Chapter (3-3) (zawgyi+Unicode)
Rong Wangဟာ အချိန်အနည်းငယ်အတွင်း Feng Ming အပေါ်ကနေ ထလိုက်သောကြောင့် Feng Ming ရဲ့ ကိုယ်နှင့်လက်တွေပေါ်က ဖိအား အနည်းငယ်လျော့သွားလို့ Feng Mingက ရုန်းကန်ပြီး ထွက်ပြေးဖို့ လုပ်လိုက်သည်။ ဒါပေမယ့် မင်းသားငယ်ရဲ့လွတ်မြောက်မှုဟာ ချက်ချင်း Rong Wang လက်ထဲ ပြန်မိသွားသည်။ သူတို့နှစ်ဦးက အချိန်တိုအတွင်း ဆက်တိုက် ရုန်းကန်တိုက်ခိုက်နေကြပေမယ့် Feng ming ခမျာ သူ့ကိုယ်သူတောင် ဘာမှပြင်ဆင်အားထုတ်ချိန် မရလိုက်ပဲ Rong wang ရဲ့ခုန်အုပ်မှုကိုခံလိုက်ရပြီး အေးစက်လှတဲ့ကြမ်းပြင်မှာ ပြန်လည်လဲကျသွားရပြန်သည်။ Feng ming ရဲ့ကိုယ်လုံး
လေးဟာ Rong Wang ရဲ့ကြီးမားတဲ့ကိုယ်လုံးအောက်မှာ ဖိထားခံလိုက်ရပြန်သည်။
ဒေါသတွေအပြည့်နေသည့် မျက်ဝန်းတစ်စုံကို Feng ming မြင်လိုက်ရသည်။ Rong wang က အံကြိတ်ပြီး ပြောလိုက်သည်။ သူ၏အေးစက်စက်သာ ပြောတတ်သည့် နူတ်ခမ်းတွေက အခုတော့ Feng Ming ရဲ့ကျေးဇူးကြောင့် သွေးတွေနဲ့ရဲလို့နေသည်။
"မင်း ငါ့ကိုကိုက်ရဲတယ်ပေါ့"
ဒီနေ့အဖြစ်အပျက်တွေက Rong wang မျှော်မှန်းထားသည်တွေနှင့်တခြားစီဖြစ်နေပြီး ပုံမှန်ဆိုလျှင် သူ့အောက်မှာရှိတဲ့ မင်းသားငယ်က ကြောက်ရွံ့တုန်ယင်နေပြီး သူ့ကို ငိုယိုတောင်းပန်နေရမှာဖြစ်သည်။ ခါတိုင်း မျက်လုံးချင်းအကြည့် မဆိုင်ဝံ့သည့် မင်းသားငယ်က အခုတော့ ကြောက်ရွံ့မှုကင်းမဲ့စွာနှင့် သူ့ကို ဒေါသနှင့် စိုက်ကြည့်လို့နေသည်။
Feng Ming က သူ့ထက် အင်အားပိုကြီးပြီး ရန်လိုနေတဲ့
ီဒီယောင်္ကျားကို အဝေးကိုတွန်းထုတ်ကာ နာကြည်းဒေါသအကြည့်တွေနဲ့ Rong Wang ကိုခြိမ်းခြောက်လိုက်သည်။
"ခင်ဗျားကို သတိပေးနေတယ်နော်။ ကျွန်တော့်ရဲ့ ခြေလက်တွေ မလှုပ်နိုင်တဲ့အပြင် ကျွန်တော့်ရဲ့ကိုယ်က ဒဏ်ရာတွေနဲ့ အားနည်းနေလို့ သက်သာသွားတယ်မှတ်။ ခင်ဗျား ကျွန်တော့်ကို တခုခုလုပ်မယ်ဆိုရင် မနက်ဖြန် ခင်ဗျားကို ကျွန်တော် ....''
