حكايه زهرة 🌺

البارت الرابع

البارت الرابع
انتهت زهرة من عملها سريعا وخرجت هي وانس الي البيت وقفت أمام الباب ودقت فتحت لها مريم
_ اتاخرتي ليه انتي اصلا
ظهر لها انس من خلف الباب فتلجمت ولم تتحدث بحرف تراجعت للخلف فدخل انس وزهرة وأغلقت الباب تساقطت دموعها بغزارة وهي تراه أمامها
_ مريمي كبرتي وبقيتي عروسة زى القمر احلويتي اوى
_ انت ايه اللي رجعك ارجع مكان ماكنت انا بكرهك يا انس بكرههك
ودخلت غرفتها وأغلقت الباب عليها
دق هاتف زهرة فدخلت البلكونه وردت
_ الو
_ انا قدام الباب عندك انس موجود
_ اه موجود اتفضل اطلع
تحدث انس _ مين جاي
_ ياسين الراشد
استقبله انس بترحاب
_ اهلا اهلا ياسين بيه
ابتسم ياسين له وتحدث _ ياسين بس من فضلك يا انس ولا ايه يا زهرة
نظرت زهرة ل انس بخجل وابتسمت فأبتسم لها
_ انا هعمل اكل عشان هموت من الجوع هعملك احلي بيتزا يا انوس
_ اتفضل يااستاذ ياسين
_ تؤ من غير استاذ تعالي البلكونه عايزك شويه
_ انس
كان صوت مريم من خلفه نظر لها بحنان
_ نعم ياحببتي
توقفت عن الكلام حينما رأت ياسين أمامها نظرت له فابتسم وتحدث
_ اتكلمي يا مريمي
تحدثت من بين دموعها وشهقاتها
_ انس انت هتمشي تاني يا انس
جذبها انس الي صدره ومسح دموعها
_ مريم كله الا دموعك قدامي بالله متعذبينيش بوجعك ده مش همشي ابدا ابدا انا راجع عشانك عشان وعودى ليكي يامريم فاكرة اخر يوم شوفتك قلتلك ايه ؟
قلتلك انا هروح اشتري حاجه من بره وهتاخر شويه وراجع وانا اهو رجعت
_ بس انت اتاخرت كتييير
_ بس رجعت ، تؤ بقولك ايه انا جعان اوى اوى يرضيكي
ابتسمت له وقالت
_ حالا الاكل هيكون جاهز
ودخلت زهرة ومريم الي المطبخ وجلس انس مع ياسين فتحدث
_ معلش يا ياسين
_ حنين اوى انت
_ انت تعرف ايه عنهم
_ كل حاجه
_ لا مش كل حاجه احكيلك انا بقي اولا انا عرفت انك عندك مشاعر لزهرة
من4 سنين انا مشيت من البيت بعد الظلم الكبيييير اللي انا اتعرضتله من ماجد اللي هو ابويا طول عمره قاسي مش بيحب حد غير الفلوس والمخدرات
كان مشغلني انا ومريم وزهرة ف ورشه ملابس عشان الفلوس مريم كانت عندها حساسيه من الوبر بتاع القماش وتعبت وانا وقفت لماجد عشانها ومش رضيت اخليها تنزل شغل طردني وانا مشيت ومن ساعتها وانا مشوفتش مريمي ولا زهرة
زهرة اختي وحياتي كلها ومريم حبيبتي اللي هتبقي ام اولادى لما مشيت كنت باجي هنا الكليه وبعد كده
نقلت الكليه بعيد عن القاهرة لأن ماجد كان بيدور عليا كنت بعرف اخبارهم كلها ومريم دخلت المستشفى شهر كامل بس مقدرتش اظهر درست ف تجارة خلصت الكليه واشتغلت ف شركه كبيرة ف السويس وعملت شويه فلوس ومعارف وصداقات ورجعت تاني لمريم وزهرة
الشركه اللي كنت شغال فيها ليها فرع هنا بس معرفش فين هما اخدو بياناتي وقالو هيحتاجوني هنا بس بعد شهر صاحبي قالي ع الشغل عندك فقلت انزل الشهر ده،
