عشق الاوس بقلم يـاسـميـنا

4

هدوء .. صمت .. شرود لا يوجد سوي صوت انفاسها
عيناها تروي كثرا من الألم .. هي كانت تخشي هذا اليوم
وتعلم ان زوجها ما ان اتخذ هذا القرار لن يتراجع به ابدا وليكن ما يكون
نظر سيف لأيهم الواقف بجواره بأن يتركهم وحدهم
فأومئ أيهم ورحل لعمله
بينما دلف سيف للغرفه كعادته ليجلس بجوارها متطلعا بحزن تنهد ليقول :

ممكن افهم مش عاوزه تاخدي دواكي ليه ... يعني يرضيكي اموت من خوفي وقلقي عليكي لما الضغط يعلي وتتنقلي للمستشفي زي كل مره

لم تجبه ولم تلتفت حتي كأنه ليس بجوارها
تأمل عينها الزرقاء الذي انطفئ بريقها ليكمل :
للدرجادي جهاد اغلي من ابوه
طب مفكرتيش انا عملت كده ليه ! ومخلتش الموضوع يعدي زي كل مره !

لا رد ... اغمض عينه بألم لأنه يدري انها لن تجيبه فها هي صغيرته اصبحت تعلم الطريقه التي تتمرد بها عليه وهي الصمت

فأكمل سيف وهو يمسك بيدها بحنان :
ابنك لازم يكبر بقي ياسما .. انا دلعته بزياده وعمري م رديته ولا قلتله انت بتعمل ايه .. واهو النتيجه زي م انتي شايفه
سهر ومخدرات وشرب وقرف
شايفه ان هو ده اللي يشيل اسم سيف الرفاعي !!...
اني اسيب ابني يكبر لوحده ويتحمل نتيجه تصرفاته ومشاكله اللي بتوصلني كل يوم من ضرب وبلطجه
مش قسوه بالعكس هو ده اللي هيخليه يتعلم يتحمل المسؤوليه
ابنك بقي عنده 26 سنه وبياخد مصروفه منك ياسما
انتي فاكراني مش عارف .. الفلوس اللي بتتسحب من حسابك ف البنك  .. ياريتها فلوس عاديه لا دي مبالغ
تقدري تقوليلي لو انتي اللي بتسحبيهم هتعملي بيهم ايه
ما هما ف حسابك من زمان ليه بقي دلوقتي الوضع اتغير
فوقي ياسما انتي بضيعي ابنك بدلعك ده ... دي وصلت انه زق ابوه وضرب اخوه الكبير قدااام عيني
هو ده جهاد ابني !! انا فعلا معترف اني مقدرتش اربيه
ياريتني اخدت الخطوه دي من زمان وطردته وحرمته من كل حاجه ... بس مكنتش بخاف علي زعل حد قدك ..

لتلف وجهها له وتتعمق بالنظر ف عيناه لثواني لتهم اخيرا بالتحدث :
عايز تحرمني من ابني وتحرمه مني ليه ياسيف !!
فكرك ان هو كده يعني حاله هيتصلح وهو بعيد عني .
تبقي غلطان
انت طول عمرك بتفرق م بينه وبين باقي ولادك

سبف بزهول :
انا ياسمااا !!

سما :
ايوه ياسيف .. من صغره دايما كنت اقلك بلاش بلاش تقارنه ياسيف بحد من اخواته

سيف :يعني هي دي كانت جزاتي ان كنت عاوزه يكون زي اخواته

سما :
بس مش بالطريقه ددددي
لما يجيب شهادته من المدرسه اقولك خلاص ياسيف دي قدرته ع المذاكره والدراسه
حتي لما دخل ثانوي ومجموعه قليل كنت هتعلقله المشنقه قولتلك يومها قاسم غير جهاد .. ولادي انا مربياهم وعارفه كل واحد علي ايه بس انت ولا انت هنا .. كل اللي طالع عليك م هو قاسم توأمه ليه ميكنش زيه
عمرك م قدرت تفهم ولا تستوعب ان قاسم وجهاد مش واحد
اه توأم بس مش واحد  عمري م كنت اتخيل ان دماغك تكون صغيره بالطريقه دي
انا عاوزه ابني ياسيف ... رجعلي ابني متعملش فيا كده