احببت مذيع (روايات ليبية )

حلقة 9🔥

#أحببت_مذيع 🔥  الجزء التاسع 👌
حنان...لو سمحت النتيجه 🐸 وين ؟
معتز...بحت في الكاميرا وفي يده النتيجه فيها اسمها وقال قبل ما نقولك عالنتيجه حانقولك قدام الناس كلها عالهواء مباشرة
حانقولك ما ياخدك واحد غيري بعد تخشي الثانوي وتاخدي شهادتها انا حاندق حوشكم يا حنان ومبروك نجاحك 🔥 وحنان مصدومه من يلي قاله ومن اخر شي وامها انصدمت
نجمه...شنو قال انا سمعت غلط ؟
حنان...مش عارفه ما فهمت شي صدمني مش عارفه شنو يخرط هضا
نجمه...توا ما علينا منه موضوعه مبروك نجاحك يا بنتي فرحتلك وحضنتها وحنان تحت تأتير الصدمه وبحتت في تليفزيون وجات عينها عليه كيف يبتسم وعارفها اتبحت فيها كرر الدوا وهو يشير بصبعه عالكاميرا
معتز...انتي لياا 👌🔥
حنان...فكت امها وعدت لغرفتها بسرعه وسكرت علي روحها حاي عليا شنو صارلي قلبي ما وقف وهي تذكر في يلي قاله ان ما ياخدها واحد غيرها وان بعد تاخد شهادة الثانويه حايدق الحوش عيلتها 🙊
حنان...معناها شنو يعني دارني ملكه ومن توا حطت يدها علي قلبها يلي ما هدأ
من يلي  سمعاته هو قالها قدام الناس مش مصدقه لو كان ما يحبني ما يديرها وحتى نصراته مع كاميرا ماعش فيا والله 🔥
بس ايهبل الفرخ 🙈🙈🙊🙊 وانا هبله حاطته في الحضر طلعت تليفونها وحولت الحضر وابتسمت ( طير عقلي مني السمرا جنني قولله يكلمني طير عقلي مني ) 👌
اذكرتوها مع اسماء سليم 😎 عندي انا 🙊 😉
.........
ايه...نورا اهدي بالله عليك
نورا...كيف تبيني نهدأ وانتي دايرتيلي مقابله بدون علمي هضا غلط مفروض قلتيلي قبل مش هك ننحط تحت امر الواقع ليش ما حكيتي قبلهاا
ايه...عبود ما خلاني قال خليهم عادين بس شكلنا غلطنا من الاول
نورا..اكيده غلطتو وبعدين انا ما ناخد المشيه هضاا
ايهً.كنه شنو ناقصه جمال وشخصيه
نورا...اذا عجبك خوديهم هما الاتنين
ايه....حقيره 😂
نورا...انا ما حبيته
ايه...حرام عليك والله واجعني
نورا....حسستيني معاق
ايه...بنته ماتت
نورا...ياروحي وباهي كيف تبيني ناخد واحد متجوز ؟
ايه..مطلق هو
نورا...حتى لو كان لا مانبيش
ايه...نجيبله وحده تانيه 😎
نورا...دوريله نساعدك حتى انا اخرا
لو تحبي يعني 😎
ايه...ووووو منك ووووو يابنتي كنك هكي انتي ليش ما اتحبي وتتحبي والله حلو وشخصيه عليش رافضتيه بس
نورا....انا وياه مش مناسبين لبعضناا
وفضت خلاص سكريه الموضوع ليك قريب اسبوعين تزني عليا
ايه...خلاص ديري يلي تبيها وعدت لكليتها وهي معصبه منهااا
ونورا همست عن جد ناخد هضا والله ما نتريح معاه مش حايريحني وهمست بارد
............
