احببت مذيع (روايات ليبية )

حلقة 1🔥

#أحببت_مذيع 🔥 المقدمه والجزء الآول
جابت صور واجد للمذيع يلي مجننها وعلقتهم في كل في غرفتها في دلاب وساس وعالباب كانت مهووسه فيه جداا
بطلتنا اسمها أيه م 99 / ملامحها حلوه
وعيونها كبار وحلوات ومتوسطه الطول و خفيفة الوزن وشعرها اسود 🔥
طالبه في كلية الآعلام عشان تحقق حلمها وتشوفه عند قرب وكلما يقدم برنامج تتصل بيه و عندها اخت اصغر منها
حنان م 2002 / تشبه أختها في كل شي ولسانها طويل 🔥  وتوا لاهيه بالامتحانات الشهادة الاعداديه 📓📑
......
طبعا خوهم صغير اسمه انس م 2010
يقرا في رابعه ابتدائي
وامهم اسمها نجمه وتجنن بكل
وبوهم اسمه يونس شخصيته عاديه ومش متشدد علي ولاده ويلي في خاطرهم يديره له وبس بحدود 🔥
ولكن تصرفات بنته ايه هو ما يعلمش بيها
وتوا خشت عليها اختها حنان ولقتها تلصق في صور وحايسه فيهم
حنان...جنيتي انتي
ايه...مجنونه فيه وبعدين أستئذني قبل ما اتخشي مش تخشي وخلاص
حنان ...باهي وسعي بالك الحق عليا قلت نجويه ونقوللها علي برنامج دايره جديد
ايه...ألنفتت وبحتت فيها كيف عرفتي و وين شفتيه انتي 😍
حنان...توا نزله في صفحته قال قريبا
ايه..الله وعدت مسكت تليفونها وشافت صفحته طالع شخصيه 😭😭 وووو عليا كل يوم يزيد عشقي له
حنان...😂😂 اخ وخلاص وطلعت وخلتها
حنان...يجنن القرد امتى يجي برنامجه يلي في الصبح عشان نتصل بيه
تنهدت وطلعت من غرفتها وتليفون في يدها تتفرج علي صفحته وتبتسم
انس...خبط فيها وطاح تليفون عالارض
ايه...تي حق يا حصله 😠
انس...😂😂 انتي جيتي في قدامي وعدا يجري للحمام
ايه...هالتافه هضا خزي وعدت قعدت في الصاله وتتفرج علي صورته
نجمه...خشت للصاله وعرفتها تتفرج عالمذيع زي العاده ... بدل مسكتك تليفونك وتتفرجي عالمذيع امتعك امشي اقري مش بكرا عندك محاضره
ايه...وحق ربي توا كيف مسكته وقريت امبدري ريحوني توا 😬
نجمه...توا يجي بوك ونقولها له راه
ايه...لا يا ماما متقوله تبصي علي بنتك انها تحب مذيع عيب والله 😟
نجمه...امشي اقري والله ديري العشاء
ايه...هك الدوا قولي ديري العشاء بدل من المحاضره يلي عطيتيها ليا 😂😂
نجمه...ربي يهديك وخلاص تاخدي سو اختك حنان اصغر واعقل منك
ايه...انا حالي عاجبني يا ماما وصبت وهي تضحك وعدت للمطبخ وحطت عاليوتيوب تتفرج علي حلقات يلي من قبل وبدت اطبخ وعيونها عالتليفون
😍 يجنن ماعش فيا انتحمل 😍
شخصيه القرد ربي يجعله من نصيبي 🙌
ونجمه خشت عليها وضحكت علي اخر كلمه وهمست ربي يهديك وخلاص سقدي في العشاء توا يجي بوك يسمعك
ايه...باهي 😂 الصبر بس
وقعدت تدير فيه وبعد وقت جهزاته وباتها جاه حطت العشاء في الصاله ع طاوله وانس جاه يجري 😂
انس...واخيرا 10 سنين وهي ادير في العشاء
ايه...سكر فمك يا كذاب خزي بارد
انس...راه انقول وبحت في باته
ايه...لا اقعد شنو رايك نوكلك بيدي
انس...كويس عيشيني امير 😎 هيا وكليني
ايه...اه بس وقعدت توكل فيه وتفنص فيه وهو عاجبه الجو 😎
حنان...جات للصاله وشافت هالمشهد هضا وعرفت ان مهددها ضحكت 😂
نجمه...هيا يا يونس تعال تعشى
يونس...هيا وسلح ساعته وعدا للطاوله وبحت في ايه شنو جو يا بابا
ايه...تمام بابا وانت
يونس...تمام يا بنتي وابتسم يا فرحتك يا انوس خيتك توكل فيك
انس...امممم قالت كل يوم اخرا
حنان...😂😂😂
ايه...فنصت فيه
انس...بابا تعرف
ايه...فنصت فيه وهزت راسها بأن تمام حاتوكله بس يسكت 😂
يونس...كنك يا بابا شنو فيه
انس...نبي صوني متعي خرب
يونس..باهي توا نجيبلك
نجمه...جابت شاهي وقعدت ... هو ديما يخرب فيه ما يقعدش معاه شي
انس...مش انا يلي خربته يا ماما هذي ايه نبي نلعب وما خلتنيش نعلقه لان تليفزيون دارها خرب وقعدت تتفرج في الصاله وتعاركت معاهااا لان
ايه...ارتبكت ااا وبحتت في باتها
وقرست انس في كرعه بالدرقه ...
