احببت مذيع (روايات ليبية )

حلقة 7🔥

#أحببت_مذيع 🔥 في الجزء السابع 👌
انا قعدت نبكي وحالتي صدمني من يلي قاله اني انحبه او نحب فلوسه وانا مجنونه ومهوسه بيه ومش شايفه غيره حسيت بغصه في قلبي كلمه وطريقة دوته جرحتني يعني هو دارني اني انحب فلوسه مسحت دموعي حتى وصلني الباص للحوش وخشيت طول لغرفتي وسكرت عليها وقعدت نبكي حولت كل صوره علقتها عالساس والباب كل شي حولته حسيت ان ما يستاهل هالحب وان عيلتي نصحتني وصاحبتي حتي هي ان مانفكرش فيه وطلعتهم غلطانين وقعدت مهووسه فيه بزياده انا خلاص قررت حتى ان نغير تخصصي من الاعلام ونخش الهندسه مع نورا يعني شنو حصلت في الاخير كلمه ما كنتش متوقعه ان يقولها ليا
معقوله انا يلي انحبه بجنون مافيش بنت اتحبه هالحب يلي حبيته له يقولي هك بدل ما يقولي اني حبيتك قالي نسألك تحبي فلوسي او انا شخصيا صدمني فيه بجد والله يلعن اليوم يلي حبيته فيه 💔
وبعدها اتصلت بيا نورا رديت عليها
نورا...وينك مش قعده في الكليه
ايه...انا في حوش قعده
نورا...ليش روحتي كنك شنو فيه وعليش صوتك هك
ايه...حكتلها كل شي صار وقعدت تبكي
ونورا وجعها حالهااا
خلاص فوتيه ما دوريش عليس اتعبي في نفسيتك علي شانه هو ما يستاهل حبك
ايه...واكتشفت هالشي متأخر 💔
نورا...تهون ان شاء الله ربي ينسيك له
ايه...يارب
...........
اتصل بيا رفيقي وانا حاير وقعد في سيارتي وتليفون يلي عطاته ليا في يدي
تنهدت ورديت عليه ... اهلا
حمزه...انا جاي زي ما قلت علي خاطرك
عبود...فرحتني بجيتك وتوا نقول معتز يستقبلك في مطار
حمزه... لا انا قلت له وقعظ في مطار يالا نتلاقو في الليل يا برنس
عبود...اوكي وسكر
وقعد يدكر في يلي صار معاه وايه تصرفها خلاني نستغرب وان ليش بكت وهو سؤال عادي معقوله دموع وعزقت تليفون وكل كلمه قلتها عشان قتلها تحبيني انا او تحبي فلوسي انا احسن حل نسأل الخبره ايمن 😎 متع بنات وعده شوره وفي المكان يلي ديما فيه وبعد وصل نزل وقرب منه
عبود...خير يا طير
ايمن...اوووو عبود شنو جو
عبود...والله جوي شين
ايمن..ليش شنو صار احكيلي
عبود...قعد وبحت فيه وحكاله كل شي
ايمن...لا انت اكيد اكيد جنيت في حد يسأل سؤال هك مفروض اختبرتها مش هك يا عبود اختبرها ليش ما قلت انك حاسس روحك حاببها وانك تبي تتأكد من حبك لها وتزوجها وانك تسفرها وغير شنو تطلب شوف ردة الفعل انت
ولو قالت ان ماتبي شي غيرك انت وان كل حاجه اديرها لها مش مهمه يلي مهمه هو وجودك يا مهبول معناها اتحبك انت مش فلوسك يا هبل بس انت لبزتها من سؤالك المباشر هك كيف تحلها تواا
عبود..اه لبزتها باهي ساعدني شنو اندير
ايمن...عندي لك فكره انت مش قلت فازت عندك في المسابقه وبعتت هدايه لها بعد عطتكم عنوانها
عبود...وباهي ؟
ايمن...امشي لاعندها توا الوقت راضيها
عبود..كيف تطلع يا مهبول تبيني نمشي لحوشها تي مستحيل انا امتى عمري درت هالشي وانت عارفني مش متع جو هضا
ايمن...حاتبقى مهبول طول عمرك جرب توا اتصل بيها حاتشوف كيف تسكر في خلقتك ومش حاتمشي الكليه من كلمتك هذي لازم تراضيها احسن ما يتحول حبها لك إلي كره لو تحبك فعلا
عبود...قولتك نمشي
ايمن...طبعا وركب سماعة بلتوت في وذنك وخليك معايا عالخط توا تلبز في دوا اخرا عارفك انا  توا نحكيلك وانت تحكي معاها ويلي نقولها لك ديرها قعدت جنك 😈 اعوووو 😁😂