Feng Ming စကားမဆုံးခင်မှာပဲ သူ့မျက်လုံးတွေဝါးလာပြီး အမှောင်ထဲကျဆင်းသွားပြီး သတိမေ့သွားတော့သည်။
"ကျွန်တော်ပြောလို့မပြီးသေးဘူး။ သေစမ်း...ကောင်းလိုက်တဲ့ အချိန်ခရီးသွားခြင်းပဲ။ ဒီလို ပျော့ညံတဲ့ခန္ဓာကိုယ်နဲ့ သူများစော်ကားသမျှ ခံနေတာ အတော့်ကို အသုံးမကျတဲ့ မင်းသား။ ငါ့မှာ စကားကို ဆုံးအောင်တောင်ပြောခွင့်မရလိုက်ဘူး။ "
မကျေနပ်ချက်တွေနှင့်အတူ Feng Ming သတိလစ်သွားတော့သည်။
နိုးထလာသည်နှင့် သူ့မျက်လုံးတွေဖွင့်ဖွင့်ချင်းမှာပဲ ရှေးကျပြီး တန်ဖိုးကြီးတဲ့ အိပ်ယာထက်က မျက်နှာကျက်ကို မြင်လိုက်ရသည်။ သူ ဘာဖြစ်သွားသလဲဆိုတာ ပြန်တွေးနေစဉ် သတိရသွားသည်။
ဒုက္ခပဲ။ ဒီပြဿနာဆိုးကြီးက အခုထိရှိနေတုန်းပဲ။ ချောမောခန့်ညားလွန်း တဲ့ Rong Wangရဲ့မျက်နှာကြီးကို သူ့ရှေ့မှာ မြင်လိုက်ရတာနဲ့ သူက သာမန် ဘုရင်ခံမဟုတ်ဘူးဆိုတာ သိလိုက်သည်။ ဘုရင်ခံက သူထင်ထားသလို အသက်ကြီးကြီး မျက်နှာဖောင်းအစ်အစ်နဲ့ မဟုတ်ဘူးပဲ။ သူမှန်းချက်အရဆိုရင် Rong Wangက အရင်ဘဝက သူနဲ့ အသက်ရွယ်တူဖြစ်လိမ့်မယ်။ ဒါပေမယ့် သူက ဘာတွေစားပြီးကြီးလာလို့ ဒီလောက်အားကောင်းမောင်းသန်ဖြစ်ရတာလဲ။
ပြီးတော့ သူ့အိပ်ဆောင်ထဲ ဒီလူ Rong Wang ရှိနေရုံနဲ့ လေထုတစ်ခုလုံး အေးစက်ပြီးလူတိုင်းက အသက်ရဲရဲတောင်မရှုဝံ့သလိုပဲ။
ဒီလူက လူတွေကို အကြောက်တရားတွေနဲ့ခိုက်ခိုက်တုန်အောင် ထိတ်လန့်စေသည်။ ဒီလို အမူအရာမျိုးနဲ့ဆို တီဗီက လာတဲ့ ဇာတ်လမ်းတွဲတွေထဲက ဗီလိန်သရုပ်ဆောင် လုပ်လို့ရနေပြီ။ သူကရုပ်ချောရုံလေးပါပဲ။ အကျင့်က တကယ်ကို တန်လွန်းတယ်။
"ငါတို့ရဲ့အိမ်ရှေ့မင်းသားကို ဘယ်သူက စိတ်အနှောင့်အယှက်ဖြစ်အောင် လုပ်ရတာလဲ"
Rong Wang က Feng Ming ကို လှောင်ပြောင်သရော်လိုက်သည်။ ဒီစကားတွေအရ သူက အိမ်ရှေ့စံမင်းသားလေးကို ဘယ်လောက် အထင်သေးသလဲဆိုတာ ဖော်ပြနေသည်။
Feng Ming သူ့ပတ်လည်ကို တစ်ချက်ကြည့်မိတော့ အခန်းထောင့်မှာ သူ့အခြွေအရံတွေက တိတ်ဆိတ်စွာ မတ်တပ်ရပ်နေသည်ကို တွေ့လိုက်ရသည်။ Chiu lian အပါအဝင် ဘယ်သူကမှ သူတို့ သခင် နှိပ်စက်ခံနေရတာကို မကာကွယ်ပေးချင်ကြဘူး။ ဒါဆို Rong wang က Xi Re ရဲ့အတည်မပြုရသေးတဲ့ ဘုရင်ခံတစ်ပါး ပဲပေါ့။ ဒီနန်းတော်ထဲမှာ အိမ်ရှေ့မင်းသားတော် ဘုရင်ရဲ့ ကစားစရာ အရုပ်လေး တစ်ရုပ်ဖြစ်နေရတာလား။
အိမ်ရှေ့မင်းသား ကိုယ်တိုင် မြစ်ထဲခုန်ချသွားသည်ထိ ဒီကောင် မကောင်းဆိုးဝါးဘုရင်ခံက ဖိအားပေး နှောက်ယှက်ခဲ့တာပေါ့။ ဒါကြောင့်လည်း Feng Ming အသက်ရှင်နိုင်ဖို့ ဒုတိယအခွင့်အရေး ရလိုက်တာဖြစ်သည်။
"ငါ မင်းကို မေးနေတယ်လေ"
သူက Feng Ming ရဲ့မေးစေ့ဟာ သူ့ဘက်ဆွဲလှည့်ပြီး အစေခံတစ်ယောက်လို အမိန့်ပေးလိုက်သည်။
Feng ming ဟာ ဒေါသထွက်နေတဲ့မျက်နှာကို ဖုံးကွယ်ခြင်းမပြုပဲ ဘုရင်ခံနဲ့ဝေးရာကို ခေါင်းကို တိမ်းလိုက်သည်။
"ချောင်ချောင်း လိုကောင်.....''