انس...اااه
يونس...كنك
انس...نموسه قرستني
ايه...ابتسمت بخبث وبحتت في بوها انا كسرته لان قلل ادبه معايا
يونس...لا يا بابا عيب كيف تقلل ادبك علي اختك يلي اكبر منك
ايه..هزتله بحاجبها وابتسمت بخبث
وحنان تضحك وخلاص
انس...كشخ وبحت فيها باهي وكليني
ايه...تنهدت حاضر وقعدت توكل فيه
نجمه...عارفا الدوا غار ماتبيش تحكي وان يعرف بنته تحب مذيع وتتفرج عليه 24 ساعه وان خشت اعلام علي شانه فسكتت
يونس...ها يا حنان شنو جو امتحاناتك النهائيه
حنان...تمام يا بابا مزال مادتين ونكمل
يونس...باهي ربي يوفقك
حنان..يارب يا بابا
.....................
في فيلا فخمه نزل منها شاب
ولابس ستايل خطير 🔥 هالشاب يلي ميته فيه ايوته واسمه عبدالله ولقبه عبود هو م 90 وانسان راقي جدا وشخصيه
ركب في سيارته الفخمه وفي طريقه لاصحابه ملتمين في المطعم الليله وبعد وصل قعدو يشفطو عليه اصحابه
معتز م 92 ( مذيع )
...اووو جاه الباشاا
عبود..ابتسم وسلم عليهم شنو جو
معتز / و ايمن ... تمام التمام 😂 بشوفتك يا عبود
عبود..بلا برادتكم 😂 واطلبو العشاء راه ميت جوع اناا
ايمن م 93 .... وانت ديما جعان 😂
عبود...وووو عليك حسد رزق بوك هو والله بطنك هي مش بطني
معتز...وووووو متت ماعش فيا 😂😂
ايمن...بارد لازم ما يرد عالكلمه بعشره
عبود...خلاص فوتني بكرا مزال عندي برنامج وانا ماعنديش راس عارفني انطول ما انوض وهو في صبح
معتز...خلاص عطيه ليا بكرا نمشي جو 😂
عبود...انقنك الا بارد برنامج ليا وبعدين عندي متابعين توا تخرب برستيجي قدامهم
ايمن...😂😂😂 مطرشق
معتز...مهبول علي اساس ماعنديش برنامج حتى انا وفي نفس القناه
عبود..حتى لو كان انا غير عندي ملايين ومتابعيني يوصلو ألاف حتى ع فيس وانستااا وكلماتهم الحلوه ليا هذي تخلي في يومي سعيد
معتز...😂😂 ووو عليك غرور تي يا ايمن فطنت للبنت يلي كل يوم تتصل في برنامجه وتمدحه تي حفظ لقبهاا
ايمن...😂😂😂 اها وانا نقول كنه يبي يقدمه بنفسه ومايبيش يخليك تقدمه
عبود...بلا سماطه معجبه لا اكتر وبحت في قرسون جاب عشاء وبدأ ياكل وتهرب من أسئلتهم
معتز...غار قولي في شي بينك وبينها
عبود...لا انت اكيد جنيت انقولك متابعه ومعجبه لا اكتر والله حاسدني عشان كل يوم تتصل
معتز...عليش نبي نحسدك حتى انا عندي متابعين راه 😂😂
ايمن...شنو لقبها البنت عشان بكرا نركز علي ملامح عبود لما يحكي معاها
معتز...لقبها #أميرة_السلام
ايمن...ياعيني انا ماتعرفش اسمهاا
معتز...ماتقولش فيه نتابع في برنامجه انا تمدح وتغازل فيه بس 😂😂😂
عبود..ادكر كلامتها ابتسم
معتز...ابتسم وووو عالولهان في العشق
عبود...يا بارد كنك راه نصبي نرقد خيرلي
ايمن...تي خليك خلاص غيرو موضوع
معتز...شنو نحكو باهي
ايمن...شنو رايكم بعد العشاء نعدو لصالة الرياضه نغيرو جو 
عبود...خليها في نهاية اسبوع ما قتلك عندي برنامج بكرا
معتز...كملت 😂😂 لاعند هناا
ايمن...خلاص ربي يعين في نهاية الاسبوع راك تغير رايك بس والله اميرة السلام تاخد عقلك يا عبود نعدمك راه
عبود...رفع حاجبه وتجاهله
وهما ضحكو وخلاص 😂😂 والصهره كلها مشت هك وع 12 في الليل صبا وخداه مفتايحه ... هيا تصبحو علي خير
معتز...مزال خليك
عبود...بدينا هيا سلامات
وهما ضحكو 😂😂🔥🔥
وبعد روح عبود غير ملابسه وخش في سريره رقد وعدل المنبه ع 7
.....
