جميلة كالورد🌺

البارت ٢

ما حسيت بروحي ونمت وفجأة صار صوت عالي طفرت من الخوف... باوعت لكيت الضوة طالع واكوو
اصوات حجي ناس...
انه محد شافني لان نايمه بقطعه ورة البيت...

رحت امشي وصلت للشارع العام واباوع الناس تشتغل وناس بسيارات وناس تمشي وهوااي اكوو ناس...
ماعرفت شسوي وخايفه وكللش جوعانه وما اعرف شنوو اكل ماعندي شي...
ضليت امشي بلكت الكالي شي اكله ومشيت هوااي بعدين شفت نص صمونه يابسه ...ركضت عليهه من كد ماجوعانه ستطعمت بيهه... وضلين اتلفت منا ومنا بلكت الكالي بعد صمونه لو خبزة مالكيت...

كملت مشيتي والناس كلهه تباوعلي ما ادري ليش...
سمعت صوت اذان بالجامع... رحت امشي شفت الجامع هوااي ناس تدخل منه رحت وكفت اباوع للناس...
وحسيت احد حاجاني من ورة..... كبل كمزت ودرت ضليت اباوعله رجال سألني كلي وين اهلج وشنوو هاي براسج ..خفت ماجاوبته وسحبت روحي وركضت ضليت اركض وما ادري وين اروح والناس كلهه  تباوعلي وجنهم مستغربين.. وكفت فحطت حييل وضليت ابجي بصوت واتوسل بربي ياربي منوو اهلي ياربي...

بعدين شفت محل بس معزل رحت كعدت ونتجيت عليه وضليت ابجي لحد ماهدأت...
تذكرت من كال الرجال شنوو هاي براسج.. تلمست راسي واحس شي يابس عليه... كلت شنوو هاي كمت ضليت ادور على اي شي يعكس صورتي حتى اشوف شنوو البراسي...

رحت لكيت جامه مالت محل بي كتب وانواع الاقلام يعني مكتبه.. رحت على الجامه واباوع والكاه دم .....وكف كلبي من شفته وضليت ما اعرف شسوي...
رحت دخلت على ابوو المكتبه كاعد بيه رجال جبير كلي تفضلي بابا...
بعدين كال شنوو هاي بابا شبي راسج... كتله اريد مااي اغسل راسي...
كلي تفضلي نطاني ماي ودلاني كالي غسليه مناك على التراب...
رحت غسلت شعري وخرت الدم منه...
ورحت ردت اتشكر الرجال كتله شكرا عموو... كلي العفوو بابا بس كليلي وين اهلج...
صفنت كتله ماادري...
كال شون ماتدرين...
كتله كعدت لكيت روحي بيت ما اعرفه فتحت الباب وشردت منه...
هوة صفن وبعدين كال هسه شنوو وين راح تضلين بالشارع...اروح اكل للشرطه بلكت تلكالج اهلج...
هزيت راسي وكلت لا لا عموو اخاف من الشرطه فدوة لاتكلهم...
كلي يعني احسن تضلين بالشارع...زين ماتعرفين احد يعودلج
كتله لا... جرالي كرسي كلي تعاي كعدي...
كعدت وحسيته خوش رجال طيب...
شويه وكالي بابا هسه اجيج هزيت راسي بعنى اي...

راح واجه جايب علاكه نطانياهه وكلي هاج بابا اكلي وجهج اصفر صاير مبينه جوعانه انه فرحت وكتله شكرا عموو ماقصرت...
وكبل فتحت العلاكه لكيته جايب كيكتين ونساتل وعصيرين ضليت اكل... وكلساع ابتسمله وانه اكل... كملت اكل.. نطاني قلم ودفتر وكعدت ارسم واكتب والهي بروحي... صارت الدنيا مغرب وسمعت الجامع اذن... كام الرجال وكالي انه راح اصلي بالمحل يمج  هزيت راسي بمعنى اي... وهوة ضل يصلي انه نعست تجيت راسي على الرفوف مالت المكتبه ونمت...

وفزيت لكيته هستوة كمل صلاة...

كلي هسه شون انه شويه واعزل انتي وين ترحين...

كتله عادي عموو انه اروح اشوفلي مكان انام بي...

كلي شون ماتكليلي وين تلكين مكان...
كتله عموو اكوو جلاب بهاي المنطقه..
كلي لا ماكوو جلاب بهاي المناطق محد يخليهن يدخلن..
كتله معناتهه انه راح اشوفلي مكان انام بي...
شفته ضل صافن ومبين على وجهه محتار ردت اطلع وسمعته صاح عليه كلي تعاي نامي بالمحل عادي...

كتلة لا عموو ما اريد اتعبك وياي اكثر شكرا...
كلي لا عموو شتعب تعاي خلي اجيبلج فراش...

راح جاب فراش من بيته يصير بيته بصف المحل فرشلي الفراش وحطالي مخده وبطانيه... لان الجوو بدة يبرد كلي نامي هناا انه راح اسد المحل.. والصبح افتحه اذا تردين تطفين الكلوب منا... اشرلي على مكان النقطه كتله خوش عموو شكرا مقصرت والله...

كلي عفوا...
قفل المحل وراح... وانه حسيت روحي جعت كمت اخذت العصير الثاني ونستله واكلتهن ورجعت تدفيت بفراشي ونمت... صار ثاني يوم كعدت الفجر ضليت اباوع ورجعت نمت وبعدين فزيت على صوت الباب سمعته جاي ينفتح انه طفرت...

طبعا محد جاي يقرة القصه وحتى من اشوف هيج يروح واهسي اكتب قصه يعني لازم تشجيع 😥...