BONE-LAZY SYSTEM [ Owncreation ]

Arc 2 Part 2

ဇာတ်လိုက်ပီသစွာပင် ချောမောသော မျက်နှာကျနှင့်အရှိန်အဝါက သူများနှင့်မတူ တမူ ထူးခြားစွာ။ ဇာတ်လိုက်မကတော့ ဘယ်လိုလာဦးမလဲ မသိ။

ဒါဆို စစ်ဝူ ၀င်နေတဲ့ ခန္ဓာကိုယ်ပိုင်ရှင်ကရော ? သူသည်လည်း ဇာတ်လိုက်ရဲ့
ချောမောမှုကို မမှီသော်ငြား ဒုတိယဇာတ်လိုက်ဖြစ်သည့်အလျှောက် ချောမောလှပေသည်။ ယခု စစ်ဝူ ၀င်ရောက်လာတော့ ပို၍ပင် ချောမောသွားလေ၏။

တည်တည်တံ့တံ့နေသည့်အချိန်တွင် လူတကာ ငေးမောကြရပြီး ပြုံးလိုက်သည့်အခါတွင် လူတကာနှလုံးသားကြွေရလွန်းသဖြင့် သူ့ ( စစ်ဝူ )ကို
အပြုံးမင်းသားလေးဟုခေါ်ကြလေသည်။

ဒါဆို ဇာတ်လိုက်ကျိုးဟန်ကိုရော ? ကျိုးဟန်ကိုတော့ လူအများက တညီတညွှတ်တည်း ရေခဲမင်းသားဟုပင်ခေါ်ကြလေသည်။
သို့သော် ကျိုးဟန်ကို နှစ်သက်သည့်မိန်းကလေးအရေအတွက်မှာ
စစ်ဝူကို နှစ်သက်သည့်မိန်းကလေးအရေအတွက်ထက် ပိုမိုကျော်လွန်ပေသည်။

ဤသို့ဖြင့် ကာယအချိန်ရောက်သည့်အခါမှာ ဘတ်စကတ်ဘောဆော့ရန်
အ၀တ်များကို လဲလှယ်ကြရသည်။

အ၀တ်လဲခန်းတွင် လူအများကြီးမရှိသော်ငြား ကျိုးဟန်ကတော့ အ၀တ်လဲလိုဟန်မရှိသလိုပင်။ စစ်ဝူကိုပင် သူထိုင်နေသည့်ခုံဆီ ဆွဲခေါ်ထားပြီး
အ၀တ်ပေးလဲခြင်းမပြု။

ကျိုးဟန်ကြောင့်လည်း ဘတ်စကတ်ဘောဆရာဆီမှ အဆူခံရပေါင်းလည်း များပြီ။

စစ်ဝူက အ၀တ်လဲပြီးသွားတော့ သူ့ကိုစိုက်ကြည့်ဆဲဖြစ်သည့် ကျိုးဟန်ရဲ့အကြည့်တို့ကြောင့် ကြက်သီးထလာသည်။

ကျိုးဟန်က စစ်ဝူရဲ့ရင်ဘတ်ကို ငေးကြည့်နေရင်းရုတ်တရက်ဆိုသလို
" ငါ မင်းရင်ဘတ်ကိုကိုင်လို့ရလား ? "

စစ်ဝူက ကြောက်လန့်စွာ သူ့ရင်ဘတ်ကို လက်နှစ်ဖက်ဖြင့် အုပ်လိုက်ကာ

" မင်း ရူးနေလား ! "

* မြတ်စွာဘုရား ! ဒီဇာတ်လိုက်လည်း ဟိုကမ္ဘာကကောင်လို တစ်ခန်းလွှတ်နေတာလား ? *

ကျိုးဟန်ကတော့ စစ်ဝူရဲ့ရင်ဘတ်ကို ကိုင်ခွင့်မရလို့ ငိုမဲ့မဲ့မျက်နှာလေးနဲ့။

* ငါကတော့ မင်း ဒီလိုမျက်နှာလာလုပ်ပြနေလည်း ဘယ်လိုမှ ကိုင်ခွင့်မပေးနိုင်ပါဘူးနော် ! ဆောတီးဘဲ ရမယ်။ သားကြီးရာ။ *

" မြန်မြန်အ၀တ်လဲ ! ငါတို့နှစ်ယောက်ဘဲ နောက်ကျနေတာ။ ကျန်တဲ့လူတွေ
သွေးပူလေ့ကျင့်ခန်းကို စလုပ်နေလောက်ပြီ။ "

စစ်ဝူ သူပြောလို့တောင် မဆုံးသေး၊သူ့ရှေ့မှာတင် ချက်ချင်းအ၀တ်လဲပြီးသွားသည့်
ဇာတ်လိုက်ကြောင့် ဆက်ပြောစရာစကားတောင် ရှာမတွေ့ဘဲ ဖြစ်သွားသည်။

" ငါ အ၀တ်လဲလို့ပြီးပြီ။ သွားကြရအောင်။ "

* အစ်ကိုကြီးရေ။ မင်းမှာ အလင်းလို Speed နှုန်းနဲ့ အ၀တ်လဲနိုင်ရင်လည်း
ဘာကြောင့် ငါ့ကိုပါ ဆွဲထည့်နေရတာလဲ ? အခုတော့ ငါတို့ ဘတ်စကတ်ဘော
ဆရာကြီးဆီမှာ အဆူခံရဦးမယ် ! *

[  S/H note_ကျိုးဟန် စစ်ဝူရဲ့ရင်ဘတ်ကိုင်ချင်တဲ့အခန်းကို ကိုတောက်ပနဲ့
ကိုဝင်းမောင်တို့နှစ်ယောက်ရဲ့ scene ကိုမြင်ယောင်ပြီးရေးမိ။ 😂 ]