عبود..بارد 😂 باهي خلاص وركب سماعة بلتوت في وذنه وعدا لحوشها بعد خداه العنوان من الشخص يلي عدالها وعطاها الهدايه و وصل لاعند حوشها
اتصل بيهاا ما ردتش عليه والمرا التانيه سكرت في وجه اشويه بعت مسج
عبود..حط يده عالسماعه انت سكرت في وجي مابتس اترد
ايمن...هددها بطريقتك ان اذا ما جاتك ادق حوش امتعها توا تخاف
عبود...تنهد ودار يلي قاله ايمن وبعت
( اسمعي انا تحت حوشكم لو ما جيتي قابلتيني توا تأگدي ان حوشكم حايندق بعد 5 دقائق )
ايه...شافت مسج انصدمت
واتصلت بيه بعد شافت سيارته مع الروشن .... رد طول
عبود...هلا
ايه...انت جنيت عليش جيت لاعندي
عبود...بلا دوا وانزلي توا احسن ما اندق الحوش عندك 5 دقائق
ايه...عيلتي يا مجنون شنو اندير
عبود...تصرفي من عندك نبي نحكي معاك وجه لوجه وسكر في وجها التليفون
ايه..حاي عليا شنو اندير وبحتت في الساعه توا يبي يأذن المغرب توا يبي يجي بابا 😭 مش عارفه شنو اندير مرت دقيقه ودقيقتين وبعدها تنهدت ولبست جاكتها ونزلت مع الدروج وامها وانس يتفرجو عالتليفزيون وحنان تقرا في غرفتها وبوها مش قعد نزلت بسرعه وفتحت الباب وهو شافها نزل من سيارته و جاهاا
عبود...وين نحكو
ايه...شيرت للمخزن يلي جوا وعدت شوره وهو ابتسم ولحقها وايمن معاه عالخط يسمع في دواا
ايه...خشاته في مخزن وخلت باب مردود
بحتت فيه .... شنو تبي
ايمن...قول نبيك
عبود..حك خده انا نبيك
ايه...بلا كذب انت لو تبيني ما قلتش يلي قلته
ايمن...قول يا مهبول تكلم انك ماعندكش في جو البناات ماتعرفش تتعامل معاهم حتى اخت ماعندك
ايه...احكي ليش ساكت
عبود...شوفي انا اسف كان كلمتي زعلاتك وانا الحق مانعرفش نتعامل مع البنات يعني هك اسلوبي نحكي طول هك حتى اخت ما عندي انا وحيد عيلتي
ايمن..حكيت قصة حياتك 🐸
عبود...ابتسم وحك خده وبحت فيها وهي ساكته وتسمع بس ومابتش تبحت فيه
ايمن...كنها ما تحكي
عبود...ليش ساكته قتلك يلي صار انا حياتي هك دوتي مع شباب اصحابي بس مانحكيش مع بنات انتي خشيتي في حياتي فجأه قلبتيها لياا صح بس مانعرفش كيف نتعامل معاك لو تحبيني فعلا تحمليني هضا طبعي
ايمن...طلع عندك لسان 🐸
عبود...سكر فمك
ايه...بحتت فيه ورفعت حاجبها عفوا
من يلي سكر فمه ؟ انا والله انت انا ما حكيتش راه
ايمن...😂😂👌👌
ولعت ويش يطفيها طفيها كان قدرت يا عبود ماحد قالك تدويلي
عبود...تورط وبحت فيها ااا نبي نقول احكي عليش مسكرا فمك بس قتلك دوتي مع شباب تلخبطت وقلت سكر فمك
ايه...رفعت حاجبها للهدرجه انت ما تعرف تتعامل مع البنات وباهي اتقولي اتحبيني او تحبي فلوسي شنو هالاسلوب انا حبيتك انت مش فلوسك مجنونه فيك كل شي فيك انحبه نتابع في كل شي يخصك حافضه كل شي انت اتحبه وقعدت انحبه وزي ما تعرف خشيت حتى في مجالك ونقعد مذيعه عشان نقابلك بس صار انك بروحك طلبت تقابلني عشان في الاخير تقولي هك راه اسمع بابا مش مقصر معانا حالتنا احسن واحسن غار شنو تبي يا بنيتي يقول انا يلي نقول مانبي شي غير وجودكم في حياتي وبس مايهمني فلوس شنو يديرن يلي يهمني هو الاشخاص يلي نحبهم يكونو جنبي وما يسوى حبهم بفلوس ولا نبدلهم بفلوس
ايمن...حاي حاي لا هذي ادبالك اضيعها
عبود...مصدوم يبحت فيها 😍🔥
ايه..كنك تبحت فيا هك وحول نبي نمشي
ايمن...تي احكي يا قرد قوللها في يلي انت تتمناه واتحبه عبر شنو هالانسان هضا