"ချောင်ချောင်း ...ဟုတ်လား။ ချောင်ချောင်း ဆိုတာ ဘယ်သူလဲ''
ဒီသစ္စာဖောက်ဘုရင်ခံရဲ့ အမူယာအရသုံးပြည်ထောင် အချစ်ဇာတ်လမ်းကို မဖတ်ဖူးဘူးဆိုတာသိသာသည်။
ချောင်ချောင်း ရဲ့ အဓိပ္ပာယ်ကိုရှင်းပြလည်း သူကကို စိတ်အနှောင့်အယှက်ဖြစ်စေမှာမဟုတ်လို့ ပိုအရေးကြီးတဲ့ကိစ္စကို မေးဖို့စဉ်းစားလိုက်ပြီး ရုတ်တရုတ် Rong Wang ကို စူးစိုက်ကြည့်ပြီး မေးလိုက်သည်။
"ကျွန်တော် ခင်ဗျားကိုမေးစရာရှိတယ်။ မနေ့ညက...ခင်ဗျား
ကျွန်တော့်ကို တခုခုလုပ်ခဲ့သေးလား''
".....''
".....''
အခန်းထဲက အခြွေအရံအစေခံတွေနဲ့. လူအားလုံး ဆွံ့အသွားရပြန်သည်။ ဒီလိုအကြောင်းရာက လူသိရှင်ကြား မပြောရဲတဲ့ ရှက်စရာစကားလုံး တွေဖြစ်သည်။ အိမ်ရှေ့မင်းသားက ခါတိုင်းလို ထိတ်လန့်ကြောက်ရွံခြင်း မရှိ၊ ငိုကြွေးခြင်းမရှိပဲ သူပြောလိုက်တဲ့ စကားတိုင်းက စိတ်ဝင်စားဖို့ကောင်းနေသည်။
Rong wang က Feng ming ရဲ့အမူအယာတိုင်းကို ပြဇာတ်တစ်ပုဒ်ကို ကြည့်နေရသလို ပျင်းရိလေးကန်စွာကြည့်နေရင်း Feng ming နားတိုးကပ်သွားပြီး Feng ming ရဲ့ လေသံကို တုပပြီးပြောလိုက်သည်။
"ဟား...ဟား....ဟား....ငါ မင်းကို လုပ်လိုက်လား.၊ မလုပ်လိုက်ဘူးလား ဆိုတာကို သိချင်တာလား...''