#صباح_يوم_جديد
.....
ناضت بسرعه وعدت خشت الحمام وتوضت وبعد طلعت صلت الصبح وجهزت ملابسها لان ماشيه الكليه وقبل ما تمشي تبي تحضر البرنامج يبدأ 8
لبست وعدت فطرت في المطبخ وباتها عدا لشغله توا فرحت عشان اتابع برنامج في الصاله وعدت ولعت tv وحطت عالقناه امتعه وقعدت ترجا وحطت علي صفحته تنهدت مزال ما نزل شي
.....
المنبه يزن ويطفي فيه ويرقد اخرا وامه خشت عليه بعد جعزها المنبه وفي نفس الوقت عارفته عنده برنامج
وفاء...شعلت الضي عليه ... عبود يا وليدي نوض تأخرت علي برنامجك
عبود...طلع راسه من فوطه ساعه كم توا
وفاء...7:45 دقيقه
عبود...عليك موال هو وصبا صباحوو
وفاء...صباحو وهيا سعر روحك نديرلك فطور
عبود..لا متأخر انا وخش للحمام يدوش بسرعه وبعد طلع لبس بدلته 👔👖⌚👞
وبخ عطره المفضل ومشط شعره وطلع بسرعه بعد خداه مفتايحه وفي طريقه للاذاعه و وقف في طريقه خداه cafe ☕
ورد للسياره وكمل مشواره يسوق ويشرب و وصل ع 8 و 5 نزل بسرعه وخش جوا وتصبح يلي لقاه قدامه وركب دغري فوق
......
ايه ..اوف كنه طول توا 8
تنهدت وشافت اعلان ان بعد لحظات يبدأ
فرحت وقريب نطت عند هضك السقف يلي فوق روسكم يا عيت حنه 😂👏
وبعدها بشويه بدأ البرنامج وفرحت
عبود...صباح الخير عليكم صباحكم جميل زي جمالكم مع برنامجكم المفضل
مع عبود تحياتي عبدالله جمال وقبل ما نبدو بالفقرات نشوفو ناس الحلوه يلي تتصبح علينا اليوم زي كل يوم ويلي حاب يتصل نفس الرقم 003796...
