المنحوسة

الجزء الاول: البارت الاول

هاحجيلكم قصتي اني المنحوسه ههه قصدي تقى طبعا هاكولون ليش اكول على نفسي هيج بس صدقوني مو اني هما  سموني هيج وخلوني اصدك هالشي ...
امي واختي والجيران خاصتا خاله ام ستار اوف موتتني 😥
قصتي اني عايشه ويه امي واختي لولو  هيه اسمها علا وبابا  بس بابا  مو دائما ويانا لان يشتغل بالبصرة اني عمري 29 آي 29 اكيد هاكولون هاي كبيره وخاصتا إذا بعدني ممزوجه...
هاي ماما اسمعوها بس تصرخ وتريد كلشي  جاهز
وطبعا أختي لولو كلشي مسوي عابده  السطح مصاحبه ابن الجيران مصطفى اوف شكد اكرهه مشكلجي  ويسوي مشاكل وبس يسمعني كلام ويعاكس.
المهم اني كبيره بالعمر خلصت عمري ادرس طبعا كانوا يجوني عرسان بس اني ارفض ازوج ومرات اوافق بس مصير قسمه
حتى خاله ام ستار اقاربنا تعرفوها كول انتي ملبوسه ملبوسه يعني بيه جني ههه ومرة كالتلي انتي اكو جني عاشكج طبعا اني ضحكت هههه
إذا ادمين مطايقيني  جني يعشقني
المهم ما اضم عليكم اني معجبه بشخص اي معجبه بشخص ليش مستغربين صح اني كبيرة بس هم عندي قلب ومشاعر وأحاسيس الحب مو حرام
دام الحب بحدود متغضب الله عز وجل
وخاصتاإذا الشخص المعجبه بيه مثل مهيمن اي اسمه مهيمن دره مال الله مو هيج يكولون..
مهيمن ابن حوالينا طبعا اصغر مني
كولش حباب وأخلاق
عينه ميرفعها من الأرض ساكن بالبيت البصفنا هو والدته طبعا هو مصور ويشتغل بمحل مصطفى..
مصطفى مو مصور  بس هو شتره  محل وخله مهيمن بيه...
هسه اكيد تردون تعرفون شلون اني نعجبت بمهيمن
بيومها جنت طالعه اريد اقدم على تعين بمصرف الرشيد مو اني خريجه مخلصه ماجستير اداره واقتصاد شفتو حظي كل هذا وماكو تعين والي كانوا وياي صارو مدراء عرفتوا هسه ليش يسموني منحوسه وبعد وبعد هاسولفلكم عليه
مهم مرة طلعت اسوي صور حتى اقدم على تعين
لان نكسر ظهري من الخياط ها صدك اني مكتلكم
اني اشتغل بالخياط واسوي موديلات واخيط كلشي بنفسي اصير مصممه ازياء بس وين يا حسرة....
المهم نرجع السالفتنا كل ما اسوي فايل اروح استنسخ يم مهيمن واصور لحد محفظني مرات اروح إله الكاه محظرهن هالكد محفظ مستمسكاتي بحاسبته ومرات ميقبل ياخذ مني بس اني اصر
عليه وبدت سالفتي هنا
تقى/ ياربي فوك ضيم الخياط وضيم البيت النوب غسل الملابس  الصبر يارب
مصطفى/ اوي فدوة القلبج رقصي
وفرحيني حياتي ...
تقى/ عزا بعيني هاي منو ترقص هاي عليه
لولو/ حبيبي استحي ههه
تقى/ يا متستحي هاي جاي سون
لولو/ كلشي ماكو اجيت عشر ملابس
تقى/ لج يا ملابس اول تالي سويلج شغله
ثانيا هاي الملابس توني صعدتهن والشر ملابس تتمرقص لابن الجيران...
مصطفى/ هاي شبيج اكلتينا حاصل فاصل اصلا
اني توني صعدت
لولو/انتي مالج دخل و شنو حتى تحاسبيني
تقى/ امشي لا اطيح حظج دماغ سزز ممأدبه
لولو/ إلا اكول لماما عليج اهى آهى
تقى/ وانت يالمحترميالمحترم مو عيب عليك متستحي
مصطفى/والله لو لبالي ترضى عليه وتحن اعوف كل هالسوالف تقاوي
تقى/ اسمي تقى تقى وبس وهسه انكشر منا لا الم عليك امه محمد كلها
مصطفى/لج اني مصطفى منو يكدر يوكف بوجهي
اكسر رأسه وادوسه بالبرجلي
تقى/إذا محد يوكف بوجهك اني اوكف بوجهك
مصطفى/انتي نقطه ضعفي بهاي الدنيا
الوحيدة الما اكدر اكولج على عينج حاجب
تقى/ صدك متستحي صوجي اني واكفه وياك
يا مغبر
مصطفى/مع سلامه حياتي امحح
تقى/حيوان
مصطفى/ميخالف مقبوله منج باجر تحنين
....
بعد الصار نزلت جوة حتى اكول لماما الصار
واخليها اضب لولو شويه لان حيل تصرفاتها محلوه
وتفاجئت بالصار
انتصار/ تقى ... تقى وج غضب تقى
تقى/نعم ماما اجيت ... ها ماما زين لحكت عليج
شفتي ماما بنتج ما ممأدبه
انتصار/اش اني بنتي مأدبه انتي بين عليج الكبر
مو عيب سوين هيج باختج وابن الناس
تقى/ شكو ماما صاير تره انتي فاهمه السالفه بالعكس خل افهمج
لولو/ لا مو بالعكس انتي صعدتي شايشه وتأففين
من الملابس ودعين علينا عود اني صعدتت اساعدج وشفتيني اغني وفرحانه حسبالج جاي اركص
وماما شافت مصطفى صعد يشوف الواير مال اريل وهيه تخبلت كولي ترقصيله وكامت تصرخ عليه وعلى الولد اهى اهى
انتصار / كافي ماما كافي حبيبتي
وانتي مو عيب عليج تغارين من اختج الصغيرة
وحده البعمرج تلكين عدها بنيه بكدها وانتي
شاده وياها
تقى/خلفله عليج ماما هاي المرجيه منج
انتصار/ تعاي اخذيلج راجدي وحسبي عليه
فد مرة قليله الأدب انقلعي منا يلا
ساعه السودة شوكت يجي اليوم واخلص من وجهك...
تعاي ماما لولو خل اعوضج ونروح للسوك ام ستار كول ابو نزار منزل خوش بضاعه
لولو/صدك ماما ثواني وتلكيني جاهزة
انتصار/مو تخليني انتظر هواي
لولو/ لا ماماتي ثواني بس ....
....يتبع