تحدث ياسين بثقه
_ شركه ايه دى
_ شركه رويال للاستيراد والتصدير
_ هههههههههه هو انت بقي انس ماجد اللي رئيس مجلس الإدارة مزهقنا بشغلك وامانتك
_ هو انت صاحب رويال اصلا
_ اه شركات رويال بتعتي
_ اشمعني دى اللي متغيرة
_ الراشد هي اول شركه والشركه الام لكل اللي بعدها
_ الاكل جاهز يا انوس ، يله يااستاذ ياسين
جلس انس و ياسين ع الطاوله ووضعت مريم وزهرة البيتزا امسك ياسين الشوكه والسكينه ليأكل فضحكو عليه
_ بتصحكو ع ايه
_ البيتزا بتتاكل بالايد يا ياسين احلي جرب كده
_ دانا اجرب السم لو من ايدك
_ نعم مش قرطاس لب انا ياحبيبي انت وهي
_ كل يا انوستي
بعد مرور الوقت سريعا رحل ياسين ودخلت زهرة ترتاح بغرفتها جلس انس ومريم يشاهدون فيلم رومانسي وجاء مشهد كان فيه البطل يترك حبيبته فظلت تبكي نظر لها بحزن
_ بتعيطي ليه يا مريمي
_ انس احضني
_ نعم ياختي لا لا يا ماما انا مش بتاعت الكلام ده البيت ده طاهر
_ ههههههههه وحشتني يا انس
اخذها بين ضلوعه وظل يملس ع شعرها
_ حقك عليا يا قلبي والله غصب عني اسيبك بس خلاص رجعتلك ومش همشي تاني
_ كنت ازاى من غير حد معاك
_ كنت تايه وبدور عليكي ف كل البشر كنت نفسي اجي ف حضنك بس
_ كنت بقيم الليل ادعيلك ياحبيبي كنت واثقه انك راجعلي
_ والله مغيبتي عن سجدة واحده ف صلاتي انتي روحي وقلبي
في غرفه زهرة كانت تندثر تحت الفراش وتنام أتت لها رساله ع الوتساب ففتحتها سريعا
_ وحشتيني طيب اعمل ايه
_ انت ياعم انت لم نفسك متقوليش الكلام ده
_ طب وحشاني برضو
_ طب هتتضرب بكرة
_ لا والله وايدك الصغننه دى هتضرب
_ اه
_ امممم ماشي هنشوف
_ نام يا ياسين
_ حاضر يا روح ياسين تصبحي وانتي من اهلي
_ اسمها تصبح ع جنه يا استاذ ياسين
_ ههههه بحبك
_ باي
واحتضنت هاتفها ونامت،،
أما مروان فكان يقف امام شارعها يأمل أن يراها
انتظر ف سيارته فرأها من بعيد نزل من سيارته ونظر لها اندهشت هي لوجوده
_ مروان ازيك
_ تمام وانتي
_ تمام
_ رايحه فين
_ زهقانه قلت اجري شويه رياضه
_ الوقت متأخر
_ اه فعلا بس زهقانه
_ طب روحي
_ امممم هروح عشان الوقت فعلا اتاخر مكنتش اعرف ان الوقت كده
_ فين موبايلك
اخذ هاتفها وسجل الرقم عليه ورن ع هاتفه ثم أعطاه لها
_لما تكوني زهقانه كلميني باي
_ باي
وتركها وقاد سيارته الي البيت وذهبت هي الي منزلها
استيقظت صباحا وخرجت من غرفتها وجدت انس ومريم جالسون ع الكنبه ونائمون أيقظت انس ببطئ
_ انس انس
_ اممم
_ قوم نام جوه ياحبيبي
_ انام ايه لا انا نازل لياسين اصلا
وقف انس وحمل مريم أدخلها غرفتها وغطاها جيدا ثم خرج وصلي مع زهرة ونزلو الي الشركه
بعد مرور ساعه
كان مروان يقف امام المكتب مع زهرة وانس وفجأة دخلت إليهم فتاة ترتدى فستان احمر مفتوح حتي ركبتها من الجانبين وعاري الكتفين أنصدم مروان عندما رآها
_ سهام !
