#أحببت_مذيع 🔥 الجزء التاني 🔥 👌
معتز عده وهو معصب وقرر يتصل بحنان توا ويهزبها وفعلا اتصل ردت طول من معايا ؟ انا يلي طلقتي لسانك وهنتيني قدام الناس وتصرفك حقير وحاتندمي عليه وتشوفي 😠😠
حنان...لا يا بابا انت يلي قلت الخبر هضا وانت يلي حاتندم عليها
معتز...قلت صح لكن مش قراري انا من وزارة التعليم وانتي لسانك طويل ويبي قص لو طبيتي بيدي حانقصه
حنان...واحد حقير وسكرت في وجه شنو يسحب روحه خزي عليه وعلي وجه وقفلت تليفونها بعد رن اخره وسكرت في وجه وتأففت .....
......
ع الصهره ... حداه شط البحر
عبود...😂😂 انا ماعش فيا من الضحك
ايمن...وحتى نا الواضح ان عصباته 😁
معتز...سمطتوها راه اسكتو احسن ما نمشي من حداه وجكم زعمتولي كبدي
عبود...😂😂 لالا خليك انا اليوم رايق بكل تعرف عليش نضحك
ايمن.. اكيده من أميرة السلام من الغزل يلي قلاته لك الصبح يا برنس 😈
عبود...عليك مراقبه وحسد 😂 بس تعرف نراجي في بكرا عشان عارفها اول وحده تتصل وتخلي فيا نبتسم بالرغم اني ما شفتها ولا نعرف اسمها بس بجد لما نسمع صوتها وكلماتها نمشي لعالم تاني
معتز...شكلك ولهان فيها البنت هذي 😕
عبود...مش قصة ولهان بس نتريح لما نسمع الشخص يلي يعزك يدعيلك ويمدحك كل يوم من نفس الشخص نفسه
ايمن...فهمت عليك ان شاء الله حتى انا تدعيلي فتاة المستقبل هك 😁😂
معتز...مطرشقين 😐
عبود..ما انت راقيلك كنت زعمت كبودنا المشكله حتى وانت رايق تزعم في كبد 😂 تي كلك علي بعضك تزعم الكبد
ايمن...مش غير يزعم الكبد
معتز...احسن حل نفز من حداه خلقتكم واقعدو فيها وخداه مفتايحه وعدا 😄
وعبود وايمن انفجرو ضحك وعدو حتى هما كل واحد ركب في سيارته وقعدو ينابشو في معتز في طريق وهو تجنبهم وعدا 😂😂 وكل واحد عدا الطريق
......
حطت راسها علي المخده وتفكيرها في البرنس بحتت في صوره يلي عالساس وابتسمت واذكرت غمزته لها مع الشاشه حطت وجها عالمخده وابتسمت تي نعشقك وحق ربي واحسن حاجه بكرا عطله عشان نتابع برنامجك بدوز انقطاع 👌🔥 حولت المخده من وجها بعد جاها اتصال فيديو من نورا صاحبتها ...
نورا...تاكل وتبحت فيها شنو جو 😎
ايه...وانتي ديما تاكلي 😂🔥
نورا...شنو دخلك جاوبي علي سؤالي وأنتي ساكته 😎🔥
ايه...معروفه انا جوي لما نشوف عبود يقعد تمام التمام من شوفة هالملاك الحلو
نورا...😂 اه وخلاص تي جننتيه المسكين وجننتني روحك معاه
ايه...مش مشكله واصلا الجنون في الحب ما أحلاه غار جربي حبي والله احلى احساس 😍🔥
نورا..نحب مذيع يا مطرشقه شنو نبي فيه
ايه...وشنو فيها واذا كان مذيع حسستيني كافر راه مسلم ولد بلادي وطرف 😍🔥
نورا...طرف حلوه 🍬 والله شوكلاطه 🍫
ايه...😂 ما ابردك يلي تاكلي فيها الشوكلاطه يا كبدي 🍫😎
نورا...وقعدا في يدي مش في يدك خلاص معناها ليا انسيه 😂😍
ايه...طلعتي علي حقيقتك طح سعدك 😭 حاطه عينك علي الكبيده امتعي
نورا...مجنونه وحق ربي 😂
ايه...ما قتلك الجنون في الحب ما احلاه
نورا...😂😂 وما اغباه
ايه...تي عدي اربحي نرقد عشان برنامج بكرا عليش نوجع في راسي مع انسانه تكره حبيبي 😂😂
نورا...لا ما قلت نكرهه انا خايفه عليك لاعند وين يوصل هالهوس متع عبود اكيده لاحظ هالشي وتوا يقول شكلها تحبني
