المنحوسة

تزداد ألاوجاع ويقتل التجاهل : بارت _ 2_3_4

__________ البارت الثاني ____________

               
تقى/ ليش هيج ياربي شنو السويته وغضبت عليه اني بشنو اذنبت شنو هالعقاب تعبت هواي تعبت ياربي اذا كان امتحان خليني اجاوزه واذا كان بلاء صبرني عليه يارب والله تعبت من الهانه ومن الذل حاسه عايشه بجحيم صبري نفذ
يارب انت مو كلت " لا يكلف الله نفسا الا وسعها " يارب ليش اني هيج لا تهنيت بدراسه  ولا باهل لا بتعين لابزواج خلص عمري بالشكه وفوكاها يعايروني اقرب الناس الي ويتبلون عليه بالباطل اهى اهى

.......

حيل تأثرت بالصار بهل اليوم انصدمت من كلام ماما وحقاره لولو مصورتها هالدرجه لئيمه طبعا بابا مكان موجود وهو حتى لو كان موجود مراح يسوي فد انجاز يذكر ...
للعلم بابا حيادي ولو يشوف دنيا تنكلب ميدخل نفسه ودائما مخلي مجريات الأمور بيد ماما وبما انها بيد ماما يعني بيد لولو لان ماما هواي تحب لولو تعرفون اخر العنقود ومدلله بس هيه كانت اكثر من مدلله بحيث ماما مشوف كدامها الا لولو وطبعا على الاغلب مشايفتني ولا حاسه بيه 😔
بعدها نسيت السالفه مر اسبوع ورحت للمهيمن اسوي فايل كالو اكو تعين على مصرف الرشيد بدلت ورحت وطبعا لان حظي قليل كلت خل ارتب نفسي بلكت الله
ويقبلون يعينوني اذا شكلي شيك

تقى/ صباح الخير مهيمن هاعيني
بشر كملتهن

مهيمن/صباح الورد اي عيني هاي كلهن كاملات وخليتهن بفايل هم تدللين
تقى/ تسلملي واني اسفه كعدتك من الصبح بس والله يادوب البارحه باليل عرفت وجنت انت معزل واليوم اخر يوم للمقابله

مهيمن /لا عادي اصلا اني جان بالي اجي من الصبح اريد انظف المكتبه كلها تراب من جو البارحه

تقى/ ههه اوك لعد هذا الحساب عيني
مهيمن/ هاي شنو خليها على حسابي اعتبريها لان خليتني اجي من الصبح ههه

مصطفى/ هتي شنو مكضيها على حسابك خوش شغل

تقى/ هاي الفلوس اشوفك بخير

مهيمن / موفقه ان شاء الله

مصطفى/ واني ماكو اشوفك بخير

تقى/ مصطفى وخر مني ما ناقصتك ماريد يومي يتعكر

مصطفى/ شبيج وياي شمسويلج فوك ممكلبج بكد امي

تقى/ صدك انت متستحي وبلا اخلاق
زين من تحس اني ما طايقتك ولي مني عاد

مصطفى/ والله لا اندمج على هذا الكلام
تقى/ شايف هذيج الكونكريته الصفره الطخ راسك بيها رايح جاي وهسه ولي مني اتاخرت

_ عفت مصطفى ورحت من الفرع المقابيلنا حتى اختصر المسافه والوقت الضيعه مصطفى اوف بوكتها شكد مشيت وماكو تكسي على حظي المنحوس واني جاي امشي وميته تعب وضايجه من مصطفى وشوفته وشلون قهر مهيمن خطيه من الصبح ...
صار الصار