احببت مذيع (روايات ليبية )

حلقة 8🔥

#أحببت_مذيع 🔥 في الجزء الثامن 👌
حمزه يضحك مع اصحابه رايف عليهم كلهم وعبود فرحان بشوفته ومعتز وايمن خدوها كلها ضحك وتشفيط 😂👌 واجواء ولا أروع داروها في الاستراحه وبعد دارو اشوايه قعدو برا وبحتو في النجوم والقمر وعبود دار بث مباشر عشان اتشوفه ايوته 😉 وصور القمر وقال يلي حفظه له ايمن 😉
عبود...أحيانا نرى الحياه بجانب آخر بأن لا يوجد سوى القسوه فيها ولكن هناك شي أجمل وهو الحب ❤ الذي نادر بأن يكون مالك هذه الحب صادق بأحسايسه وهمس أميرة السلام هي مالكة قلبي ❤
و وقف البث ❤👌
ايمن..هوبااا 😂😂👌
حمزه...شنو دوتها البنت هذي قالي معتز في الطريق انك حابب
عبود..وهضا يلي صار حبيتها وابتسم
حمزه...خطبتها يا برنس
عبود...خليتها في نهاية الشهر وهي وافقت
معتز...وعليش في نهاية الشهر
عبود...لآن نبي نجهز حوشي ❤
عشان لما نبي نخطبها نقوله نبي عرس طول وانا فرحان عشان لقيت البنت يلي تناسبني وعشان نبي نقرا كتب عن قصص الحب نبي نعرف كل شي عنه ونتعلم كيف نعاملها 😎👌
ايمن...تعلم مني 😎
عبود...لالا انت امشي بعيد فوتني 😂
معتز...ههههه باهي فرحتلك والله
عبود...عقبالك يا غالي
معتز...ابتسم وخطرت علي باله حنان
حمزه...ربي يسعدك وبحت في القمر واذكر حبه ويلي دراته وبنته يلي ماتت تنهد تنهيده كلها وجع 💔
عبود...بحت في حمزه ما تبي تكمل حياتك وتنسى الماضي انا حاسس فيك وعارفك مضايق ومقهور بس لاعند امتى انت لازم ترتبط ببنت تانيه عشان تنسيك الاولى
معتز...كلام عبود صح يا برنس وفكر
حمزه...بس انا شلتها من راسي الفكره هذي
ايمن...انت محتاج لوحده اتحبك وتعوضك يلي شفته ويلي مريت بيه
لان حياتك دمرتها بنت بس حاتحليها وتنورها بنت تانيه احسن منهاا 👌
عبود...شوف انا البنت يلي تحبني ونحبها كل صفاتها تجنن ما يهموها الفلوس ولا شي كل يلي يهمها ان اتكون مع الشخص والناس يلي تحبهم وهالشي خلاني انزيد انحبهاا للبنت
حمزه..وباهي المطلوب مني
عبود..نسألها اذا عندها نسخه منها 😉
ترتبط بيها وتكمل حياتك انت مزلت شبوب وألف بنت تتمناك يا برنس
معتز...كلامه صح والله فكر يا حمزه عشان مصلحتك
ايمن..وانا مش حانفكر 🐸 لان مش متاع زواج انا متاع علاقات وبس 😂👌
معتز...انت خليك علي جنب بعد تعقل فكر ترتبط وتجوز
ايمن ..لا تحطمني يا عزو خيرلك 😂
عبود..فكونا من هرجة ايمن وفكر كويس يا حمزه هذي حياتك
ايمن....حمزه راه عبود باس حبيبته 💋
عبود...فنص فيه 😐
حمزه...هههههههه والله
معتز...هوباا يا رومانسي انت
عبود...زق ايمن توا بدل ما تفكر في حمزه تحكي عليا يا بارد
ايمن...وشنو فيها 😂 واحلى بوسه كانت اكيده عند القلب ❤👌
عبدو...ما ابردك وبحت في حمزه ندويلها
حمزه..قعد يدخن وسكت
معتز...السكوت علامة الرضى معناها
عبود...اوكي 😊 توا نحكي مع اميرتي وصبا وما عاطه مجال لحمزه يعارض
........
