الفصل العشرون
من كنز الزيد
بقلمي:-هدى سمير
ممنوع النقل او الاقتباس دون علمي
************************************اوقفت السياره سريعاً ما إن وجدتها متصطحا فوق الارض بمنتصف الطريق نزلت سريعاً مهروله نحوها
-شوفيها يا كنز بالله عليكي
نطقتها ديمه وهى تحاول النزول من داخل السياره ف صرخت عليها
-خليكي مكانك متنزليش
حاولت ايفاقتها ولكنها لم تجب وقفت مره اخرى نحو السياره ساحبه زجاجه المياه وعادت اليها مره اخرى فتحت الغطاء مبلله يدها بها ثم مررتها فوق وجهها وجدتها تتقلب للجهى الاخرى رفعت بصرها نحو تلك القابعه بقلق داخل السياره تتابع ما يحدث بقلق
-دي نايمه
-نعم !
-والله نايمه بصي !
ابتعدت من طريقها حتى تراها وجدتها تغفوا حقاً نظرت للاخرى بأستغراب ممزج بالصدمه قليلاً
-نايمه في الشارع ازاي كدا ؟
-ادينا هنشوف
وبدأت في ايفاقتها حتى استيقظت ناظره لها بعدم معرفه قليلاً وعادت للنوم مره اخرى
وقفت كنز متحدثه بتهكم وهى تضع يدها بمنتصف خصرها
-ممكن لو مش هنزعج حضرتك اعرف نايمه كدا ليه في نص الشارع
-عشان عاوزه انام
هتفت بها بلا وعي لما يحدث ولا لذلك المكان الذي تغفو به ويبدو من هيئه وجهها المنتفخ انها غفت بعد بكاء طويل
-هاتيها يا كنز حرام
-انتي متأكده انك تعرفيها اصًلا ؟ مين دي
-دي اخت جميله يا كنز مش فاكراها ولا ايه ؟
-جميله مين
ثم نظرت الي اسفل حامله جسدها نحو السياره واضعتها فوق المقعد الخلفي وعادت مره اخرى نحو مقعد القياده جلست ثم حولت بصرها لها لتستكمل ديمه حديثها
-جميله اللي كانت ساكنه جمبنا في البيت القديم قبل ما نيجي هنا مع طنط وفاء
-البنت الصغيره دي ؟ اللي كان عندها خمس سنين باين
-اه هى دي
-كبرت اهي
-يعني انتي اللي لسه صغيره ما كلنا كبرنا اهو
-ايوه بس انتي عرفتيها منين "ثم اكملت بتهكم"بتنجمي ؟
-يا خفه دمك كلمتهم من كام شهر كدا على النت ڤيديو كول وشوفتها
-ايوه بس برضو ليه كانت نايمه كدا معاكي رقم اختها ولا نروح على البيت على طول
-معايا ثواني
اخرجت هاتفها وظلت تعبث به حتى رأت اسمها ضاغطه عليه لعده دقائق ولم يأتيها رد فكررت الاتصال اكثر من مره وفي كل مره النتيجه واحده عدم الرد انزلت الهاتف من فوق اذنيها بضيق قائله وهى تنظر الي الخلف نحو تلك النائمه دون حركه
-مبتردش عليا
-خلاص نروح على البيت بتاعها
-ماشي يلا
-طب ورجلك دي والعيال اللي ورا دول
-مالهم ؟
-هتيجي بيهم ازاي ؟
-عادي يعني يا كنز هو انا هنزل
-لا مش عادي هروحك الأول عشان اللي ناموا ورا دول وبعدين هرجع انا بيها ، ايه نزلك اصًلا مش قالوا ممنوع الحركه نهائي
-مش انتي اللي زنيتي عليا لحد ما نزلنا
-وانتي اي حد يزن عليكي تسمعي كلامه كدا عادي مفيش شخصيه خالص
رفعت تلك الزجاجه التي بيدها نحو رأسها مشيره لها بتهديد -بالازازه اللي في ايدي وهفتح دماغك بيها يا كنز بلاش انا
رفعت حاجبيها بتساؤل:-
_بلاش انتي ايه ؟
_هفتح دماغك
_خلاص ياستي انتي هنجتي
ادارت السياره نحو منزلهم وتعود مره اخرى نحو منزل تلك الفتاه