حمزه...خلاص يا عبود البنت هذي ما خشتش الراسي انا فوتني من موضوع البنات هضا وانت جهز لموضوعك خلاص اسبوعين وتمشي تخطبها رسمي
عبود...انا نفكر فيه اكتر من نفسي وهو يفكر في نفسي وما يفكرش في نفسه بس نيتي انك تعيش سعيد وتنسي الازمه يلي مريت بيها عكس نيتك انك تبيني نتهرب منك ونفكر في حياتي تيييى ازمتك ازمتي فرحتك فرحتي حزنك حزني وتصرفك هضا قهرني خليك فيهاا وخداه مفتايح سيارته وعده
وحمزه...دف الكرسي بعصبيه تييي اه
ايمن ...جاه يجري كنكم و وين عبود
حمزه...صار نقاش عدا زعلان مني
ايمن...بموضوع صاحبة ايه
حمزه...ليش فيه غيره يبيني نفكر فيها انا ناخد وحده زي هذي توجع راسي لالا ناخد هنديه وما ناخد هذي فتوو موضوعهاا
ايمن...انا فايتها بس انت مش ملاحظ انك تخسر في رفيق عمرك وطفولتك بسبب عنادك فكر امشي تعرف عليها اخره هضا يلي طلبه منك
حمزه...بس صاحبتها في يوم شفتها فيه قالت هذي صاحبتي وافطن لروحك علي شان قلت ان حاتندم صاحبتك خلاص فتتها وخاصة بعد عبود قالي تبي تقرب بالطيبه قريب بالشر فوتها وانا كان قربت بنوريها كيف تكب علي وجي اميه
ايمن...انقولك حاجه اقعد فيها وطلع معصب من تصرفات حمزه
وحمزه من دون اصحابه ما يقدرش يدير شي يعصب بزياده بالاول عدا عبود وتوا ايمن دف الطاوله تكسرت نصين وشد علي يده ومن يلي صار حط في راسه ان توا يمشي الكليه ويشوفها عدا بسرعه لسيارته وفي طريقه للكليه خش للكافتيريا ما شاف حد فيها ويلي قعدين برا في كليه  شافوه عرفوه مذيع حمزه له زمان مختفي حتى متغير قعدو يبحتو فيه وهو عيونه ادور علي نورا وبعدها قعد يبرم لوقت برا في الحديقه حتي شافها طلعه من كلية الهندسه عدالها يجري ... انتي
نورا...بحتت فيه وتأففت نعم
حمزه...مش غلا فيك جيت وانا جيت علي شان انقولك كلمتين حطيهم في راسك اول شي صاحبي يبي يشوف سعادتي وانا يلي شايفه سعاده معاك معدومه
وتاني شي صاحبي طلب مني طلب وبمجرد نرفضه صارت حساسيه بيناتنا ومرات بسببك اضيع صداقتنا فحنقولك كلمتين اخرا انگ تعطيني عنوان حوشكم
علي شان انجي ونتقدملك عند بوك
وتاني شي سوا رفضتي او وافقتي انا ما يهمنيش يلي يهمني هو رفيقي رايك ؟
نورا...يعني خلاص كملت دوتك كلها خايفه تطلع بشي اول وتاني اخرا
حمزه...شد علي يده ما تعصبيني
نورا...من يلي يبي يتجوز عنك رفيقك والله انت هذينا قرارت تاخدهم انت مش رفيقك واذا انت شايف ان علاقتك بياا وما كملت كلمتها جاها وجع قوي بكل في راسها قعدت ساكته وهو رفع حاجبه
حمزه...وين لسانك الطويل هاا تكلمي
نورا...داخت عليه وهو انصدم وبحت فيها لقاها دايخه يلي داره ان قعد ينوض فيها ما ناضت شالها بين ايديه للمستشفي طول واول ما وصل شالها للاسعاف وهما شافوها وكشفو عليها ودارولها كم صورة عالدماغ وحمزه اتصل بأيمن يلي رد بملل .... خير مزلت علي رايك شنو تبي
حمزه....انا في مستشفي سعفت هذكي يلي تبوني ناخدها مش عارف كنها داخت علياا فجأه
ايمن...شنو وفي اي مستشفي
حمزه...يلي قريبه من الجامعه
ايمن...هي جاي وتوا نتصل بعبود وتوا انجو واتصل ايمن بعبود
عبود...كان مضايق وقعد في سيارته بس ما حبش يفوت رفيقه ورد .... ايوا
ايمن..حمزه سعف نورا للمستشفي
داخت عليه لما عده يحكي معاها
عبود...شنو وفي اي مستشفي
ايمن...في طريق جامعه
عبود..خلاص جاي وتوا ناخد في طريقي ايه كنت ماشيلها توا وسكر وعدا شور الجامعه واتصل بيها وطلب منها تنزل واتجي وبعد وقت جات وباين انها معصبه اشويه تنهد وفتحلها باب السياره وهي استغربت .... عبود وين واخدني
عبود...لصاحبتك نورا في مستشفي لما جاها حمزه داخت عليه
ايه...شنو وركبت بسرعه وكيف صار هك ما كان فيها شي
عبود...خير ان شاء الله ما تشغليش بالك
ايه...اه ياربي ومسحت دمعوها يلي نزلو
............