ايه فرحانه بحتت في وجها يلي قعد احمر كلما تذكر يلي صار مش عارفه شنو يصيرلها بس هي حاليا ناسيه كل شي الا هو تفكيرها فيه مهووسه فيه فطنت لتليفونها رن ولقاته هو ابتسمت وردت
ايه... هههههه وين قعد شفت البث توا انت نزلته
عبود...ههههه مسرع ها 😎
ايه...ما نكذبش عليك انا دايره شاهد اولا ودايره اي شي اديره يطلع عندي اشعار 😉
عبود...للهدرجه ❤
ايه...مش شايفه غيرك ونحبك ❤ وهمست... عبود
عبود...بحت في القمر ... عيونه ❤
ايه...تفكيري فيك 24 ساعه ❤
وحبي لك صادق و نقي ❤
ومستحيل يتلوث
عبود..ابتسم يا فرحتي فيك وبس ❤
نوعدك ان حاندير المستحيل حتي تشوفي عبود تاني كله رومانسي 😎
ايه...هههه والله
عبود..اها شهر بس ونخطبك وتشوفي 👌
ايه...ما توقعت ان حلمي يتحقق بسرعه فرحت بجد ❤
عبود..انتي قلتي في حلقتي انك عندك امل وان الاحلام حايتحققو وحلمك فيا وحبك فيا واني نحبك ونعيش معاك تحقق تعرفي ليش يا أميره ❤
ايه...ليش وابتسمت
عبود...لان قلبي طيب وصافي النيه
مافيه قساوه قلبك ما احلاه وما احلى صاحبته وابتسم نطلب منك طلب
ايه...تطلب عيوني لك ❤
عبود...ابتسم تذكري امبدري حكيتلك علي رفيقي حمزه وقتلك ان يبي يجي
ايه...يلي زوجته حقيره تسببت في قتل بنتهم
عبود..ابتسم ايوا بذاته
ايه...كنه شنو صار معاه
عبود...نبيه ينساها لزوجته ويحب ويرتبط بوحده تانيه نبي وحده نسخه منك ❤
ايه...ابتسمت مافيش وحده شبهي 😎
عبود...هههههه ناعليا ❤
ايه...منك يا احلى عبود ❤
عبود...ابتسم باهي يلي قتلك عليها تحصلي بنت تكون لرفيقي
ايه...خطرت علي بالها نورا وقالت عندي صاحبتي بس هذي ما تعدلش علي قصص الحب قرايه وخلاص 😂😂
عبود...لا انتي ديري جوك لان لازم يقابلها في الكليه بكرا شنو رايك توا نجيبه معايا
ايه...تمام بكرا نتلاقو ونخليها حدايا بس الساعه كم يعني حاتجي
عبود...نفس الوقت 😎
ايه...شكلك موقع عقد مع هالوقت 😂
عبود...علي شانك والله 😂
ايه...ههههه باهي ما قلت وين قعد
عبود...قعد في الاستراحه مع اصحابي
ومش بس اصحابي معتبرهم خوتي
ايه...ابتسمت ربي يحفظكم باهي بروحكم مافيش حد معاكم
وعبود فهم عليها ... لا اطمني مافيش بنات 😎👌 شباب فقط حانبدو في الحرص والغيره يعني 😅
ايه...هههه 🙈🙈🙈
عبود...بسمتك وضحكتك حلوه ولما تكوني قدامي مش قادر نشيل عيوني من ابتسامتك الحلوه زي صاحبتها ❤
ايه...هربت من كلماته لان حا اذوب عارفه نفسها 😂 ابتسمت ما حكيتلي عن اصحابك كم واحد معاك واحكيلي عليكم وعن اعماركم
عبود...اه منك تحقيق اشر من المحقق كونان 😂😂👌
ايه...ههههههعههه
عبود...يدوم هالضحكه واصحابي 3 هضوما من الطفوله قرينا مع بعضنا وتخصصنا في نفس التخصص وقعدين مع بعضنا اكبرنا حمزه م 88
وانا طبعا م 90 وصاحبي معتز م 92
وايمن م 93 😂 اخر واحد مهبول بكل
ايه....هههههه بس تعرف معتز هضا مره تكها عركه مع اختي 😂 وانا نضحك وخلاص
عبود..اختك امتى هذي
ايه...لما غيرو امتحان عشان تسرب
وعبود اذكر يلي صار وان من يومها وهو متغير معتز ....اها اوكي قصدك اختك هي
ايه...اهاا بكل عنيده وديما تقرا 😂👊
عبود...وانتي ديما شنو 😂
ايه...نتابع فيك وخلاص 😂😂🙈🙈
عبود...ياعيني ❤ كم مواليدك
ايه...م99 🙊
عبود...ههههههه صغيره يا بنت عليا 😈
ايه...شنو تبيها اكبر
عبود...بخبث كنت هك نبي
ايه...وتوا ؟
عبود...عيوني ع صغيره يلي توا معايا ع خط 😈
ايه..🙊🙈 وسكرت عليه تليفون
وهو ضحك وعدا لاصحابه وبحت في معتز تعرف البنت يلي هزابتك ع هواء طلعت اخت ايه 😂😂
معتز....تحكي جد
عبود..والله طلعت اختها يعينك الله راهي عنيده قالت زوجتي المستقبليه
معتز...سكت وانتبه لردة فعله واصحابه ضحكو 😂😂
عبود...بحت في حمزه لقاءك بكرا مع صاحبة حبيبتي وماتعترض خلاص وصيتها انا
حمزه...سكت وتنهد 😔
..........
