شيخ ابو الاكبر

جرح

اتفاجئت من شافتني كدامها ماردت تخجل او تخاف مني فسالتها
-بويه اجيت اسال شمحتاجين حته اوصي الاكبر يجيبه الكم
-سلامتك شيخ ماكو شي ناقصنه الحمد لله الخير هواي
-ماشي بويه بلا امر عليج اريد جاي جيبي للستقبال
-حاظر
طلعت واني الخجلان ومن وصلت للستقبال اشتاقيت لعيونها شبيه ماعرف معقوله هيج صار لازم افهم حبيتها بس هيه شتشوفني اكيد تشوفني رجلها لو هيج ماغارت عليه بس شلون هيه تصيحلي شيخ ولا مره حسستني بشي من هالمشاعر شنو سالفه راح اتخبل واني بهالتفكير دخلت عليه بيدها الجاي
-تفضل شيخ
-عاشت ايدج بويه
طلعت ودك التلفون عليه جان شيخ ضياء عنده طلابه وكال يريد ينجمع ويانه كتله هلا بي راح يتصل بربعه ويجون اليله اني اتصبت بعلاوي كتله ينجمعون اليله رحت للحجيه كتلها وطلعت لاكيت نور كتلها صيحيلي البنات
-بنات اليوم عدنه كعده وناس جايه والعشه راح اخلي عباس يذبح وانتن حضرن الاكل وعمه سهام والحجيه يكللجن شتسون نور وين عباس
-شيخ طلع
اتصلت عله عباس كتله
-عباس هسه تروح تجيب ذبيحه وتجي عدنه كعده شيوخ هسه راح يجون.
-امرك شيخ
السالفه مو مال كعده الشيخ ضياء اول مره هيج يحجي ويطلبني السالفه اكبر من هيج صحت عله اكبر حته يجهز الديوان ويفتحه للناس صعدت بدلت ملابسي نزلت اجه عباس جاب الي وصيته عليه وجهز كلشي طلع الاكبر ضل يعدل البره والباب شويه واجت السيارات نزل شيخ ضياء وياه ناس واكو شباب مسلحه بقو يم السيارات البنات بلشن يحضرن العشه كعدو الزلم ضيفناهم والشباب كلها موجوده بس علاوي تاخر انتضرنه لحد مايجون اشويه واجه عمي ابو احمد وعمي ابو محمد  انجمع الكل بلش الشيخ ضياء يتكلم
-ياجماعت الخير انه عندي سالفه
-تفضل شيخ كول
-انه اجاني تهديد للبيت علمود فصل قبل كم شهر فصلت بشغله ثار بين عشيرتين وعشيره منهن هددت ماقبلت لان يردون الثار يستمر والبارحه لكيت تهديد اباب بيتي واتصلت عله شيخ ابو الاكبر وكتله عندي مشكله انه هسه اريد اشوركم واشوف منو وياي غريمي اعرفه منو انه اريد رايكم.
-شيخ ضياء الحك وياك واحنه وي الحك ولو عله دمي
-طلبت اكعد وي شيخهم وباجر اروح الهم واريدك وياي ياشيخ ابو الاكبر
-تم باجر وياك
صحت عله عباس واالاكبر يجيبون العشه للناس وتعشو الجماعه وبقو يحجون بامور هواي وراحو دخلت لكيت البنات بعدهن يشتغلن ندى نور وفطم وجنه كتلهم وين البقيه جاوبت نور
-الحجيه راحت تصلي وترتاح وعمه سهام وعذراء بالاستقبال
-وحدجن تشتغلن ليش
-شيخ كملنه ماكو شي
انه جنت تعبان وباجر شغل وراي وسالفه الشيخ ضياء رحت حته ارتاح صعدت غيرت ملابسي وسبحت جنت كاعد اكلب بالتلفون ودخلت جانت حيل تعبانه اخذت ملابسها ودخلت سبحت وطلعت وكفت عله المرايه تضوي تخبل حاجيتها
-تعبتن اليوم بس عاشت ايدجن الاكل طيب
-شكرا شيخ
-بويه باجر حضريلي ملابسي عندي كعده وي شيخ ضياء
-ان شاءالله شيخ
ليش جاي احجيها ياربي احبها اي احبها واعشكها بس وبعدين خاف ماتريدني يمته تكمل تجي يمي اريد احضنها وانام مشتاقلها وهيه يمي لو بيدي ادخلها بيه ومافاركها هاي صدك هيج كمت افكر شبيه انه ولكم راح اتخبلني هالبنيه. كملت واجت ترتاح وتنام بس شفتها يمي ارتاحيت ونمت غفيت كعدت الساعه ب٧ ونص الصبح مالكيتها بدلت حته اروح للمصنع وي اخوتي نزلت لكيها تسوي اكل كملت وطلعت للضهر رجعت للبيت بدلت ورحت ع الشيخ ضياء انه وعلاوي وعباس وجبار وجعفر واخذنه عمي ابو احمد رحنه للناس حته نتفاهم وياهم ونشوف حل شيخهم جان شيخ محترم واستقبله ومارضه عله الي سوو وعدنه خير كملنه السالفه ورجعنه للبيت وصلت الجماعه دخلت لكيت الكل مخبوصين وفطم تبجي مافهمت السالفه عطت بيهم اريد افهم كالو
-اليوم اجو بيت عمك ابو محمد علمود يحجون ويانه حته نرجع ليلى لعلي.