သူက လူယုတ်မာလိုပြုံးပြီး အရသာခံပြောလိုက်သည်။
"ခင်ဗျား အရူး''
Feng ming က ရုတ်တရက် ဒေါသကြီးတဲ့ ကျားတစ်ကောင်လို မြန်ဆန်တဲ့ အရှိန်နှုန်းနဲ့ သူ့ဘေးနားက လူကို တိုက်ခိုက်လိုက်သည်။ သူ ကြားဖူးခဲ့တဲ့အတိုင်း လျှပ်ပြက်သလို လျင်မြန်စွာနဲ့ Rong Wang ရဲ့မျက်နှာပေါ်ကို လတ်ဆတ်တဲ့လက်သီးရာကို ပြုလုပ်ပေးလိုက်သည်။
မာနကြီးပြီး မောက်မာတဲ့ လူရဲ့ မျက်နှာပေါ်မှာ လတ်ဆတ်တဲ့ ဒဏ်ရာတစ်ခု ရသွားသည်။ ဒီလိုမျိုး ဖြစ်သွားလိမ့်မယ်လို့ ဘယ်သူမှ မျှော့်လင့်မထားခဲ့ကြ။ အခြွေအရံအားလုံး တုန်လှုပ်ကြောက်ရွံသွားကြကာ ဘာမှမပြောနိုင်အောင် ဖြစ်သွားကြသည်။
Rong Wang ဟာ လုံးဝအံ့သြသွားတုန်း သူ့ရဲ့မျက်နှာပေါ်မှာ လက်သီးရာ ထင်သွားသလို နန်းဆောင်တစ်ခုလုံးငြိမ်ကျသွားတော့ သည်။
အခန်းထဲက အခြွေရံအားလုံး မျက်နှာ ဖျော့တော့ကုန်ကာ သူတို့သခင်တွေ သတိမပြုမိခင်မှာပဲ တံခါးကိုပိတ်ကာ တိတ်တဆိတ် ထွက်သွားကြပြီ ဖြစ်သည်။
လက်သီးချက်တစ်ချက်ကြောင့် Rong wang ရဲ့မျက်နှာပေါ်မှာ ဒဏ်ရာက ခန့်ညားစွာနေရာယူထားလေပြီ။ Feng ming က သူ့ရဲ့အပြုအမူ လွန်သွားမှန်းသိလိုက်သည်။
သူက ငယ်ကတည်းက ခေါင်းမာပေမယ့် ခုလို အပြုမှုကို လုပ်ဖို့ တခါမှ မစဉ်းစားခဲ့ဖူးဘူး။ အခုတော့ သူ့ဂုဏ်သိက္ခာထိ ထိခိုက်စော်ကားလာလို့ သူဖာသာ ကာကွယ်လိုက်မိတာဖြစ်သည်။ သူ့ရဲ့ရုပ်ပိုင်းဆိုင်ရာ ဒဏ်ရာတွေနဲ့စိတ်ပိုင်းဆိုင်ရာ နာကျင်ရရင်တောင် ဒီလို လုပ်ရပ်မျိုး လုပ်မဲ့လူမျိုး မဟုတ်ခဲ့ပေ။
ဒါပေမဲ့ ဒီဘက်ခေတ်မှာ သူ့ပြိုင်ဘက်က ကြမ်းတမ်းရက်စက်တဲ့ ဘုရင်ခံဖြစ်နေသည်။ Rong wang ဟာ အပေါ်ကနေ ချုပ်ကိုင်ကာ Feng Ming သူ့ကိုလုပ်လိုက်တာကို ပြန်မြင်ယောင်ရင်း သူ့ကို အရှက်ခွဲလိုက်တဲ့သူကို အံ့အားသင့်ကာ မေးလိုက်သည်။
"မင်းက ငါ့ကိုရိုက်တယ်"
"မင်း မနေ့က ငါ့ကို ကိုက်တယ်။ အဲဒါကို စာရင်းမရှင်းရသေးဘူး။ ဒီနေ့ မင်းက ငါ့ကို ထပ်ရိုက်ရဲတယ်ပေါ့"
Rong wang က မယုံကြည်လောက်အောင် ဖြစ်ကာ လက်ဖက်ရည်ခွက် ကိုင်ထားတဲ့လက်တွေက အလွဲလွဲအချော်ချော်ဖြစ်နေသည်။ တကယ်ဆိုရင် အိမ်ရှေ့မင်းသားက လန့်နေရမည် မဟုတ်လား။
Feng ming မဖြေရခင်မှာပဲ သူ့ရဲ့ခေါင်းကို ဘယ်ညာလှုပ်ရမ်းကာ အသည်းအသန်အော်မေးလိုက်သည်။
"တော်တော့။ ကျွန်တော့ကိုပြောစမ်းပါ။ မနေ့က ခင်ဗျား ကျွန်တော့်ကို အဲဒါ့ လုပ်ခဲ့လား''
