكعدت على ايد واحد يلعب بشعري
فتحت عيني لكيت علاوي كدامي و يضحك واسنونه مكسره من كدام..ابتسمت على شكله و بسته من خدوده حيل
علي..كومي سوي ريوك الي
..هسه اكوم
رفعت راسي شفت محد بالصاله شفت الساعه بال٨ الصبح شعجب مكاعده الحجيه 

كمت رحت للحمام غسلت وجهي و فرشت اسناني
وشلت شعري ورجعت شلت الفراش صعدتهه فوك للمخزن.. من نزلت لكيت الحجيه هستوه كاعده
..صباح الخير
الحجيه..هلا صباح النور يمه سوينا شي ناكله
..هو هسه حروح اسوي
رحت للمطبخ فتحت الثلاجه لكيت البيض خلصان بس اكو اجبان وهذول لازم بالريوك لو بيض وطماطه لو بس بيض..اخذت نفس ورحت للحجيه سئلتهه عادي تتريكون بس اجبان بس مقبلت كالت روحي لادم كليله ايروح يشتريلنا بيض وهم ناقصنا مسواك
هزيت راسي ورحت صعدت فوك
دكيت الباب اكثر من مرتين محد يجاوب
بعدين كمت ادك الباب حيل

انفتح وطلعت عذراء الي جانت مبين هستوه كاعده
فتحت عيوني على وسعهه..شكد متستحي وعيب مطلعه رجليهه لعمو ادم هاي شلابسه انوب لابس فستان ماعرف شنو كولش قصير وحته صدرهه مبين شكد عيب من عمو
عذراء..خييير يا طير شو من الصبح
..اريد احجي ويا عمو
عذراء..شتردين اني اكله
..الحجيه تكول ماعدنا مسواك حته بيض ماعدنا خل يروح للاسواق يجيب
عذراء..ومترحين انتي شناقصج
..ما اندل اني
داحجي و اجه عمو وكف وراهه جرهه من ايدهه ودخلهه
ادم..روحي بويه هسه ابدل واطلع اشتري
حجاهه وسد الباب
احس ضجت من تصرفه يعني ليش يسد الباب بوجهي وكلساع هيه يمه اربعه وعشرين ساعه يمه
يمكن لان زوجته فا لازم تنام يمه نفس ما ماما تنام جانت ويا بابا..بس حته لو ليش هيج تلبس مو عيب منه