نهار يوم جديد
ع 11
في الجامعه ايه ونورا قعدات في الكافتيريا وايه طولت الوقت تمدح في عبود وجعتلها راسها لنورا وهضا وين حكتلها يلي صار امس وان جاهم في حوش عرفاته ان بداه يحبها وفرحتلها
ونزل توا عبود وحمزه من السياره وعدو شور الكافتيرياا وقدم عبود من طاولة ايه
عبود...صباح الخير
نورا...انصدمت لان ايه ما قالت ان حايجي عبود ونورا ماعمرها قبلاته توا كيف شفاته عن قريب بحتت في ايه وهمستلها كيف ما قلتي مش ضروري لقعدتي معاكم انا لازم انصبي وايه قعدتها
وبحتت في عبود وابتسمت وينه رفيقك
عبود...بحت عند باب الكافتيرياا وغمزله ان يجي وتردد بس قدم من طاولتهم
حمزه...صباح الخير
ايه ونورا ... صباح النور
ونورا مش فاهمه شي ولا شنو يلي قعد يصير وعبود شير علي ايه هذي اميرتي
وايه...ابتسمت وعبود ذاب من هالبسمه
وعبود شير علي نورا وهذي رفيقتها واسمها وبحت في ايه
ايه...اسمها نوراا 😊
عبود...ايوا نورا نسيت وبحت في حمزه
يلي يبحت فيها ونورا دخاخين فوق راسها بحتت في ايه شنو يلي قعد يصير
عبود...نورا اهديي وما صار شي بس انا وصاحبي نتعرفو عليك شنو فيها
حمزهً..قعد بملل وبحت فيها .... عبود اطلب كافي راسي وجعني وزاد اخرا توا
نورا...رفعت حاجبها شنو قصدك
حمزه...انا نحكي مع عبود
ايه...قرستها اسكتي
عبود...شير للقرسون وطلب 4 كافي
وحمزه يبحت فيها وهي تفنص 😠 ومعصبه رفع حاجبه علي تصرفاتها
وفي نفسه مهبوله وطلع دخان وقعد يدخن وبحت في روشن
ايه...خلت شنطتها ع طاوله نورا انت نجي اشويه بس وصبت ولحقها عبود لان مخططين يخلوهم بروحهم وهي عصبت وفي نفسها خلوني مع المدخن وعدو واحصلي فيها يا نورا وريتو كيف يفنص حسسني قتلت له قتيل نطقت بتردد عليش تبحت في خلقتي
حمزه...ما تشبهي صاحبتك انتي غريبه يعني هي الابتسامه ما فارقتها وانتي التكشيخه ما فراقتك
نورا...نعم نعم شنو دخلك بياا انت شنو تسحب روحك واحد مغرور غار شوف وجك بس خطر عليا عمتي مشيه 😈
حمزه...رفع حاجبه وهمس وقحه
نورا...علمتك الادب يا بابا وعطاته نضرة خلاته يسكت ويبحت وفي نفسه ناقصني مهبوله انا وياها مش مناسبين صبا وخلاها وهي همست حقير
ايه...هههههه زعما شنو حكوه
عبود...شنو دخلنا بيهم نحنا خلينا نفكرو في روحنا وبس 😉 انا انحبك يا متع عبود
ايه...هههه وانا نحبك ونزلت الطقيه علي عيونه وتهربت من نضاراته وهو ابتسم وكل بنات الكليه عيونهم عليه 😂😍 وهو مش معبرهم عيونه علي ايه وبس
وفطن لحمزه طلع بسرعه لحقه ...