ومسك ايباد متع القناه ويبتسم يدور علي تعليقها او اي شي كان تعليقها ملفت للنضر طويل وكله مدح وفي الاخير انحبك يا عبود اتقول  😂😂
ايه..طالع طرف القرد وحق ربي اول من يتصل انا واتصلت بالبرنامج وقلبها يدق
مراد....اهلا
ايه....اهلين عاطيني عبود
مراد...هيا لحظه بس
وسماعة يلي في وذن عبود قاله مراد فيها ان اتصال معاك وعرفها طول ابتسم
وبعد لحظات مراد وصلها له
ايه...خدت نفس صباح الخير عليك عبود
عبود...صباح الوردات شنو جو
ايه...تمام كيف حالك اليوم
عبود...لما سمعنا صوتك قعد حالي تمام
ايه....😍😍👏👏 ااا خجلتني بجد شكرا
عبود...ابتسم وبحت في الكاميرا وعارفها تبحت فيه مافيها شكر وانتي منورتنا كل يوم تتصبحي عليناا يكمل يومنا ببهجة وسرور
ايه...😍😍🙈🙈 شكرا عبودي باهي عرفتني ؟
عبود... اكيد ليش ننسو هالصوت الحلو نحنا انتي #أميرة_السلام ☺
ايه...قريب نطت من الفرحه 😍
عارفني كويس يعني بجد فرحتني وفرحة ان نحكي معاك انسان ذوق انت وتجنن ونحبك ونموت عليك ربي يحفظك يا احلى عبود
عبود..ابتسم مانسمعش فيك التغطيه ضعيفه عندك يا اميرة السلام
( وكان يبيها تعاود 😂 يفرح )
ايه...اا وصبت قتلك يا عبود ان فرحة ان نحكي معاك وان ربي يحفظك وانا نحبك وانموت عليك انت ذوق بجد وراقي 😍 وكلنا نحبوك بس انا اكترهم طبعا
عبود...ابتسم ربي يحفظك يا أميره
ايه...ويحفظك وان شاء الله يومك سعيد وحلو زي حلاوتك يا عبود
عبود...ابتسم اكيده حايقعد حلو عشان تصبحتي علينا وغمز للشاشه
ايه...فرحت وسكرت الخط
ووووو عليا غمزلي يا ناس يا عالم وقعدت تنط عالكنبه غمزلي وغمزلي وووووو 😍😍😍🔥🔥🔥👏👏👏💃💃💃 فرحانه وحق ربي يهبل يهبل
عبود...ايوا يا اميره امممظ شكله الخط فصل معاناا مش مشكله ونرجو في تعليقاتكم الحلوه وموضوعنا اليوم يحكي عن التعامل مع الاطفال وضيفي اليوم دكتور نفسي مشهور اكيد كلكم تعرفوه حسين عبد السلام فاصل صغير بس ونردو ماتمشوش بعيد اعزائي
ايه...اااه يجنن خساره عندي كليه اليوم توا نبعتله تعليق عالصفحه
( ربي يحفظك وسامحني كنت متمنيه نحكي معاك لوقت طويل غار عندي كليه اليوم سامحني عبود مره تانيه نحبك تي نعشقك  ❤  )
عبود شاف رسالتها ابتسم وصبا وحط ايديه في جيوبه وسرح في روشن وهو يبتسم وبعد وقت كمل فقراته مع الدكتور وكان شخصيه بكل عبود كان موضوعه اليوم حلوو جداا وخاصة بالاطفال الصغار بسن سنه وسنتين اوقات تلاقيهم عصبين من ابسط شي ويعزقو  في الحاجات ويغارو من بعضهم وكذا راه خيال قصه مش واقعي 😂😂 وانا من جد جدي نكمل 😂😂😅😅 ما علينا عند ايه عدت لكيلتها بعد جاها صاحب الحافله وتفكيرها كله في عبود حطت علي صوره يلي معبيات تليفونهاا ونضارتها له كلهم حب مهووسه فيه لدرجه غير عاديه وبعد وصلت للكليه وقفتها صاحبتها
نورا م 95....اكيده ومتأگده مليون في الميه انك اتصلتي بعبود حبيب قلبك 😂
ايه...وكنك يا حنه ما تبيني نتصل هضا عشقي مستحيل يومي يمشي بدون ما نسمع صوته يلي ساحرني واليوم غمزلي تصدقي لو تشوفيه كيف يحكي معاياا
نورا....كيف غمزلك هذي كيف شافك اصلا
ايه...يا مهبوله عالشاشه وهو يحكي معايا طالع يجنن اليوم بدلته وستايله وكل شي فيه حلووو
نورا...هاباا نشوفو اخرتها لاعند وين توصل حبك مع عبود هضا محبوب الكل
ايه...مانحبش نحب حد وغيري يحبه 😁😂 نبي نحبه انا وبس
نورا..والله باهي يا عاشقه خشي كليتك متع اعلام وانا ماشيه الهندسه هيا اربحي
ايه...تي باهي وانتي تلزي حتى صباح الخير ما قلتيها مش مشكله يكفيني عبودي حب حياتي قالها لياا 😍😍
نورا...وحق ربي مطرشقه اقعدي فيها نمشي محاضىتي احسن ما نسمع هبالك
ايه...هبالي وعاجبني وعبودي مجنني ياحنه 😍😜 ومش حابه ولا شايفه غيره
نورا...حاجه والله كبيره وعدت وخلتها وهي تضحك عليها 😂😂😂
وايه تأففت وعدت لكليتهاا وسرحانه وخلاص في المحاضره تفكر بعبود ❤
........
ع 5 العشيه
ناضت من نومها بعد كانت راقده من ترويحتها من امتحانها النهائي في الشهاده الاعداديه وامها حاطه ع الاخبار في القناه
......