انا وصلت قبل عبود وقبل حتى معتز يلي توا بلغته خشيت للمستشفي خبطت في بنت طاحت من قوة الخبطه وهي وحلت حتي انها تصبي ما قدرتش نمشي ونشوف فيها تعاني قلت نساعدها طبست وساعدتها تصبي وقلت : نتمنه تتنبهي المرا الجايه ياريت تشوفي قدامك
اسراء....لبست نضارتها وبحتت في جهة الصوت لو انشوف ما كنتش خبطت فيك وعدت تمشي بخطوات بطيئه وايمن انصدم يعني كفيفه هي وخبط علي راسه وتنهد بس لسانها طويل خداه نفس وخش جوا يدور علي صاحبه حمزه ولقاه
حمزه...توا طلع دكتور وقال ان طلع عندها ورم ولازم انديرولها عمليه قبل ما ينمو الورم في راسها وتوا العمليه وتوا ماشي ندفع في التكاليف
ايمن...بس انت كيف تخطط من راسك عندها عيله البنت ومايندرو علي شي
حمزه...يلي اندير فيه لمصلحتهم مش لمصلحتي انا وعدا وهو وده يفوتها ولكن ضميره حا يأنبه 😣 والشي هضا ما يبيش
.........
معتز....وصل وايمن حكاله يلي قاله حمزه انصدم وماعرفش شنو يقول وبعدها جاه عبود ومعاه ايه يلي تبكي وعلمو بلي صار ويلي قعد يدير فيه توا حمزه وقع وقال انها خطيبتي وكبر الموضوع هضا بزياده وايه ماعرفش شنو ادير كيف حاتقول لعيلة نورا وهما لما يجو توا يقولو من هضا وكيف انخطبت من ورانا ما جاتهش فكره ألا انها تتصل بعيلة نورا وتطلب منهم يخلوها تروح معاها وتبات الليله غادي وان عندهم امتحان بكرا ومن زن ايه لهم وافقو في الاخير وخاصة ان عندهم انس بس الام قالت الاب انا عادي ومزال صغير بس قلبها مش مطمن من احساسها ان في شي بس سكتت
.......
وايمن طلع برا وشاف نفس البنت قعده  عالكرسي يلي برا خداه نفس وقرب قعد جنبهاا .... اسف عشان خبطت فيك كنت مستعجل وهك
اسراء....لا عادي كل حد يخش للمستشفي يكون مستعجل اكيد عندك حد مريض
ايمن...هالحد ما يقربلي بس احتمال اتكون زوجة رفيقي وهي صاحبة حبيبة رفيقي التاني بس وجعني يلي صار لهاا
اسراء....سكتت وقعدت تسمع فيه مرا يخرط ومرا يحكي علي موضوع نورا وحمزه كل شي قاله
اسراء...تنهدت كملت قصة حياتك ؟
ايمن...هذي وقاحه اسمها 😠
اسراء....انا اصلا ما قتلك احكي معايا خليني بروحي من فضلك
تنهد وعدا خلاهاا ومعصب
........
اتصل فكر ان بعد يلي قاله عالهواء مباشرة ان تحول الحضر وفعلا رن وهو ابتسم وما جاه الرفض لكن ماتردش كرر مره واتنين وهي خشت لغرفتها لقت تليفونها يرن ومن معتز فرحت بدون ماتحس...وردت الوو
معتز...هلا وابتسم مبروك نجاحك
حنان...الله يبارك فيك🙈
معتز... بدون اي مقدمات غار تاخدي شهادة توا انجي لاعندكم ونراجيك عمر عادي والمهم تفكري كويس وابتسم نهارك حلو زي حلاوتك وهي ابتسمت وسكرت عليه و هي تضحك
..........

ايه تبكي وعبود يهدي فيها وحضنها وشافو حمزه طلع ويدخن
حمزه...بعد تكمل عملية توا يحطوها في غرفه خاصه بيهاا
عبود...حاتنجح العمليه والله لا
حمزه....ان شاء الله وعدا تهرب منه
مش قادر يحكي اذكر خشته ببنته وهو يبكي وصدموه ان خلاص ماتت انهار عليهاا 💔💔
...........

