حكايه زهرة 🌺

الحادى عشر

البارت الحادي عشر
كان مروان يتحدث بهاتفه بعدما ترك زهرة وياسين مع ملك ويحكي لها عن ما حدث
* ايه يعني الحيوان ده تاجر مخدرات بجد
_ ملك اتلمي ومتظلميش حد من غير ماتعرفي حكايته
* يعني ايه
_ مش يعني حاجه ياسين مظلوم حرام حد يتهمه كده وضحيه لناس قذرة
* طيب
_ طيب هخلص شغل واكلمك سلام
* سلام
في مكتب ياسين كانت تصرخ عليه صراخ هستيري
فالصدمه التي تلقتها للتو تألمها كيف تحب مجرم يتاجر بأرواح البشر ظلت تصرخ عليه وهو يستمع لها
_ ازاى ياياسين انت اكبر مخادع ف الدنيا انا ازاى احب مجرم زيك انا مصدومه ازاى وبتقولها بكل برود كده ازاى
*اسمعيني يازهرة
_ انت تخرس خالص مش عايزة اسمع صوتك انا بكرهك ياياسين بكرهك انا امبارح كنت فرحانه والنهارده انا اتعس واحده بسببك ليه ياياسين انا عملت ايه ليك عشان تخدعني كده حرام عليك بتعالج اخوك من حاجه انت اللي بتديها للناس اهو ربنا ردهالك يمهل ولا يهمل يابيه يامحترم صاحب شركات وفلوس حرام شبكتي الالماس دى حرام هدمك حرام حبك حرام كلك حرام مخدرات وسلاح وقرف انا قرفانه جدا من وجود شخص كده ف حياتي بكرهك ياياسيييين بكرهك،
دخل مروان علي صوتها الذي هز ارجاء الشركه وهو يحاول ان يهدأها وهي تصرخ وياسين يقف ف صمت دون حديث صرخ به مروان
_ ماتنطق يا ياسين انت ساكت ليه
* مش راضيه تسمع بتزعق وبس اشرحلها ازاى
تحدثت من بين دموعها
_ تشرحلي ايه انك اكبر مخادع ف الدنيا
فاض به من اتهاماتها الكاذبه له هو ليس بمجرم وليس بكل هذا البشع فصرخ بها
* اخرسي بقي بااااس مسمعش صوتك خالص وهتسمعي الكلام من غير ولا حرف اياكي تتهميني بشيء انتي مش عارفاه وهتندمي ع كلامك وصدقيني مش هسامحك ع الاتهامات دى كلها
اطلع بره يامروان واقفل الباب ده
بالفعل خرج مروان وظلت هي معه فتحدث بهدوء
* اترزعي هنا واسمعي بقي
لما بابا مات كنت انا لسه عندى 20 سنه مكنتش عارف اكمل شغله ولا اعمل اي حاجه وكنت فاشل كنت بلعب اومار وكنت انا وحازم اصحاب جدا حازم اكبر مني بسنتين كنت بلعب وابعزق فلوس بابا لحد اما ماما منعت عني الفلوس لما شكت فيا وبقيت بلعب واكتب ع نفسي شيكات بالفلوس لحازم وللي مشغلين حازم لحد اما ف يوم جالي واحد اسمه سعيد الزيات ده رئيس عصابه بيشتغلو ف المخدرات واللي مشغل حازم المغربي واللي مشغل كل العصابه حازم اداله الشيكات عشان يلوى دراعي واشتغل معاهم كنت ف الاول مهمتي اني اوصل البضاعه للناس وبس كنت معروف فمحدش كان بيفتشني استغلوني وبقيت بوصل البضاعه للناس بس لما الفلوس جريت ف ايدي طمعت وروحت قلتله اني عايز اشتغل معاه ف السلاح عشان فلوسه اكتر كنا بنهرب السلاح ف عربيتي برضو عشان مش بتفتش والفلوس كترت وانا بقيت ضحيه الظروف استغلو موت بابا واني كنت شاب طايش والشيكات وشغلوني معاهم لحد اما ف يوم كنت انا وواحد ف البحر وغرق ومات كنت بحب اياد ده جدا فزعلت عشانه وبعديها عرفت انه داخ من المخدرات اللي شربها من شنطتي وقررت ابعد عن كل القرف ده بس لو كنت بعدت كانو مش هيسيبوني عشان الشيكات كلمت ظابط معرفه وحكيتله كل اللي حصل وساعدني وعمل خطة وف يوم وانا رايح اسلم شغل كان معايا حازم وخطيبته والظابط فتشنا ولقي الحاجه معايا وطبعا هو جري الظابط ضرب نار وللاسف البت ماتت بدل حازم كانت برضو شغاله معانا من ساعتها وحازم اتحبس وبعدها سعيد اتقبض عليه بعد خطه كبيره بيني وبين الظابط المهم اني كنت ضحيه اتبرعت بكل الفلوس اللي طلعتلي منهم للجمعيات الخيريه وبدأت بشركه بابا وكون امبراطويه ال راشد عشان ف الاخر ابقي مش باني تعبي بالحرام وف الاخر بتلوميني اديني فرصه اشرح حتي حرام بقي انا مش هفضل مظلوم طول عمري