عبود...لحظه قبل ما تمشي
نبي نقولك ان الانسانه يلي نبي نرتبط بيها ونكمل حياتي معاها ان تكون بمواصفات انا نبيها تحبني وحتى في المستقبل ولادنا تهتم بيهم وتحبهم زي ما تحب بوهم وان ما تهملهم وتهمل بوهم وتطلع وتدهور وتقولي نبي ونبي 24 ساعه انا هضا يلي مخوفني لان صاحبي مذيع وهضا يلي صار معاه وهو توا مسافر مضايق بكل لان هو حبهاا لزوجته وطلقها في الاخير ما تفاهمش معاها قعد كل اتصال منها توقع ان اتقوله رايفت عليك اتقول انها محتاجه فلوس ابعتهم ليا عالحوش وديما تطلب وديما ماشيه للسوق حتى جابت بنت هملتها والبنت مرضت وماتت اخره
ايه...شهقت وحطت يدها غلي فمها بنتها ماتت قصدك طح سعدها حقيره
عبود..ابتسم وانا مش بالساهل تعجبني بنت نخاف ادير زيها لان صاحبي ادمر وحتى رايفت عليه قتله لو ما جيتش نزعل منك وقال حايجي وحايكمل حياته عادي
ايه...وجعني صاحبك بجد وهي حقيره
ايمن...الله علي حمزه انقنه واجعني خطرته علياا هي اعترف وقول انك تحبها
عبود...قعد يلعب علي صوابع يده
وبحت فيها ... ايه بصراحه انا حاسس اني حبيتك بجد والله مانكذب عليك قتلك عندي حساسيه من موضوع متع بنات فايتهم بكل وانتي قلبتي حياتي كلها
ايه...دقات قلبها زادت وسكتت
ايمن ...كمل ناعليا 😍🔥👌
عبود...وانا مستحيل  نلاقي زيك بصراحه انتي انسانه ولا اروع وما نبي انضيعك سامحيني علي كلمتي وخلينا نتواصلو اخرا وفي نهاية الشهر نجيب عيلتي ويخطبوك ليا شنو رايك ؟؟؟؟
ايه...بحتت في عيونه وسكتت
يونس...وصل للحوش وانتبه للمخزن مردود تي من فاتحه هضا
ايه...خافت كراته جوا وكان قريب منها
يونس...سكر الباب وعدا ولكن بالمفتاح
عبود...من قربها 🔥 ولع كاشف تليفونه 🔦 بيناتهم وسرح في عيونها وهي استكت وقلبها دق بزياده
ايمن...ناعليا شنو ادير يا تافه تكلمو
شكلك بستها 😂🔥 قول بستهاا
ايه...جات تبي تعدي
عبود...مسك يدها وردها لمكانها
ما جاوبتيني وقرب منها اكتر وهي تزرطت
..... وهو قال وهو يتأمل فيها زييين
مستعده تكملي حياتك معايااا للابد
ايه...احلامها تحققو الانسان يلي حباته قال ان يحبها وان يبيها تكمل حياتها معاه للابد قلبها يدق بسرعه من قربه ومن نضاراته لهااا
  وعبود مسك وجها بين ايديه وغمض عيونه وهمس احكي ودقات قلبه زادت
ايمن...😍🔥 شنو ادير قريب  منها انت بستها والله مزال تييي وضح
ايه...بتردد انا حانفكر
عبود...قرب اكتر منها وهمس قرب وذنها
مافيش حاجه اسمها تفكير انتي اتحبيني كملي حياتك معايا لاني ادمنت عليك
ايمن..هوبا 😍🔥 خطير انت
ايه....قلبها دق وحتى من قربه وريحة عطره 🔥 بحتت فيه وجات عينها في عينه وهو قرب اكتر وباس راسها وهي راحت فيها 🔥🔥
عبود...بحت فيها جوابك ؟
ايه...انا موافقه عليك ❤ بس ماعش تقولي انك اتحبيني او تحبي فلوسي لان انا ماندورش فيهم وماعمري فكرت هك اصلا تفكيرك فيا حطمني قاطعها ببوسه 💋🔥  صدمتها تجمدت مكانها وقلبها يدق بزياده وهو بحت فيها وابتسم
عبود...نورتي حياتي وفوتي يلي قلته وخليك في يلي قلته ودرته توا و وخر وهي خلاص دابت 😂😂🔥🔥
بحت في الباب وجاه يبي يفتحه
هضا مسكر شنو يصير يعني الليله نحصلو هنا والله كيف ومسك ضحكته علي وجها عشان باسها متجمده مكانهاا
ايمن... ههههه حصلتو يا عوينك 😎
عبود...سكر الخط عليه وبحت فيها مره تانيه
...