مرت ساعات وانتهت العمليه وحطو نورا في العنايه وايه تبحت فيها مع الزجاج
وساكته وعبود جاها وخلاها في حضنه
ما تخافيش عليها ان شاء الله خير
ايه...دقات قلبها زادت من قربه حاولت تطلقه بس ما خلاها حضنها بالقوى
...........
يتفرج عليها مع الروشن ومعصب من تصرفها بس مشاها لهاا هو اصلا ما يعرفها
شافها مزالت في نفس المكان وما تحركت ظلمت الدنيا ومزالت برا بعد وقت شافها
صبت وقعدت تمشي بخطواتها وخشت جوا للمستشفي وايمن بحت فيها وهي تمشي وساكت شافها خشت لغرفه محدده وسكرت الباب وكأنها حافضه المكان كويس لحقها وفتح الباب وهي انتبهت وقعدت واقفه ومنتبها للصووت
ايمن...انتي عايشه هناا
اسراء...هضا شي ما يخصك واطلع برا من فضلك يعني
ايمن...زاد عصب من تصرفها وكيف تعامل فيه بهالطريقه طلع وخلاهاا
وهي قعدت عالسرير وساكته ومتعقده من الوضع يلي هي فيه بس هضا يلي كاتبه ربي وهي ماتبي الناس تقرب وتحكي معاها شفقه عليش ماتبي حد يحكي معاها ويلي صار معاها حادث ولها 7 شهور هنا توفت عيلتها في الحادث هضا وهي زجاج السياره خش في عيونها وماعش قعدت اتشوف والشخص يلي يحبها خلاها بالرغم ان هي ماتحبش بس تصرفه خلاها تكره اي حد يحكي معاها بنضرها شفقه وهي قعده هنا لان ما تبيش تقعد بروحها في الحوش تخاف وعمها خلاها علي راحتها وخلاها تقعد في مستشفي لان ملكه المستشفي ولان زوجته ماتبيهش واسراء قعدتها هنا اهون من قعدتها مع زوجة عمها وما قالتها لعمها بالعكس غطت عليها وطلبت ان تكون في مستشفي وتسمع الناس يلي تسعف في عيلتهم
وهذي اسراء غامضه جدا م 98
...............
ناضت نورا ولقت ايه وعبدو حداها ومعتز وحمزه خشو توا وشافوها ناضت وهي حطت يدها علي راسها وكان ملفوف بشاش وايه قعدت جنبها .... الحمدلله علي سلامتك
نورا...شنو صار ليش انا هنا
ايه...تعبتي بس وطحتي علي راسك جبناك هنااا
عبود...حمدلله علي سلامتك
معتز...بحت في حمزه واشرله يمشي يقرب منهاا
حمزه...تنهد وقرب منها .... الحمدلله عالسلامه وبحت فيها
نورا....غمضت عيونها وهزت راسها ومابتش تحكي كانت تعبانه وهو فكر ان مش طايقه تحكي معاه 😏 هز راسه وطلع الحق عليا اصلا والغلط مني من البدايه واذكر لما طاحت عليه وشالها وقعد ينوض فيها ملامحها حلوه تنهد وقعد يدخن ويهرب من التفكير فيهاا
..............
عبود مسك يد ايه وهي ارتبكت وبحتت فيه وسكتت
عبود...ناضت نورا توا خليها تتريح تعالي تريحي اشويه وشمي هواء واشرلها ان يبي حمزه يقعد معاها وهي تنهدت وعدت مع عبود خلاها تتمشى برا اشويه وبعدها شالها للكافتيريا متع المستشفي وخلاها تاكل شي حاجه وعلي شانه وهي تنهدت و وافقت وتفكر في نورا يلي خش عليها حمزه توا وهي انتبهت له بس ما خلاته يفطن وغمضت عيونها.........

#يتبع
.....
ايمن شنو ردة فعله من تصرفات اسراء ؟
ومعتز وحنان امورهم تمام 😊
وعبود مع ايه واقف جنبها وهالشي خلاها تزيد تعشقه ❤❤
وحمزه خش لغرفة نورا ليش ؟
تحياتي