جميلة كالورد🌺

البارت ٣

ثاني يوم كعدت الفجر باوعت على المحل وبعدين رجعت نمت فزيت على صوت الباب جاي ينفتح انه طفرت...ضليت اباوع على الباب لحد مانفتح...
طب عموو...ردت روحي.. كالي صباح الخير عمو..كتلة صباح النور...

ملاحضه: راح اسمي الرجال (ابو كرار) هناا ورود ماتعرفه اسمه ابو كرار🤗.

ابوو كرار:من شوكت كاعده...
ورود:هستوني كعدت... ابو كرار:هاج هذا كيمر تريكي بيه.. اخذته وكتلة شكرا ضليت اكل بعدين كملت اكل...وردت اروح للحمام كتلة عموو اريد اروح للحمام.. ابو كرار: وين اوديج للحمام خاف تشوفج مرتي وبناتي ويضلن يحجن وانه مالي خلكهن...هناا حسيته تورط بيه وحسيت روحي ثكيلة عليه خطيه هوة ما قصر وياي اليوم لازم اطلع من محلة...

ابوو كرار:تعاي خلي اخذج لبيت جيرانه هاي خوش مرة...

طلعت وياه دك الباب وطلعت المرة مبينه خوش مرة.. كالت هلة خويه ابوو كرار شونك..العم هلة بيج انه تمام وانتي صحتج شونهه كالتله الحمدلله والشكر...

ورود:هناا عرفتهم بالمنطقه يسمونه ابو كرار.

المرة: محتاج شي ابوو كرار...كاللهه يي والله هاي البنيه تريد تروح للحمام...
المرة: اهلا وسهلن خالة باستني تعاي حبيبتي بدون ماتستفسر انه منوو دخلتني للحمام وطلعت..كتلهه شكرا خالة..كالت العفوو بعد كلبي..

ورود: شكد حبيت هاي المرة كللش طيبة نفس عموو ابو المكتبه..

عموو انه رايحه... ابوو كرار وين رايحه... رايحه ادور على امي وابوي... كاللهه وين تلكينهم... ما ادري عموو بس انشالله الكاهم بس فدوة عموو ادعيلي الكاهم... انشالله عموو تلكينهم وتجتمعين بيهم بس تعاي شوية... انطاني فلوس ودفتري وقلمي كتله شكرا عموو ماقصرت يلا انه رايحه مع السلامه عموو... الله وياج...

رحت امشي بالشارع وانه امشي شفت جامه عاكسه الصورة رحتلهه شفت شعري مكوش عدلت شعري صرت حلوة...طبعا انه ماوصفتلكم نفسي.. انه بيضه عيوني كبار وجنهن مكحلات وخشمي وحلكي صغيرونات شعري لونه اسود بي ذهبي يعني بالشمس يبين جني شكرة طولي زين لاكصيرة ولا طويلة يعني وي عمري ١٥ جسمي حلوو... كعدت اباوع الروحي بالجامه...

بعدين كملت ضليت امشي اكوو قطعه بعدهم مابانين بيهه بيت... رحت كعدت بيهه...
فجأة دخت وضل راسي يوجعني وتجي على بالي لقطات احس روحي شايفتهن بس ما اعرف وين..
ضليت كاضه راسي لحد ما راح هذا الالم...

كبل ما تحملت بجيت على حالتي وضليت احجي وي نفسي اريد اعرف منوو امي وابووي اكييد يحبوني وابجي حييل...

لحد ما سمعت صوت الاذان... تذكرت عموو ابوو المكتبة من يصلي..كلت انه هم اريد اصلي حتى الله يساعدني...
بس ما اعرف شون اصلي لاماي اتوضى لا مصلايه..

ضليت كاعده وافكر اكوول شراح يصير بيه انه ياربي فدوة ساعدني وضليت ابجي وادعي لربي حتى يساعدني..
صارت الدنيا مغرب وجعت كللش... باوعت على الفلوس الي نطانياهن عموو منطيني ١٠ الاف...

ضلليت امشي لحد ما شفت محل طبيت بيه لكيت بيه شاب كلي تفضلي...
رحت اخذت كيكه وعصير...
كتله اشتريت هذن رجعلي...
اخذ العشرة ورجعلي بس خمسه.. كتله رجعلي بعد كلي انتي مو شتريتي عصير وكيكه زادلج بس ٥الاف ...
كتله لا انه شتريت بس بخمسميه رجعلي بعد اربعة الالف ونص كالي امشي طلعي برة بعد ما الج فلوس مو رجعتلج ضليت ابجي...
كتله عفيه رجعلي ياهن اضل جوعانه اذا مانطيتني ياهن...
يباوعلي ابجي ويضحك عليه ويحرك بكلبي..

فجأة دخلت مرة كاللهه هلا يمه باوعتلي ابجي...
كالتله شبيهه كاللهه نطتني ١٠ وشترت بخمسميه ورجعتلهه ٥ بعد شتريد...

عاد هيه خزرته وكالتله ما تبطل من هااي سوالفك رجعلهه فلوسه لا اكل الابوك يعرف شون يطيح حضك...
كاللهه عليكفج عليه هيه كلهه بنيه اجت من الشارع قبل شويه عبرت وشفتهه كاعده بالقطعه..
كالتله رجعلهه فلوسه بسرعه..

يلا عمي راح ارجعلهه فلوسهه...
هاج تبجي علمود فلوس كبرتي انتي شوفي شكبراتج وتبجين جنج طفله طلعي برة يلا لا اطيح حضج بت الشوارع...

انه اخذت الفلوس وطلعت وانه ابجي ما اكدر اوكف دموعي شكد كرهته هذا الولد وهمزين نقذتني المرة...
كلت خلي ارجع للقطعه انام بيهه وانه امشي حسيت بدخوة وجع براسي كلللش قوي ولقطات ما واضحه ما اعرف شنوو هاي لحد ماتحملت طحت واحس كلشي كدامي صار اسود لحد بعد ماحسيت بشي...

كتبت البارت الثالث ومحد يعلق او يحط تصويت اريد تشجيع فدوة ترى ما راح تعبون😢🌸...