بسسس الباب متسكر شنو يصير توا
ايه...انتبهت يلي قاله وحطت يدها علي وجها من احمرار والخجل وهو راح فيها من حركتها واضح ان تعشقه 🔥🔥
وهضا يلي يبيه وان يطمن يكمل حياته معاها وما تكون زي زوجة حمزه السابقه
ايه...خدت نفس توا نتصرف لحظه بس
وألتفتت وطلعت تليفونها واتصلت بحنان
حنان... اوف نقرا عليش رانه عليا ردت بتأفف ... شنو تبي يا متعت عبود
ايه...انزلي وتعالي افتحي عليا الباب بابا م
سكر علياا المخزن
حنان...وانتي شنو اديري تحت
ايه...ااا عشان تغطيه نحكي مع نورا خشيت المخزن بالصدفه شويه بابا سكره
حنان...اوف باهي اشويه ونازله
ايه...تنهدت وسكرت عليها
وعبود 😍👌... انتي خطيره والله
ايه...وجها قعد احمر ❤
وبعد وقت حنان جات وهو قعد وراه الباب
وايه قدمت وبعد انفتح طلعت بسرعه وردت الباب
حنان...سكريه كنك
ايه...اا خليه يتهوا المخزن وتوا نسكرا حابه نتمشى اشويه انتي اركبي ولاحقتك
حنان...باهي يا متعت عبود وايه فنصت فيها وعدت تجري تضحك
وايه حطت يدها علي قلبها وعبود طلع وجاه همسلها باي يا متعت عبود 😉😎
وهي وجها خلاص وغمضت عيونهاا
وهو عدا وألتفت بيناتنا ألووو 📱
ايه...هزت راسها وسكرت المخزن وهو ابتسم وطلع وهمس هالبنت ولا اروع تجنن 🔥🔥
وادكر بوسته لها ابتسم وعداا
وهي فرحانه طاير عقلها وعدت تجري جوا الحوش 😂👌
........
وصل للمطار  واستقبله معتز وسلم عليه
نورت يا صقع انت 😎🔥
ضحك وحضنه ....كيف حالك يا مهبول
معتز...ابخير رايفنا عليك والله
حمزه...وانا اكتر يا عزو هيا خلينا نمشو للشباب رايفا عليهم
معتز..تأمر انت هيا وركبو في سياره وطريقهم إلي الاستراحه متعت ايمن يراجي فيهم وعبود حتى هو ماشي غادي عليش عدا ابسرعه من ايه ❤
وصل للاستراحه قبلهم وشافه ايمن
ايمن...😂🔥👌 الله علي رومانسيك وعليا الطلاق كما بستها قولي بستها
عبود...انقنك الا بارد واخرا قريب فطنت انك تحكي معايا وجاع يبي يضربه هرب
وهو يضحك 😂🔥
ايمن ..تي غار قول شنو صار
عبود...سامحتني و وافقت علياا
ايمن...انا سمعتها دوا هذي نحكي ع بوسه 🐸👌 بستهاا
عبود...ضحك مهبول ولمس شعره ادكر يلي صار وهز راسه
ايمن...ايواا ريت قعد ولهان عبود 😂
ناعليا من العشق اه 🔥
عبود...باهي بلا براده اسكت
ايمن...باه 😎 وبحت في جهة الروشن وصلو الشباب وعدو استقبلوهم
حمزه...سلم علي رفيقه عبود وعلي ايمن وفرحو بجيت حمزه يلي سافر علي شان يتجاوز المرحله الصعبه يلي من جوزته 💔 ومن اهمال بنته المريضه وماتت بسببها هو توا عايش ولكن ميت 💔
...........
#يتبع
........
توقعاتكم في الجزء الثامن 👌🔥
لا تفوتوه احداث جديده🔥👌
وحمزه شنو قصته 🔥 وعلاقة اية وعبود تطورت 👌🔥 وحنان ومعتز شنو يصير بيناتهم في الاجزاء القادمه 🔥👌
ونورا يا نورا 😂👌 تابعو وشوفو
.........
تحياتي