ايه...وهضا يلي نبيه انا اصلا انحبه وقتلك هالشي مجنونه فيه وعندي امل فيه
لان مافيش حاجه مستحيله ❤
نورا...تنهدت ان شاء الله خير وخلاص
هيا تصبحي علي خير نعست واتاوبث وخلتني انتاوب حتى انا 😂👌 واكيد اتاوبتو حتى انتو يلي تقرو 😂
ما علينا وايه قالت وانتي بخير وسكرت من عليها وحتى هي رقدت وقبلها همست تصبح علي خير عبود 😂 مهبوله هالبنت
فوتوها مجنونه بحب عبود 👌😂
في صباح يوم جديد 😍
اليوم ناض بروحه عبود وجهز نفسه وطالع يجنن حاي لو شفاته ايوته شنو يصير فيها 😂 عدا فطر تحت وتصبح علي بوه جمال وامه وفاء
جمال...طالع توا
عبود...اها شويه وماشي
جمال...شنو داير برنامج جديد انت
عبود...اها يا بابا اليوم يبدأ في العشيه ويلي في صبح مستمر
وفاء...ربي يوفقك يا وليدي
عبود..يارب هيا تبو شي قبل مانمشي
جمال / وفاء ... لا سلامتك دير بالك علي روحك
عبود...حاضر وشىرب اميه وخداه مفتايحه وطلع ... 🚙
وهو يدندن في فيروز 😊
وبعد وصل درس سيارته في الباركن
ونزل وخش للاذاعة وهو يبتسم
وحاي ايه اليوم راحت عليها نومه وراقده بسلام بعدها المنبه دار صوت نطت بسرعه وشافت الساعه لقتها 8 😱😱 حاي عليا وعدت تجري للصاله ولعت التليفزيون 😭 لقاته توا يبي يبدأ شفاته خش للاستوديو ابتسمت وبحتت فيه كيف طالع يجنن 😍😍
عبود...صباح الخيرات علي احلى مشاهدين ان شاء الله صباحكم يكون حلو زي حلواتكم 😊 واليوم موضوعنا عن الامل لازم يكون في امل في حياتنا وبحت في الكاميره ومافيش شي مستحيل عيش حياتك وحلمك ما تقولش مستحيل يتحقق لا حايتحقق بس خلي عندك امل في الحياه وابتسم نستنو في تعليقاتكم الحلوه واتصالاتكم وقعد علي كرسي
ايه..وين تليفوني اوف وعدت تجري لغرفتها جباته وجات واتصلت بي البرنامج
.... نبي عبود
..... هي لحظه توا نوصلك له
ايه...ابتسمت وخدت نفس
عبود...عرفها اتصلت ابتسم معانا اتصال صباح الجمال
ايه...صباحو عبود كيف حالك اليوم
عبود...ابخير وانتي 😊
ايه...الحمدلله اممم بصراحه عجبني عنوان الحلقه اليوم حلو
عبود...تسلمي وشنو عندك امل في الحياه اليوم شراكينا في موضوعنا
ايه...اممم اكيد عندي امل وانا انسانه ايجابيه يا عبود
عبود...كويس نهنيك يا اميرة السلام
ايه..تسلم وانا طموحه واجد ونحب نحقق يلي نتمناه واهم شي يلي نحبه
عبود...ابتسم ربي يحفظك
ايه...ويحفظك وسكتت وهي تتفرج عليه عالشاشه
عبود...معايا عالخط الوو ؟
ايه.. معاك نسمع فيك
عبود..اه باهي عليش ساكته 😊
ايه...لا يوجد كلام يقال وانا انضر إليك
وسكرت طول وهو ابتسم من يلي قلاته
عبود...اا انقطع الخط ناخدو فاصل اعلاني ونردو مره تانيه
وصبا ويلي قلاته قعد يفكر فيه هي قالت لا يوجد كلام يقال وانا انضر إليك همس زعما شنو قصدها هالبنت جننتني بكلماتها تنهد وكمل برنامجه وهي قعدت اتابع فيه بحب وتبعت له في رسائل عالقتاة وان طلته حلوه اليوم وهو يبتسم وبس ويدير في أحببته علي تعليقها ❤❤
أنت تقرأ
احببت مذيع (روايات ليبية )
Romanceعلاقة تنشي بين فتاة عادية و مذيع مشهور ؟ فما مصير حبهم ؟ وكيف تقابلوا ؟ و ما موقف المحيطين بهم ؟ . رواية من داخل المجتمع الليبي ❤️ للكاتبة : السلطانة كوكي
