الوفاء بزمن الرذيله

٦..الوفاء بزمن الرذيله

اتصل بيه محمد
كافي حبيبتي لزعلين حالج وعيونج اجي مره ثانيه وثالثه اذا اطلب الامر

لامحمد بابا سواها ويايه شغله اعناد شلون رفضت ابن اخوه وهو جان رايده
مافكرو بيه اني المن اريد والمن اختار اهم شي مصالحهم حتى لو ع حساب سعاده غيرهم
اوك حبي باي

واني لصبح ع كعده الوحده وع بجيت الوحده ندكت الباب عليه ثاني يوم الظهر واني يومين مماكله شي كمت اطوطح مثل السكرانه كوه اشوف الطريق كدامي افتحتها وشفت بابا ابوجهي اريد اكله ليش جاي احجي بس ما اسمع صوتي يطلع من حنجرتي

انتي ليش حابسه روحج بالغرفه ومحابه تاكلين تردين اتموتين

ميخصك انت هاي روحي مو روحك
كوه اشوف الكدامي داحس الدنيا سراب وماحس غير براشدي طير اذني من مكانها
واني منهاره
وكعت من طولي ومفتحت عيني غير واني بالمستشفى

ماما ..ولج هاي اسويتي بروحج يمعزايه هيج تردين اتموتين علمود واحد ميسوه اظفرج

باوعت المغذي معلك بيدي واني بالمستشفى واسمع امي تحجي عليه
كافي يوم ماريد اسمع شي منكم عنه كافي ارحموني كافي

ولج تردين تنتحرين علموده وتخلين روس ابوج واخوتج بالطين

كااااااااافي كااااااااااااافي بس اعيط انهاريت كمت اضرب براسي واريد اشلع المغذي من يدي
اجالي الدكتور
وكاللهم ..البنيه عدها انهيار عصبي ياريت تتركوها الحالها

وبعد ثلاث ايام بالمستشفى طلعت البيتنه
مقبلت اروح ردت اروح ابيت اي واحد من كرايبه حتى لو جان بيت عمي عمر بس والدي مقبل

ورجعت الغرفتي وهم حبست نفسي بين اربع جدران ما اشوف ولا اسمع الاحد حتى اخوتي ابتعدت عنهم لان ما وكفولي وصارو الي مثلا الاعداء

واني ومحمد يوميه نتصل ونكضيها بجي وكل ما اكله تعال يكلي اجليها خلي اتفوت فتره ورجع اتقدملج
صدكي يانور احنه محسودين

منو محمد اليحسدنه
حبيبتي بنات الجامعه يحسدوج عليه وشباب الجامعه يحسدوني عليج

هههههه والله ضحكتني واني مالي خلك لضحكه

يمعوده ضحكي شورانه

اشو انت ماخذ الامور ابساطه واني دمي محترك

ياعمري انتي الي وعيونج بس ظلي انتي مصممه عليه وظلي لعبي دور التعبانه والمنهاره والعصبيه حتى يبزعون وينطوج الي

وبعد ثلاث اسابيع من خطبتي الاولى هم اجه محمد وياه صديقه وبس
وهم ابويه رفضه

وبعد مرور شهر ونص هم اجه محمد بس وياه اثنين زلم معكلين ما اعرفهم

وجان رفض ابويه هو سيد الموقف
بس هالمره محمد مسكت وكام يعيط بنص البيت وطلع لشارع يعيط
والجوارين سمعوه
حسيت ابلحظتها فعلا انفضحت بالمنطقه
واكو كم رجال دخلوا بابا واخوتي للبيت لان صارت عركه حيل جبيره كدام الناس بين اهلي ومحمد
واحد من اهل المنطقه حجه ويه ابويه
يابه اذا هو شاري بنتك انطيها خلي يزوجون