شيخ ابو الاكبر

خوه

رجعت للبيت شفت الوضع موطبيعي قلقت دخلت شفت ندى وحدها دتبجي دخلت يمها سلمت
-ندو شبيج خويه تبجين شصار الحجيه بيها شي
جنت خايف لا امي الحجيه بيها شي من شافتني اجيت يمها مسحت وجها وكانو ماكو شي..
-لا شيخ ماكو شي الحجيه مابيها بس العافيه
-جا شبيج تبجين
-انه مابجي جنت اسمع بالتلفون مانتبهت
-ندو تعلميني باختي انتي صايره مو مثل قبل حته متكعدين ويانه سولفي احد مضوجج
-لاخويه مابيه شي واذا وجودي مضايكم حته ماطلع من غرفتي
-شبيج جاي اسال عنج شنو مضوجج
اعرف بيها متغيرهيضوجوها بالكلام هالشي طبيعي اي بنت تنسال ليش متزوجتي وليمته باقيه وهالشي مو بيدها بس ياذوها
-ندو انه اخوج من انتي بالكماط اني ربيتج تضمين عليه منو مضوجج
-حضي
-افا شبي حضج اشو مناقصج شي كل بنيه تتمنه تكون مكانج كافي انتي بنت شيوخ
-هنا المصيبه ماريد اصير بت شيوخ كلها تحسدني عله مكاني وبنفس الوقت محد يتدنه يمي يخافون ومن المارحه لليوم عماتي وبناتهن ردن لاسالتهن السخيفه والكلام يوجع يخوي بس شبيدي
-لاتحجين هيج ربج كاتبلج شي متتوقعينه
-التهن بالفصل... اقصد البنيه من الصبح لحد هسه دايرات يذبن كلام عليها مدري شلون متحملتهن
-ههههههه اي ادري قويه
-بس نزلت يمهن دارن عليها اني من يمي ماتحملت لو بيدي انه اطردهن
-افا مو هسه كلت بنت اشيوخ جا جنه طلعت اقوه منج
-ياقوه خويه طلعت حديد والله ماخلن حجايه ماحجنها حته عله اهلها وهيه ساكته
-شنو اهلها ليش
-هنه رادن يضوجني كالن حته هاي الفصليه اخذت شيخ وانتي واكفه بمكانج وعذراء وامها كالن اهلها شمروها علينه.
-ههههه هاي عذراء لو اصيح عليها تجمد ابمكانها ههههه
-هيه بس السان
-ندو ماريد شي ايهزج انتي المدلله اكو شغله اريد٠ج احجي وياج بيها لان تخصج
-شنيه شيخ
جنت اريد احجي ودخلت فطم صاحتنه عله العشه فاجلت الكلام وره العشه جان العشه شي بسيط انجمعنه كلنه بس الشباب ماكو وعلي اخوي مموجودين اتصلت عليه عرفت منه طالعين يتعشون بره  هالمره عمي ابو احمد مموجود هم اجت عذراء كعدت يمي لزكت بيه شكد اضوج من البنيه الخفيفه صاحتها الحجيه حته تحضرلها الطبله والكرسي تتعشه عليهن يمنه والبنات مجهزات كلشي اجه عباس ونور كعدو سوه عباس طاير بنور وخاصه من عرف حامل شفت فطم كاعده يم عمه رقيه وبنتها الزغيره زنوبه تلاعبها ندو ومارادت تكعد ويانه بس كتلها ماحجيلج شي اذا ماتعشيتي ويانه اعرف جانت مطايقه البيت لان جلال موجود اجت عذراء تركض جنها وحده مخبله اجت جنه بيدها العشه مال الحجيه بعدها اجت يمنه شافت نور يم زوجها وفطم ملتهيه متعرف احد هنا غيرهن رادت ترجع للمطبخ ردت اخلي عذراء تبعد شويه لان لازكه بيه فصحت عله جنه
-جنه وين رايحه بويه تعالي تعشي هذا مكانج يمي تعالي
ادنيت وخليتها تكعد عاليمين وعذراء لازكه روحها عالجه الثانيه جانت خجلانه لان صحتها اني ضخم بالنسبه الها لان كلش ناعمه حته من تكعد يمي اله ادنك عليها
-يلا بويه اكلي اريد اشويه ترد روحج صارلج ٣ ايام هنا صرتي عود شيكولون عليه الوادم الشيخ مايوكل مرته اطلع بخيل كدام الوادم هههههه
هيه من سمعت هيج ضحكت عذراء طكت شالت الكلاص مال الماي وفلت من ايدها ماهتميت جنه رادت تكوم لزمتها مخليتها
-اكعدي عدها ادين وتشتغل بيهن