ثم استجمع قوته وهو يعتصر بداخله الما ع ظلمها له وفتح باب المكتب وهتف بحده
*اطلعي بره يازهرة عندى شغل ومش فاضي
كانت تسمع كلماته وتبكي لانها لم تستمع له اولا قبل ان تقرر حكمها عليه علمت انه كان يعاني كثيرا ف الماضي بدايتا من موت ابيه وحتي ترك سهام له كل هذه الاوحاع بقلبه ولم يشتكي انبت نفسها كثيرا لانها لم تسمعه وظلت تبكي كثيرا
_ ياسين انا
* هششششش مش عايز اسمع صوتك انتي مسمعتيش وحكمتي من غير متعرفي لو حد جه قالك اي حاجه عني هتصدقيه بس بقي عشان بجد تعبت اطلعي بره يازهرة
خرجت زهرة الي مكتبها وعي تبكي ظلت تبكي كثيرا ومروان يحاول ان يهدأها
اما ع الجانب الاخر كان حازم المغربي يجلس في مكتبه ويتذكر خطيبته التي ماتت لانقاذ حياته هو لم يكن يحبها ولكنها كانت تحبه كثيرا لذلك خطبها لانه يعلم كم هي تحبه وكان عذابه الاكبر هو انها ماتت لتنقذ حياته اغمض عيناه يتذكر ذلك اليوم
* حازم انا بحبك اوى اوى لو ربنا اداني عمر هخليك اسعد انسان
_ ههههه ماشي ياستي انا مستني اشوف السعاده يله يله اركبي هوصلك انا وياسين بالمرة
وبعد 10دقايق كانت تظهر امامهم احدي اللجان
ليتحدث هو
*ياسين في لجنه الحق
_ اثبت عادى
تحدث الظابط
*رخصك
_ انت اهبل انا ياسين الراشد
*اهبل طب انزل فتشو العربيه
ركض حازم خوفا من ان يقبض عليه وركضت خلفه مرام خطيبته حتي اطلقت عدة طلقات كادت ان تصيب حازم وهو يركض لولا وقوفها امامه فمتت بدلا عنه
ليعود الي الحاضر وهو يشعر بالذنب لانه لم يكن يهتم بها رغم انها كانت تحبه كثيرا
في بيت انس كان يجهز شقته الجديدة هو ومريم بعدما انتهو من تلوين حوائطها وصنع لها زاويه صغيرة للصلاه بها مصحف وسجادة صلاه ولونها بالوان مبهجه وفي غرفه الجلوس صالون كبير لونه ازرق به بعض الالوان المتداخله تعطي له جمالا وغرفه نوم لهم بها حمام ودولاب كبير وسرير ع شكل تاج وغرفه اخري لزهرة بها صورة كبيره لها وسرير متوسط الحجم فرشت مريم الغرف وجهزتها ودخل انس المطبخ احضر لها الغداء وخرج الي السفرة ثم وجلس هو وزوجته يتناولون الغداء معا
تحدثت هي تقول
* تسلم ايدك يا حبيبي تعبت نفسك ليه بس
_ تعبك راحه ياقلبي
* عايزة اتصل بزهرة تفتكر عملت ايه هي وياسين
_ اه صحيح نسيت دا ياسين هيحكي لزهرة النهارده عن المغربي ربنا يستر هروح اكلمها
في مكتب زهرة كانت تبكي وبجانبها مروان ظلت تبكي كثيرا لا تعرف ماذا تفعل كي تجعله يسامحها
تحدث مروان بهدوء
* كنتي اسمعيه يازهرة الاول واحكمي
_ كنت مصدومه يا مروان والله الصدمه معرفتش انا بقول ايه غير لما اتكلم هو
خرج ياسين في هذه اللحظه وهو يرتدى جاكيت بدلته وتحدث بحزم
* انا ماشي يامروان
كانت دموعها كثيره واحمرت عيناها من كثرة البكاء نظر لها بعتاب ولكن قلبه تألم لحالها فأشار لمروان ان يهدأها ونظر لها بحزن فتحدثت من بين دموعها
_ ياسين انا
* متتكلميش معايا
_ ياياسين افهمني انا كنت مصدومه
* انا مش فاضي للرغي انا نازل
امسكت بيده بقوة كالطفلة التائهه ونظرت له بندم واسف ولم تنتبه لهاتفها الذي يدق بيدها
_ بالله يا حبيبي انا اسفه
سحب من يدها الهانف وتحدث بثبات
* اي نازل رن رن ايه يا انس
_ عايز اتطمن ع زهرة وبرن مش بترد
* بتعيط مش فاضيه خلصنا شغل اما تيجي تحكيلك سلام
_ ياسين اسمعني انا كنت مصدومه مش مصدقه الكلام
* احنا ف الشركه ياهانم اسمي استاذ ياسين والزمي حدودوك معايا بدل اما وحيات امي هوريكي الاجرام بجد فاهمه