جميلة كالورد🌺

البارت ٤

كلت خلي ارجع للقطعه انام بيهه...وانه امشي وجعني راسي وحسييت بدوخه قوية ولقطات ما واضحه لحد ماطحت بالكاع وصار كللشي كدامي اسوود...

كعدت ورة ساعات....

اباوع نايمه على جربايه اجت بنيه شابه.. سألتني شنوو تحسين تحسين بألم...
كلتلهه انه ليش هناا...
كالت صار عندج اغماء حبيبتي وجابوج ناس لاكينج بالشارع طايحه...
كالتلي ماكدرنه نوصل الاهلج ماحافضه رقم احد كلتلهه لاا ...

كالتلي تندلين بيتكم...

هناا انه صفنت...واتذكرت امي وابووي وكلللشي تذكرت وضليت ابجي وهيه تحاول تهدئني لحد مانطتني ابرة مهدء ونمت...

ورة ساعه تقريبا فزيت من النووم باوعت للغرفه فارغه... ضليت افكر اكوول اذا رجعت للبيت راح يموتوني قبل لا احجيلهم لان مايدرون انه فاقدة الذاكرة من شردت وكبل نزلت دمعتي....

بعدين كلت هذا هوو بعد ما ارجع للبيت وراح اشوفلي حل والله يساعدني ان شاء الله...

دخلت الدكتورة...
كالتلي محتاجه شي... كتلهه جوعانه...جابتلي اكل اكلت وكملت اكل.. وكلت باجر الصبح اطلع اذا ماطلعوني اشرد من المستشفى...

نمت وكعدت الصبح...سألت الممرضة كتلهه شوكت اطلع كالت هسه تطلعين حضري روحج انتي تندلين بيتكم...

كتلهه اي اي اندله بس خلي اطلع...

بعدين طلعت من المستشفى وضللييت امشي وادبر روحي نفس كل مرة والفلوس الي انطاني ياهن عموو ابوو المكتبه كلللش فادني...

عبر اسبوع وانه على هاي الحالة...

ومشييت طرييق طوويل بحيث كملت منطقه...
نوب كلت خلي اعدل شعري لان ابد ما احبه مخربط ولو لحضه نزعت الشكاله شعري جان ناعم ابد مايعكش وحطيتهه بالكاع... لميت شعري كله وشديته وطلعت خصلتين من يم اذاني.. صرت كللش حلوة😍...

جاي امشي...
شفت اكوو بستان جبييييرة كلللش وكله ورد والورورد الوان بهذا البستان يعني البهجه نشرت على وجهي من شفتهه والجوو بوكتهه كلللش حلووو... رحت اركض على الورد🌻واشم بيه ريحته كلللش حلوة وبعدين شفت بيت يخببل بنص البستااان...

كلت اريد من الورد بس خاف مايقبلوون اخذ منه...
كلت خلي اروح اسئلهم... وصلت يم البيت دكيت الباب..طلعلي😍...

احتاج تفاعلكم رجاءا البارت الجاي كللش حلوو بس تفاعلوو وياي رجاءا❤