كنك وين طالع خليك
حمزه...لا فكني انا وياها مش مناسبين راه
عبود...دغري هضا وين شفتها انت
حمزه...طبعها وقح ما عجبني قالت ان خطرت عليها خالتي مشيه 😕
عبود....😂😂 وخطرت عليا حتى انا
😂😂 وعليش معصب هك لو تعزني فعلا تعال نشربو كافي عيب تردني
حمزه...علي شانك بس
عبدو ...ابتسم تسلم يا اصيل وشير لايه وخشو جوا ونورا همست جبان جابهم عشان خاين وهمست خالتي مشيه 😈
وجات في وذنه تعقد بس مشاها لهاا
عبود....غمز لايه 😉 يلي ذابت منه خلاض
وبعدها جاه قرسون وعطاهم كافي وحمزه لما شاف راجل حط فنجان متع نورا حداها ....ناش راجل بقصد
وانكب فنجان علي الطاوله
نورا...عصبت ماعش نبي خلاص يا ايه نبي نروح
ايه...لا خليك ساهله توا يجيب اخرا
القرسون....اسف توا نجيبلك واحد تاني ونتأسف مره تانيه منك وعده
وحمزه ابتسم بإنتصار وهي مش منتبه له اساسا 😂  معصبه وراقيتلها من يلي صار توا وايه شيرت لعبود شكله مافيش امل
وعبود..تنهد وكان وده ان يفرح رفيقه بس يلي شايفه مش هامه شي ونورا مش ساكته له وهالشي خلاهم يحبطو 😣
حمزه....يراقب في تحركاتها
وهي كل شويه تتأفف
وهمست عمتي مشيه 😈
وحمزه بحت في عبود وهزله راسه بمعنى ما عجباته وعبود تأفف ونورا مش فاهمه شي ولا شنو يقولو اخرا
وبحتت في ايه ...بعد تليفونها رن وكان بوها .... بابا جاه انا ماشيه
حمزه....ببرود ماحدش سألك
نورا....خدت طاسة اميه وشربت منها وهو ابتسم بإستهزاء وهي في اللحظه كبتها علي وجه وضحكت ... فرصه سعيده وعدت وايه مصدومه وعبود ضحك 😂
وحمزه....شد علي يده بسيطه ولكن مس حايكون اخر لقاء وبحت في ايه
صاحبتك حاتندم
ايه...انت تهدد راه هذي صاحبتي وانت غلطت مش هي وصبت وعبود
بحت فيه اه منك ولحقها حبيبتي
ايه..وقفت نعم
عبود...زعلتي
ايه ...لا  ما زعلت بس قوله يفطن لروحه
عبود...حاضر وباس راسها ❤
....
#يوم_نتيجة_الشهاده
وقرر معتز ان هو يلي قدم الفقره هذي وعارف حنان اتابع وهو لابس ستايل حلو
ويبتسم للكاميرا .....
معتز....مساء الخيرات زي ما شفتو اليوم النتيجه طلعت ونراجو في اتصالتكم
حنان...همست بارد
انس...جاه من وراها  عووو 😈
حنان...يا بارد
فجعتني وبحتت في شاشه وفي نفسها رغم برادته بس يجنن 😣
نجمه....شنو صار فيك اتصلتي
حنان...ما جابو بارد هضا مانبيش نتصل
نجمه...بلا هبال اتصلي علي شان
تعرفي نتيجتك
حنان...تنهدت واتصلت وفرحت عشان اتصلت و وصلو الاتصال للمذيع
معتز..يبحت في اوراق فيهم اسماء من معايااا
حنان...معاك حنان نبي نعرف نتيجتي
معتز...علي طول بحت في كاميرا وفرح عشان اتصلت وعرفها من صوتها قعد يبحت في كاميره بنضرات وترنها وهي تبحت في الشاشه....
حنان...النتيجه لو سمحت
معتز...اسمك ثلاثي
حنان....تنهدت " حنان يونس نجم
معتز...شاف النتيجه بأسمها وبحت في جهة كاميرا اااا ______

..............
#يتبع