ماعرف ليش قارنت بهاي الحضه بين عذراء وجنه والفرق كلش جبير  جنه ذكيه ورزنه وقويه وعذراء رعنه وغبيه خبله وكحه ترادد هالشي مايعجبني
بلشنه عشه وسوالف ضحك وشقه شفت عصفورتي ماتاكل دنكت عليها
-عصفورتي شبيها ماتاكل
مانتبهت شنو حجيت او ليش هيج بس هيه رفعت عينها بعيني جانت مصدومه ومن نضرتها انتبهت شنو حجيت فتلافيتها
-بويه ليش متاكلين ماتحبين هيج اكل
دنكت راسها وحسيت خايفه لان شفت رجفه بيدها رجعت سالتها لان اريد افهم ليش
-بويه شبيج جاوبيني ليش ماتاكلين ولالكمه حطيتي
-شيخ مو ماحبه او ماتعجبني نعمه من الله بس اني اتحسس من الاكل هذا عندي حساسيه
-بس اكو انواع هواي عالسفره
باوعت شفت ماكو كدامها غير نوع واحد بس ردت اتاكد يعني ليش بس نوع الي تتحسس منه كدامها
-بويه اذا عنج تحسس شلون طبختي
-ماطبخته اني اصدا ماعرف راح يسوون هيج عله العشه
فهمت ليش عذراء اجت تركض لمن دخلت جنه واجت يمي ردت ارد السوته سمعتها كالت شبعت وكامت صحت عله الاكبر
-بويه اكبر
-امر شيخ
-هسه تروح تجيب بيتزا وتجي
-صار شيخ
-اويلي شنو هاي ابو الاكبر منو كالك مشتهين بيتزا
-ههههه نيالج نور جنتي تردين بيتزا هاي اجتج
-اسكتي ولج فطم
-ليش اسكت مو جنتن تسولفن انتي وجنه هاي اجتجن
ضلينه منتضرين لاكبر يجي تاخر نص ساعه واجه جابها حاره نور جانت تتنسه عليها عباس يوكلها عمتي سهام تصيح عليه لان بنات عمي موجودات عذراء تباوع بحقد ضحك فطم خلت ندى تضحك جنت فرحان بلمتهم بس جان لازم احد ينغص عليه اجت عذراء بكل صلافه اخذت قطعه من امها وتريد توكلني
-لا شكرا اكلي انتي اني مرتي دتقطعلي قطعه
-اي ادري بس يشيخ معقوله ترد ايدي
حرت شنو اسوي باوعت ع الحجيه ماكدر افشلها كلها كاعده وصار شي ماتوقعته ابد يصير ولاجان ابالي عذراء دتلح اله اكل من ايدها جنه جانت يمي شالت قطعه ودنت عليه
-قاسم هاك من ايدي
وخلتها يمي اني اكلت من ايدها مو هنا المشكله المصيبه الي وكفت عقلي اول مره من تجت لليوم تصيحلي باسمي جان كله تكولي شيخ وماسكتت كملت
-عذراء الشيخ ماياخذ شي مو مالته
هالكلمه جانت رساله رالكل فهمها شفت ايدها ترجف حيل فهمت الي سوته عله اعصابها فلزمت ايدها حته تهدا
-الله يعافيج
لمو السفره وجهزو لجاي وانجمعنه بالستقبال الجبيره اجه علي والولد كعدت بالحديقه وكلت لندو تجي وراي جنت ادخن جكاره انتبهت عله نفسي ممدخن من امس ضحكت هاي العصفوره نستني كلشي اجت اختي ندو
-رايدني شيخ
-اي تعالي اكعدي اريدج بسالفه تعرفين صديقي جبار
-سامعه بي شيخ ماشايفته
-امس بالاربعين طلعتي وي امي والبنات لو الوحدج
-خويه طلعت وحدي ليش ها اي بس تكو ولد ساعدني اعبر من يم الشباب
-اي هوه هذا العبرج من يم الشباب يكون جبار
-اي شبي
-خطبج مني اليوم كتله لازم اشرف راي البنيه شرايج انتي
-ها شنو ليش
-شنو ليش بعد ليش واحد يخطب وحده
-ماضغط عليج خيتي انتي وغاليه وعزيزه فكري ورجعيلي خبر
مبين عليها متوتره وماتعرف شنو ترد عليه دخلت جوه للبيت اني مالحيت عليها بس اعرف شلون اخليها تحجي خلصت الجكاره ودخلن العمتي رقيه حبابه كتلها السالفه وكتلها اريد منج تعرفيلي رايها لان ادري البنيه تخجل تحجي وي اخوها بهيج موضوع راحت عمتي وحجت لاحجيه حته يعرفن راي ندى