رجاء لا تحرموني من تفاعلكم
هالشي يشجعني اني استمر
اكيد نصيحتكم تهمني ونقدكم
يحسن من كتابتي اتمنى دعمكم
_. _. _.
اجه الليل وغيرو الضمادات وبابا اجه
ياخذني اني وماما ولولو وطبعا خاله
رفيده ( ام ستار)البقت وياي طول ما اني بالمستشفى بقت يمي حتى مقبلت
ترجع للبيت
ما اعرف اول مره اشوفها تبتعد عن
عمو حمزه
وصلنا للبيت وماما رادت تهلل ههه
بس بابا لحك عليها باخر للحظه
وسكتها ههه
طبعا احنا متنا ضحك وهيه ضاجت تكوله
اريد اريد افرح بنتي طلعت من المستشفى
وبده مناكر مالتهم
ام ستار/ نورتي يمه بيتج ان شاء الله
طلعين منه على بيت زوجج
انتصار/ لا عيني بنيتي ما ازوجها
بطلت اريد اخليها طول العمر كبال عيني
جعفر/ لا هاي الناقصه ليش شكد راح دوميلها
انتصار/ بيش متفاول عليه
لولو/ ها بديتو نكار اني هاخذ اختي ونرجع للمستشفى
ههه ضحكنا كلنا على كلام لولو رحت اني للغرفتي حتى ارتاح لكيت بابا مغير
كلشي بيها ومشتريلي غرفه جديده
عوضا على سلامتي حتى ستائر جدد
كولش فرحت طرت من السعاده
غرفتي بطابق ارضي بصف غرفه ماما وبابا
هالشي ساعدني اني ما اتعب
بصعده ونزلت درج مثل لولو
لولو حبيبت قلبي اتغيرت وياي
مو لولو حجيت الكم عنها قبل
صارت ولفيه وتحبني هواي ندمت وحسيت بذنب اني ما تقربت منها
صح اني جنت احاول واحاول بس
هيه جانت صدني يمكن سبب هالشي مصطفى
اه ياربي شكد مشاكل صارت جنت طرف بيها بس مو سبب اخذت مني صحه وسعاده وايام عمري
ماريد اضوج ولا اضوجكم بهل كلام خليكم
فرحانين وياي
شوفو غرفه شكد حلوه شكد حلو هذا الاحساس تجون تلكون غرفتكم كلها متغيره
عافوني أهلي بغرفتي وطلعو
يرتاحون
طبعا الاحله من هيج خاله رفيده
قررت تبقى يمي للحد ما اتحسن
ويرجع عمو حمزة...
هما مو غريبين علينا يصير ابن عم بابا
وخاله رفيده صير اقارب بابامن بعيد وهيه صديقه ماما الروح بروح
وهم جوارينا وهيه مربيتني من زمان
ربيت اني وستار ربينا سوه ..
اوف ستار شكد مشتاقتله كنا انتيم
كنا دائما سوة للعبنا دراستنا مناكرنا
كنا من نطلع من مدرسه واحنا صغار
واحد يضوجني بطلعه كان يتعارك وياهم
ودائما ينكتل ههه
بس اني ادفع عنه وهم يلوحني طشار العركه واحصلي دفره ههه
الله شكد حلوة هذيج الايام
جنت متونسه اضحك واللعب
ماعرف شي اسمه حزن او هم
كبرنا وكملنا ودخلنا متوسط ونفصلت
مدارسنا مو مختلطة
بوقتها ضل هواي ميداوم يريد يرجع
وياي واني نفس حالته بس طبعا ميصير كنا كولش متعلقين واحد
بثاني بعدها انتقل محمد للمنطقه
هو واهله ..
وتعرف ستار عليه وهون عليه هواي
وبما إنا جيران وايام قبل مو مثل هسه
قبل كان الجار اعز من الاهل
تلكه جارك واكف الك قبل الاهل والاقارب ...
كانت طلعتنا سوة سفراتنا سوة
ومن يجي شهر رمضان سحور وفطور
كل يوم يم بيت
وشمحلا المحيبس بالمحله
اه راحت هذيج الايام كان الجار
ينام وبابه مفتوح مأمن بين اهله
وناسه
خاصتنا محلتنا كان الغريب من يدخل
الف واحد يوكفه ويكوله ليش
هنا وتريد منو كنا نحمي نفسنا بنفسنا
قلب على قلب ويد وحده
الحمد لله هسه هم منسينا عادات
بس مو مثل الاول
آه اليوم غريب قلبي يدك سريع
واذكرت ايام زمان احس نفسي
فرحانه هواي وفرحتي مسايعتني
اي ماريد ادوخكم تعبت اريد انام
اشرب دوة وانام لان بديت اتالم
ياربي ماكو ولا قطره بطل مخلص
خاله خاله
لا خاف عيب يمكن نامت
بس هيه كالت انام يمج
ياربي شسوي اصيح عليهم
لو اروح اني نوب جسمي كله
يوجعني اويلي يمه
يارب ساعدني اآآه آآآه
اويلي يابه اوف
راحت روحي يربي
آآه استغفر الله استغفر الله
يارب اجعلها كفاره ذنوب ....
يربي وين عافوني وراحو......
يربي وين عافوني وراحو
جعفر/ رفيده حمزه شبيه شنو يعني
يكول رايح وبعد ما ارجع مثل ابني
نوب اكله ومرتك يكول هيه سبب خراب
حياتنا
ام ستار/ ماكو شي هو مصيره يرجع
جعفر/ رفيده سمعيني انتي اقاربي ومني
وبيه وما عندج احد من اهلج كل بقه منهم
بالعمارة
يعني اني هنا اهلج وعزوتج وجارج هم
اذا مكوليلي المن كولين يا مره
انتصار/ اي والله جعفر عنده حق انتي كم ساعه
مكدرين بدونه بياته بره البيت مكدرين الا هو وياج
شنو خلاه اسبوع عايف البيت وطالع نوب ماقبل
يرجع .
جعفر / رفيده احجي ريحيني بلكت نكدر
نلكه حل يرجعكم
ام ستار / ما اظن ...ظنتي حمزه مثل ستار راح
بعد والروحه روحه هاي اني كلهم يرحون ويعوفوني..
جعفر / انتي كنتي سبب بروحه ستار مو ؟؟
ام ستار / لا لا والله شلون .. شلون أبعد عني نظر عيني
غصب عني راح
راح مكدر يشوف أخ..
انتصار / شنو ...؟
جعفر / احجي رفيده زيحي عن قلبج خل نعرف
شلون نساعدج
ام ستار/ هو سر كلما طلع هذا السر وعرفه واحد
راح وابتعد بعد ما ضل عندي احد بس هيه
ماردها تعوفني مثلهم
جعفر/ منو هيه ؟؟؟
انتصار / رفيده احجي شبيج قابل احنا غربه
ام ستار/ القصه طويله حيل.
جعفر / احجي خويه احنا وياج للصبح
بس ريحي قلبنا .
ام ستار / سري صار وياي من سنوات كبر قبال عيني
قبل ٣٠ سنه يمكن اكثر بشويه اجاني ستار ومله عليه
الدنيا اني وحمزه جنا فرحانين بيه خاصتا اجه بعد سنتين من زواجنا
YOU ARE READING
المنحوسة
Romanceيحقق في قضيه خطفها ليقع الضابط في حبها من تلك ؟نعم انها المنحوسة قصه باللهجه العراقيه