_ مالك يامروان شوفت عفريت
نظر لها بحقد ثم قال
_ خير عايزة ايه
_ ميخصكش
تقدمت خطوات من المكتب فوقفت زهرة أمامها
_ انتي رايحه فين
_ داخله لحبيبي
_ نعم .. حبيبك مين
_ اوعي بدل أما تترفدي
خرج ياسين ع صوتهما
_ زهرة في
لينصدم عندما رآها نظر إليها بكره
_ أخرجي بره
_ أخرج بره فين انا مكاني هنا ف قلبك مستحيل تقدر اي واحده تكون مكاني
ونظرت لزهرة ثم عانقته وهي تقول
_ انا رجعتلك كل حاجه هترجع زى الاول واحسن وهنكمل حياتنا سوا
نظر إليها طويلا ثم الي زهرة وتحدث
_ زهرة محدش يدخل مكتبي يا حبيبتي وخلصي الملف وتعالي عايزك
_ حاضر
تحدث وهو يشير الي زهرة
_ ملكيش مكان هنا ياسهام دا مكانها هي وبس حبيبتي وبنتي وعوض ربنا ليا اطلعي بره واياكي تقربي هنا تاني مفهوم اياكي وانا زمان معملتش حاجه دلوقتي تقدر اعمل كتييير برررره
خرجت سهام وهي تستشيط غضبا وقررت أن تفصل بينهما
دخلت زهرة لمكتب ياسين
_ الملفات اللي حضرتك طلبتها
_ تمام تعالي
_ عندي شغل
كادت أن تخرج ولكنه أوقفها
_ زهرة
_ نعم
_حبيبي انتي تعبانه !
_ استاذ ياسين احنا ف الشغل عن اذنك
_ كلامها هزك اوي كده يازهرة
_ لا نظرتك هي اللي هزتني يا ياسين نظرة الاشتياق
_ زهرة انتي اتجننتي دى واحده متخلفه اكيد ومستحيل اكون مشتاق ليها
_ حياتك وانت حر فيها يا ياسين انا مليش اني اقولك تختار مين ف حياتك
غالبتها دموعها فسقطت دمعه ع خدها فنظر لها وهو حزين
_ انا كنت متخيل اني حبي ليها قوى وان محدش هيكسره لما مشيت كنت لسه ف الكليه مكنتش ياسين الراشد كنت شاب عادى جوزها كان غني جدا عشان كده اتجوزت وسابتني
اتدهورت واتدمرت واتوجعت وفضلت لوحدي بنيت اسمي وقابل مليون بنت وصاحبت بنات كتير جدا عادى شغل وبزنس وأجانب وكل الناس محدش هز فيا شعره الا انتي هزيتي كياني كله عارفه يعني ايه ادوب فيكي من يوم ما كنت ف المول انا مش بس حبيتك انا كنت حابب اشوفك عشان كده كنت جايلك يوم أما شوفتك ف الشارع كنت فاكر اني هتسلي يومين وبس لكن أنا والله العظيم حبيتك وعرفت الحب معاكي انتي وبس انتي بقيتي وطني بهرب ليكي بالله متحرميني من عيونك اللي اسروني
دانا بموت كل يوم الف مره من الخوف عليكي وانتي لوحدك والله وحكيت لانس اني بحبك واني عايزك مراتي وام عيالي بالله انا قلبي بينبض عشان وجودك معايا يازهرة
_ ياسين انا بحبك اوى والله بس نظرتك رعبتني خوفت تسيبني وانا مش هعرف اتحمل خسارتك
_ ولا انا هسمح لليوم ده ابدا بحبك يا زهرتي
_ طب انا هخرج
_ لا لا استني بس كنتي بتقولي امبارح هتضربي مين بقي
توترت من اقترابه الشديد لها ورجعت إلي الوراء حتي التصقت بالباب فهمس
_ هتضربي مين
_ مش انت لا مش انا انا مقولتش كده
_ ههههههههههه بت انتي عثل كده ع طول
_ ياسيييييين بس بقي
ودفعته بعيدا وركضت الي الخارج ضحك ياسين بشده عليها وهو يفكر فيما تنوى هذه العقربه التي ظهرت له من العدم يعلم جيدا أنها لن تستسلم بسهولة ولكن كل ما يخشاه هو أن تتسبب لزهرته بضرر
أما سهام فخرجت من الشركه وأخرجت هاتفها تتحدث مع مجهول
_ انا عايزه اعرف كل حاجه عنها مفهوم ف اسرع وقت
بعد الانتهاء من العمل ذهبت زهرة الي بيتها وحكت لانس ما حدث
( انس اشتغل ف الشركه التانيه بتاعت ياسين )
أما مروان فذهب الي بيته ودق هاتفه فنظر بدهشه واجاب
_ مش مصدق
_ اقفل تاني طااب
_ ههههه لا لا خلاص صدقت
_ ايوه كده
_ مخنوقه صح يله هنتقابل انا جايلك اهو
في بيت زهرة رن جرس الباب ففتحت مريم وصدمت وقفت أمام الباب متخشبه تعجب انس لها ووقف خلفها هو الآخر بصدمه وهو يقول بصوت منخفض
_ ادخلي جوة يامريم
خرجت زهره وهي تقول
_ مين يا مر ... مرات عمي !