.... يا معتز هاك تقرير هضا توا قوله ضروري تمام
معتز....طل عليه وعليش ان شاء الله
..... قالو الامتحان لازم يتعاود في واحد منزله امس ومعطيه للطلبه
معتز....باهي ان شاء الله خير
وعدا وتقرير في يده وكان واخد فاصل اعلاني في برنامجه
معتز...ردينا لكم مره تانيه اعزائي المشاهدين وللاسف حانخبركم بخبر يمكن ما يعجب بعض منكم امتحان اليوم للشهاده الاعداديه حايتعاود وحايحددو موعد وتشوفوه علي صفحتنا الشخصيه
......
وحنان سمعتها صبت مصدومه تي شنو يخرط هضااا
نجمه....وسعي بالك يا بنتي عاوديه وشنو المشكله
حنان...تي شنو نعاوده مزالي يومين ونكمل طلعولي بإعادة امتحان ما كنتش حاطته في بالي هك وباهي شنو ذنبهم يلي قراه وحل انا احسن حل نتصل ونهزبه
نجمه...تي وقفي بلا هبال
حنان...مش حانسكت يا ماما وكتبت رقم من الشاشه واتصلت
..... ايوا
حنان ...وصلني للمذيع
..... هيا لحظه وقالها لمعتز
معتز....معانا اتصال تفضلي اختي الكريمه
حنان....اسمع انا لا اختك ولا جارتك انا اتصلت عشان نهزبك علي وجهك ومن الخبر التافه يلي توا قلته وانا معارضه ان امتحان يتعاود انا ما ذنبي شي قريت وحليت وما غشيت
معتز....يسمع ومصدوم باهي وسعي بالك انا شنو دخلني فشيتي غلك فيا نحنا ع هواء يا اختي
حمان....لا ع هواء لا ع ثربه خاطه معيشتي وسكرت في وجه
معتز...عصب من تصرفها وبحت في الكاميرا .... مع الاسف فقدنا الاتصال بس حانوضح اكتر القرار جاه من فوق من وزارة التعليم انا ما ذنبي شي وناخدو فاصل اعلاني ونردو وطلع وهو معصب حقيره كيف تحكي معايا هك هذي
عبدو....طلع من غرفة وشافه
كنك يا برينس معصب
معتز...تي قهرتني تهزب وهانتني اخرا قدام الناس توا يعلقو امشي شوف صفحه وقولي شنو كتبو في تعليقات
عبدو....باهي وسع بالك وخش ع صفحه وشاف تعليقات وقعد يضحك وقال : واحد قال ريتو وجه كيف قعد عزو قول خابطه ضي هزباته بنت والتاني كاتب خداه فاصل اعلاني يبي يفجر قنبلته 😂 وعبدو يضحك والتالث كاتب بنت عندها حق صح بس اهانة مذيع غلط ما ذنبه شي وغيره وغيره ومعتز معصب
هالتصرف الحقير هضا عصبني ومش حانسكت عليه وعده يلي حولها له وخداه رقمها وسجله وقرر يهزبها بعدين
........
ايه ناضت من هرجتهم
عدت لاعندهم .... كنكم يا مجعزين وانتو ما تخلو واحد ينخمد في هالحوش
حنان...ايه ما تزيديها عليا راه نار والعه فيا
اي...صاحوو و ولعت يا حاي عليها و ولعت ويش يطفيها تعالي اضربيني وخلاص
نجمه....خاطي اختك يلي مفيها مكفيها
ايه...باهي كنها خبطها ضي والله شنو كنها معصبه
حنان...مذيع حقير يلي اسمه معتز
ايه...رفيق عبدوي كنه
حنان...ووو من عبودي امتعك هضل اسمعي دوا عدا قال ان امتحان اليوم يلي امتحنته ان حايتعاود من جديد بسبب واحد مسرب امتحان امس
ايه...وباهي مش قاريا انتي راجعي وامشي للامتحان
حنان...انقنك الا بارده وعدت
ايه...تي عدي وطلقت مخده فيها قليلة ادب
نجمه....خاطيها يلي فيها مكفيها
ايه....وباهي انا نقوللكم حاجه اقعدو فيها مالي ومالكم نمشي نتفرج علي عبودي خير وعدت تجري قبل ما تضربها امها
😂😂🔥🔥
.....
#يتبع
......
توقعاتكم في الجزء التاني
شنو حايصير في معتز وحنان
وهوس ايه بي عبود ومش مخليها تفكر بشي غيره نابعو الجزء التاني ووتتكون من 10 اجزاء غير الاخيره بروحها بعد الجزء العاشر 🔥
.........
رايكم اول مره نكتب عن المذيع 😜😍
......
#تحياتي