جميلة كالورد🌺

البارت ١

السلام عليكم اول مرة راح اكتب قصه ان شاء الله تعجبكم🌸...

هلوو انه اسمي ورود عمري ١٥ سنه بصف ثالث متوسط احب صديقاتي كلللش لان هنه اكثرر شي يفهمني😕...
عندي عائله متكونه بس من ابوي وامي ماعندي لا اخت ولا اخوان...
واتمنى يصير عندي بس هذا شي مستحيل بالنسبه الاهلي ابوي دائما عصبي ومايتحاجه والي يحاجي يتورط وامي هم ما تتحاجه واحس روحي بعييدة عليهم بالسنه حسنه اشوفهم شويه يضحكون وياي لو بس يبتسموون اطيير من الفرح بس للاسف مكضينهه بس مشاكل☹...
من جنت زغيرة لحد هسه اتمنى يصير عندي عائلة نفس عائلات صديقاتي يحبونهن يهتمون بين... بس الحمدلله على كل حال دائما اكول الله يفرجهه بمرور الوقت وان شاء الله تفرج...

ويوم من الايام رجعت من المدرسه رحت اكلت وغسلت الماعين....
واجه ابووي عصبيي فوووول😠😠 وبس يصيح على امي وامي ردت عليه هجم عليهه وضل يكتل بيهه انه ركضت ردت افك امي منه كضاني وركع راسي بكلل قوته بالحايط ما حسيت بشي بعد وكبل كلشي صار اسوووود كدامي......

ورة ساعات كعدت... ضليت اباوع انه وين ومنوو انه وشنوو هذا البيت... ركضت فتحت باب الغرفه وراسي يأذيني كللش.. كضيت راسي حسيت اكوو شي يابس على راسي بس ما هتميت...
ركضت شفت باب جبير فتحته وطلعت للشارع بس ارررركض وبدون اي تفكير ما اعرف شصار بيه... وبوكتهه جان
الشارع هدوء وبليل بس يريد يطلع شويه ضوة وبس اصوات العصافير بس بوكته انه ما اعرف شجاي يصير وياي ومنوو البيت الجنت بي...

ضللييت اركض وماحسيت برجليه وركضت لحد ما فحطت كللش...
وضليت ابجي وما اعرف شسوي وماجاي اتذكر شي ضليت احجي وين امي وابوي اباوع على الشارع محد بيه (لان وكت الفجر لذلك محد بيه الشارع)...
رحت ضليت امشي وانه خايفه ولكيت قطعه زغيرة ورة البيوت رحت كعدت بيهه وراسي كللش يأذيني وبس ابجي الحد ماحسيت بروحي ونمت...
فجأة صار صوت😦...

طبعا اذا تريدون تضيفون فد حدث لقصه كلولي وانه  اكتبة🌸👍...