-اي وشنو صار
-دخلت ليلى وشافت جنه وحجت عليها وعذراء زادت الطين بله وكضت جنه ليلى حطتها وكتلتها والبنيه طاحت عله رجلها وضلت تصرخ
-شنو ومنو سمح الها تمد ايدها عليها يمه ليش هيج
-تدري بيه يمه ماكدر اتحرك ونور حامل عذراء دفعتها اجت اطيح وفطم زغيرونه ندى ضلت وحدها تريد تفكهن منها ماكدرت
-وعمه سهام جانت تتفرج عليهن وينها وين جنه كولو لا احرك البيت هسه
جانت جنه بغرفت الحجيه تسمع صوتي وعصبيتي وتبجي
-ولكم بس لا صار بيها شي اويلي خايبين مرتي تردون تذبحوها ليش
-يمه اذكر الله فطم جيبي ماي لابوج  يمه جويسم البنيه مابيها شي اخذها عمك ابو محمد والاكبر للمضمد كال مرضوضه رجلها ولفاها الها.
-اي ويييينها
-يمه بغرفتي هنا بس اهدا
ماكملت كلامها لفيت خاجيتي ورحت لغرفت امي لكيتها كاعده وماده رجلها ملفوفه ودموعها تنزل وعيونها حمر من شفتها ماتحملت رحت عليها ولفيتها بحضني
-لاتبجين تموتيني من تبجين وداعت عيونج وحك ادموع هاي اله ابجيها دم ليلى
وخرت عني وباوعتلي مسحت ادموعها وكالت
-لا هيه حقها من تشوفني تذكر اخوها بس شيخ والله مالي ذنب اني شنو ذنبي هيج يصير حالي فوك افراك اهلي ودراستي والهم هذا كون اموت وارتاح.
-اششش وانه ياهو الي تعوفيني وترحين
شفتها متاذيه كلش لفيتها بخاجيتي وشلتها للسياره ورحت بيها للمستشفي حته اتطمن اكثر كالو رض بسيط مو كسر وفتحو رجلها واخذو اشعه ورجعو جبسوها وكالو لازم ترتاح حته تطيب بسرعه رجعنه للبيت ردت اشيلها مقبلت
-شكال الطبيب راحه
شلتها وصعدتتها للغرفه واخذت مسكن ونامت انه دمي يفوووور نزلت جانت الساعه ب١٠ بليل شافني علاوي لزمني
-وين يخوي
-عوفني معليك
باجر نحلها مو بليالي شيكولون تهجم عله بيت عمه بليل علمود حرمه
-شمسويه البنيه وهيج ولكم ابوها خلاها امانه بركبتي هيج الامانه تتعامل
-اذكر الله وباجر نحلها لا تخلي الوادم تحجي علينه تعال اكعد وياي صار هواي مكاعدين وسهرانين سوه
دخلنه للستقبال لكيته بس هوه الكل راح الغرفته كهدت وياه وضلينه نسولف وره شويه سالته
-علاوي اعذرني خويه عاملك هالفتره بس شوفت عينك ماجاي افرغ اسوي شي
-لا يخوي ماهاملني ولا شي هاي انه مرتاح
-علاوي مو عليه انه ابو الاكبر جاي اشوفك مامرتاح ومو علاوي الاعرفه معقوله لان ليلى بعيده عنك اذا تريدها يخوي ادوس عله كلشي وارضيك يحزام ضهري
-لا ياليلى
-ها جا السالفه مو هينه ولك عليوي سولف لاتضل هيج تره تطك وتلفيلك عله
دنك راسه وشكله مستحي وحيران ومايعرف منين يبدي الكلام وياي
- يخوي اضنها سالفه عشك لو انه غلطان
-ها لا حشاك من الغلط
-كلي يخوي شبيك انحلها انه وياك
-شيخ تعرف ابو مصطفى الرجال اليهتم بالمزرعه مالتنه
-اي شبي
-عنده بنيه اسمها مروه يخوي والله ماربيتنه نسوي غلط بس هيه دخلت هنا بعد وضليت اسال عليهم بس اخر مره شفتها قبل كم يوم وعرفت جاينها ناس من اهل امها يردون ياخذوها لابنهم وماعرف شسوي روحي طلعت وماعرف شنو اسوي
-الحل بسيط تريدها تاخذها
-شلون يخوي
- شنو شلون مثل الناس خلص