جميلة كالورد🌺

البارت ٥

كلت اريد من الورد🌷بس خاف مايقبلون...

بعدين كلت خلي اروح اسألهم بلكت يقبلون...
رحت وصلت يم الباب...دكيت الباب طلعلي شاب توترت نسيت شنوو ردت احجي هوة صافن عليه يريدني احجي...كالي تفضلي محتاجه شي...بلعت ريجي ووكتله اريد من الورد تقبلون اذا اخذ منهن...

كالي عادي اخذي بس تعرفين شون تقطعيهم اجي وياج اقطفهن الج...
كتله يي..اعرف شكرا لاتعب روحك...
كال العفوو...

رحت قطفت منهن وكعدت بصفحه كلت هذا الورد موو يستخرجون منه العطوور...

كبل خطرت ببالي فكرة كلت خلي اسوي عطر منهن
...بس شلون مااعرف...بعدين كلت خلي اسئل هذاك الشاب الطلعلي بس بنفس الوكت مترددة...
ضليت افتر بالبستان وشفت فراشه جبيرة وتخبل...
وجنت بس اشوف فراشه ..اركض عليهه اخذهه بيدي وبعدين اطيرهه ..
رحت ركضت عليهه وخليتهه توكف على الورد.. وكضيتهه..ضليت اباوع على جناحاتهه وابتسم بعدين لمحت شي بالبيت... درت وجهي على شباج البيت اباوع نفسه الشاب يباوعلي ويبتسم...يمكن يضحك عليه لان اركض ورة الفراشه...
بتسمتله ودرت... واحس كلبي وكف من التوتر...

اخذت نفس عميق ورحت دكيت الباب...

طلعلي هوة كالي عجبتج الفراشه ويضحك...

ضليت ما اعرف شسوي كتله اريد اسوي عطر من هذا الورد بس مااعرف شلون...

كلي شعرفج بالعطر...
كتله انتم موو تسوون عطر بالورود هذن...انه هم اريد اسووي...
كال احنه مانسوي بيهن عطر احنه نبيعهن وابوو العطوور يسوي عطر بيهن...كالي بس اعرف شون يتسوة العطور من هذا الورد...

ابتسمت وكتله صدك عفيه علمني...

كالي يي عادي اعلمج ليش لا...
كتله شكرا...
كالي بعدني مامعلمج حتى تتشكريني ويضحك...
كتله ليش تضحك...
كالي ليش ترديني ابجي...لا بس انته كلماا احجي تضحك...
يلا بعد ما اضحك عليج يحجي ويضحك...
غلست مارديت عليه...
بعدين كالي تعاي دخلي...كتله لامااريد علمني بالبستان...
كالي تعاي اعلمج بالمطبخ علمود الادوات...
طبيت البيت يخبببل😍 جنه من البيوت الي بالمسلسلات...

رحنه للمطبخ وضل يعلم بيه... اجت امه شافتني سألته منوو هاي البنيه الحلوة كاللهه تريد تتعلم تسوي عطر...ابتسمتلهه...كالت هلا بيهه بأي وكت...

كتلهه شكرا خاله...
بعدين راحت...
وضلينه نسوي بل العطر ومندمجين واخيرا خلصنا وسوينه عطر يجننن😍⚘...

كالي خلصنه وما ادري ليش هوه فرحان نفسي يمكن لان سوة انجاز😂⚘...
كتله شكررررا من كل قلبي لان علمتني...

كال عفوا تدلللين.. كالي شوكت ماتردين تاخذين ورد تعالي اخذي...

كتله صدك😮⚘...
كالي اي...
كتله تسلم يارب فرحتني🤗⚘...
كالي دوم الفرحه...