لانها اختي

لانها اختي بارات الأول

المديره :- ملاك روحي جيبي جنطتج والبسي شالج راح اطلعين بنتي

لمن كالت البسي شالج انتبهت على نفسي كنت لابسه زي مال دوام
صدريه رصاصي وي قميص وردي مفتوحة اول دكمتين 

لأن صيف وحاره واني بسرعه اختنك وصفوفنه حاره تكتل

وكنت لابسه الكلاده صايره مثل خناكيه بس بارزه دوم احب اخالف والبس اكسسوار ومن يريدن ياخذنهن انزل كم دمه واكول ست ذهب

ويغلسن ما ياخذنهن استغربت ليش ما رزلت مثل كل مره وما حجت عني واني متاكده شافتها وانتبهت عليها

شعري مسويته ضفيره هنديه كعدت امي من صبح سوتها الي من بدايه راسي وهوه طويل الحد نهايه ظهري

فزيت ع كلامه

نيار ؛- يلا ملاك بسرعه انتظرج

اترخصت من المديره ورحت للصف وإني افكر شنو صاير اكو شي أي اكيد اكو شي اذا ماكو ليش يجي ويطلعني ‎ليــش ما اجا حامد ؟ او حسن ؟ ليش نيار ب ذات اجا !!

دخلت للصف

ملاك :- ست اهلي اجويه وراح اطلع

....ماشي أخذي ألجنطه

رحت الم ب كتبي واطلع الشال منى يمي

منى ب همس :- شصاير

ملاك :- نيار هنا راح يطلعني مدري شنو صاير وليش دازي هوه مو واحد ثاني

فتحت منى عيونها على وسعهن

ملاك :-  نيار نيار  ابن خالج الي خابصتني بي شيريد

المدرسه :- ملاك انتي راح اطلعين لا تشوشين تفكير صديقتج
وتخليها ما تفتهم الدرس وبعدين ب الامتحان تكولن ست الماده صعبه
أو ست انتي ما تشرحين زين

همست المنى قبل لا اطلع

خابريني لمن تحلين وعود ب وقتها اشوف شنو صاير واكول الج هسه ما ‎أ؏ــرف شي

طلعت من الصف رحت للحمامات بسرعه لفيت شالي ع سريع وطلعت

رحت لل إدارة كان طالع نيار بره انطتني المديره ورقه انطيها للحارس حتى يسمحلي اطلع

كان هوه ب سيارته كاعد لونها اسود نفس العاده لون اسود الي ما يتخله عنه ابدا ولازم يكون موجوده ب كل لبسه يلبسها او شي يشتري

صعدت يمه ب صدر وعفت جنطه مالتي ورى نتر بيه

نيار :- هاي مديره هي هيجي مكروها لو شنو

ملاك :- لا هي هذا طبعا بس ما كتلي شكو شنو صاير ‎ليــش اجيتلي ؟؟ ترا خوفتني

نيار :- ابن عمتج  حمزه استشهد

ملاك :- عزا العزاني مات مااات شلون وشوكت قبل ساعتين مكان اكو شي وانت كل هذا الوقت ليش ما كلتلي شنو ب حلكك عظم ‎غــير تحجي