المنحوسة

الجزء الاول :البارت التاسع _العاشر

___________ البارت التاسع___________

_مر الوكت واني نايمه وخاله ام تقره عليه قرأن هديت وحسيت بسكينه
يمكن بداخلي رفضت اكون ضعيفه مره اخرى ونويت اتغير واخلي حد لكل شخص يحاول يقلل من شأني او يسيئلي
بمكان قريب احد الاشخاص عزم يطوي صفحتي من كتاب حياته ويبدي بدايه جديده ويه اهل بيته
بمكان ابعد شخص ثاني قرر اكون بين اسطر حياته باي شكل من الأشكال

..........

ام ستار/ ها ان شاء الله هسه البس عباتي من توصل اتصل بيه حتى اطلع بالباب
ابو ستار/ ان شاء الله عيني مع سلامه

اه شوف هاي اني وام ستار صالنه ٣٥ سنه مزوجين شكد نختلف ومرات نعصب بس مافد يوم طلعت من البيت
غضبانه على الرغم هيه لسانها محد يتحمله بس شايله قلب طفل ابيض
محمد/ الله يحفظكم للبعض ويطول عمركم ويرجعلكم ستار بسلامه
ابو ستار/ اه ستار بعدك تذكر ستار ستار راح وبعد ماكو شي اله قيمه هنا يرجعله
محمد/ لا عمي انت وخاله الخير والبركه
ابو ستار/ ههه هذن السوالف ميمشن بالخارج الخير والبركه بالعايشين هنا يعرفعهن ويعرف قيمتهن بس ستار نسه اهله ونسه ناسه ارضه وطنه وطبع بطبايع الاجانب
محمد/ لا بد يجي اليوم ويحس انه مااله غير هالبلد وغير اهله
ابو ستار/ ابني خلاص ستار حب هناك وعيشه هناك واستقرار هناك
اني هم ما اتمنى يرجع هنا الاوضاع تعبانه وهو وحيدي اتمنى اشوفه بس
احضنه امشي وياه بالمحله واكول بعالي صوتي ابني رجع رجع لابوه وامه ومنكر تعبهم ..
صديقك يا ابني قسى قلبه ما منه رجعه بعد .
محمد/ الل يهدي النفوس ان شاء الله
ويرشده للصواب
ابو ستار/ امين امين
يلا وليدي وصلنا حمد لله على سلامتك
ادخل لبيتك ومرتك
محمد/ الله يسلمك بس..
ابو ستار/ لا تتردد ابني خليك رجال بقوتك وبعطفك ابني الكلمه الطيبه صدقه
حبها حتى هيه تحبك
اعطف عليها حتى صير طيبه
ارحم ضعفهت حتى صير قوتك

محمد/ اني اشكرك عمو
ماعرف لوما انت كان هسه صار بحالي
ابو ستار/ الشكر لله ابني  انت مثل ستار اشوف صاحبك بيك
ادخل لبيتك وفرح اطفالك
هاك الزم هاي علاكه بيها عشه
ادخل اتعشه انت واهل بيتك
انت متعشيت
محمد/ االه ينطيك العافيه ان شاء الله
ابو ستار/ اوليدي صفحه تقى اكلبها وافتح صفحه منتهى مرتك ام مرتضى وذو الفقار سندك وصيتك بهاي الدنيا
محمد/ ان شاء الله مع سلامه
ابو ستار/ الله وياك اوليدي

ها ام ستار يلا طلعي اني بالباب
ام ستار/ ان شاء الله عيني جايه

يلا دادا اني اروح ابو ستار بالباب
انتبهي لبناتج انتصار
انتصار/ وين رايحه كان بتي يمنا
ام ستار/ من يوم يومي ممسويتها وبايته بمكان من دون ابو ستار
ثانيا اني متعوده على مجيني
وان شاء الله باجر من النجمه امرلج
انتصار/ الله وياج عيني بسلامه

ام ستار/ ها حمزة الله يساعدك عيني اتاخرت عليك
ابو ستار/ هله مهجه قلبي  على راحتج حبيببه
ام ستار/ ههه مهجه قلبك وحبيبه امم اكيد اكو اخبار حلوة
ابو ستار/ ان شاء الله بعلج موجود وماكو اخبار حلوة مو عيب
ام ستار/ ههه بعلي هم دكولي صار سويت ويه محمد والله قليبي مأذيني على هالولد
ابو ستار/ كل خير ان شاء الله الحمد لله  قنعته بفضل الله
وراح يسد صفحه تقى ويشيلها من باله
ام ستار/ صدوك حمزة معقوله !!
ابو ستار/ بس انتي كولي ان شاء الله هو صح صعبه بالبدايه بس لخاطر بيته وجهاله لازم يحاول
ام ستار/ لعد منتهى شراح يسوي وياها
ابو ستار/ رفيده مو كتلج حننت قلبه عليها يوم التحنين عليه
ام ستار/ ابو ستار شوف كدامك لا تروح تدعمنا كافي اليوم مرت على راسي مصايب كومه
ابو ستار/ فكريه انتي مال غزل مال عزا فوك راسج
ام ستار/ اني ..!! اني مال عزا انت مو صوجك صوجي اني جاي اخذ وانطي وياك بالحجي
ابو ستار/ دانزلي فتحي الباب خل ادخل السياره
ام ستار/ والله الباب كبالك وسياره جواك التريده سويه بيدك
ابو ستار/ يا رفيده ولج رفيده منا الناس ما اكدر اصيح رجعي فتحي الباب
اوف هسه راح انزل افتح الباب وحدي وادخل السياره اني صوجي الا اخليها ضوج بلا شي هيه خبالات
... يتبع