"ဒါ ပထမဆုံးအကြိမ်မှ မဟုတ်တာ။ မင်း ဘာ ဂရုစိုက်နေတာလဲ''
ဒါ မဖြစ်နိုင်ဘူး။
Feng Ming ရဲ့မျက်ဝန်းအိမ်တွေ ကျုံလာပြီး အမှတ်မရှိသေးတဲ့ Rong Wang ဆိုတဲ့လူကို နောက်ထပ် လက်သီးစာကျွေးဖို့ လက်ကို ကျစ်ကျစ်ပါအောင် ဆုပ်ထားမိသည်။ အဲ့ဒီအချိန် Rong Wang က သူ့ကို အေးအေးသာသာကြည့်ကာ ဖြေးလေးစွာပြော လိုက်သည်၊
"ဒါပေမဲ့ ငါက ငါးသေတစ်ကောင်လို မလှုပ်မယှက်ဖြစ်နေတဲ့သူကို လုပ်ရတာ မကြိုက်ဘူး။ ပွင့်ပွင့်လင်းလင်းပြောရရင် ဘယ်တုန်းကမှလဲ သတိမေ့နေတဲ့လူကို စိတ်မဝင်စားဖူးဘူး''
Feng Ming စိတ်သက်သာရာရသွားလို့ လက်သီးဆုပ်ကို ဖြေလိုက်ပေမယ့် ခါးသီးစွာပြောလိုက်သည်။
"ကောင်းတယ်။ ခင်ဗျားက အသိတရားရှိရှိ ရွေးချယ်ခဲ့တာပဲ''
သူ့ရဲ့ စကားကို ဒေါသထွက်ခြင်းမရှိသည့်အပြင် ထိုဘုရင်ခံက ရယ်မောနေခဲ့လို့ အိမ်ရှေ့မင်းသား အံအားသင့်သွားသည်။
"မင်းမှာ တခြားမေးစရာရှိသေးရင် အခု ဘာလို့အကုန် မမေးတာလဲ''
သံသယဖြစ်စရာကောင်းအောင် သူက သဘောကောင်းစွာပြောလိုက်သည်။ ဒါပေမယ့် Feng Ming သူ့ကိုမယုံပါ။ သူ့လိုလူက သဘောကောင်းနေဦးမည်။ သူ့မှာမေးစရာ အများကြီးရှိပေမယ့် လောလောဆည် ကောင်းကောင်းလို လူရဲ့ လက်ကလွှတ်ဖို့ သူနဲ့ ဝေးဝေးနေချင်တာပဲ သိသည်။ ဒါကြောင့်သူ့ကို အိမ်ရှေ့မင်းသားတစ်ပါးရဲ့လေသံနဲ့ အမြန်ဆုံးမောင်းထုတ်လိုက်သည်။
ဝေးလေပိုကောင်းလေဖြစ်လိမ့်မည်။
"ဘာမှမေးစရာမရှိဘူး။ ခင်ဗျား သွားလို့ရပြီ။''
Feng Ming သူ့ကိုယ်သူ အရှင်မင်းသားတစ်ယောက်လိုပြုမူဖို့ သတိထားလိုက်သည်။
ထွက်သွားရမယ့်အစား Rong Wang က စိမ်ပြေနပြေနဲ့ အလေးအနက်ပြောလိုက်လေသည်။
"မင်း မေးခွန်းတွေမေးပြီးပြီဆိုရင် အခု ငါ မေးရမဲ့အလှည့်ပဲ''
"ကျွန်တော့်ကိုမေးမယ်။ ခင်ဗျား ဘာမေးစရာ ရှိမှာလဲ...''
"ပထမဦးဆုံးမေးချင်တာက မင်း ဘယ်သူလဲ''
သူ့လေသံက ပြောင်ချော်ချော်နဲ့ အလေးအနက်မထားလို ဖြစ်နေပေမယ့် တကယ် ရေခဲကဲ့သို့အေးစက်စွာဖြင့် စိုက်ကြည့်ကာ မေးလာခြင်းဖြစ်သည်။
Feng Ming သူ့အမေးကြောင့် အံအားသင့်သွားရလေသည်။
=======================
YOU ARE READING
နဝမေကာင္းကင္ဘံုမွ ဇာမဏီ / နဝမကောင်းကင်ဘုံမှ ဇာမဏီ 凤于九天
Historical FictionTranslator _ May King ဖုန္႕ယြီက်ဴတ္ထ်န္း
Chapter (3-3) (zawgyi+Unicode)
Start from the beginning
