حكايه زهرة 🌺

التاسع

البارت التاسع
قرر ياسين ان يحضر طبيب خاص يعالج سليم وخشي ان يرسله الي بلاد اوروبا ويصل له عدوه اللدود (المغربي) واتخذ خطوة تجاه حبه لزهرة فقرر ان يفاتح انس لتحديد موعد لخطبته هو وزهرة وبالفعل حدد موعدا بعد 10ايام حتي يطيب سليم ولكن في هذه الايام العشر كانت الاجواء مضطربه بين ياسين وزهرة لعدم معرفتها سبب عداء ياسين والمغربي كانت تلح عليه كثيرا حتي تعرف لماذا هو يكرهه كل هذا الكره رغم انه لم يعمل بنفس مجاله وهو لا يعطي لها ردا مفيدا كانت تتحدث معه بحذر ملحوظا
في الشركه كان يجلس ع مكتبه ويفكر ماذا يفعل حتي يرضيها هو لا يستطيع ان يقول لها عن سبب العداوة بينهم خوفا من عدم فهمها وتقبلها للموقف
دخلت زهرة مكتبه وهي غاضبه واعطت له الملفات
* دى الملفات اللي مروان بعتها لحضرتك
_ وبعدين يازهرة هتفضلي كدم كتير
* لحد اما اعرف مش عايز تقولي ليه ع السبب
_ يوووه يازهرة السبب السبب مفيش غير الموضوع ده ف حياتنا يعني احنا خطوبتنا بعد بكرة حتي ف خطوبتي هيتنكد عليا
* عن اذنك هخرج اشوف شغلي
كانت تنظر له بعتاب فهدء وامسك يدها ووقف امامها
_ زهرة انا اسف حقك عليا مش قصدى ازعقلك بس انا مش حابب اتكلم ف الموضوع ده يازهرة
* كان حاجه وحشه
_ ايوه كانت حاجه وحشه عملتها زمان وخلاص خلصت
* هتقولهالي
_ اوعدك هقولك ف الوقت المناسب
* ماشي يا ياسين
اما عند سليم فكانت سحر معه خطوة بخطوة دائما تكون بجانبه اوقات حاجته للمخدر يثور عليها ولكنها تتحمل كل ما يفعل والطبيب دائما يطمئنها انه يتعافي حتي اصبح يتعافي تدريجيا ولا يحتاج للمخدر كانت سحر تجلس مع ساره ام ياسين وتتحدث معها
_ جهزتو الجنينه لخطوبه ياسين ولا لسه
* لسه بكره ياسحر
_ ربنا ييسر الحال كانو بيتخانقو امبارح هنا
* اه هي مصممه تعرف ايه سر عداء ياسين والمغربي
_ انا سمعتها بتقوله لازم اعرف ميعرفها وخلاص
* بعد الخطوبه هيقولها بس ربنا يستر
_ واضح انها مصيبه
* كانت مصيبه وخلصت الحمد لله
نزل سليم اليهم وهو يقول *سحر ياسحر
_ نعم ياسليم
* انتي عماله ترغي مع ماما ونسيتي معاد الدوا صح
_ اسفه يالهوى نسيت فعلا
* ريحي نفسك مش هتعرفي السبب ولا هتعرفي توصلي الاخبار ليهم
صدمت من كلامه هل يشك انها تعمل لصالح احمد والمغربي
_ انا مكنتش بحاول اعرف حاجه ياسليم انا قاعده هنا عشان وعشان انت عارف اني بحبك قبلت بالزل وانك تتعصب عليا وانك اخر مره تضربني وانا بشيل منك البودرة وكل ده عشان بحبك انا لسه دماغي مفتوحه بسببك لما خبطني ف الحيطه وكل ده عشان بحبك وف الاخر تشك فيا ياشيخ انت ايه مبتحسش بصحي من 6الصبح اكون تحت رجلك عشان لو احتجت حاجه وعشان ماما ساره مش هتقدر عليك وف الاخر تشك فيا انا تعبت واقولك حاجه انا هريحك مني خالص اول اما تخف هسافر عند بابا ومش هرجع تاني
تحدثت ساره لتهدأها * اهدي ياسحر هو مش قصده ياحببتي معلش اعذريه هو تعبان وانت ياسليم عيب كده البنت معاك ومستحملاك وتعاملها كده
_ ياماما انا مكنتش قصدي هو الكلام طلع كده، سحر انا اسف والله مكنش قصدي
في احدي الكافيهاات كانت ملك تجلس تشرب قهوتها وتنتظر مروان الذي اتصل بها وطلب مقابلتها عندما رأته ابتسمت له
*اول مرة اشوف واحد يطلب حد ويجي بعده
_ حقك عليا متزعليش
* ماشي ها ايه الشيء المهم اوى ده
_ انا ملك انا متلغبط اوى ومش مرتاح تعبان ومخنوق وجوايا حمل يهد جبل انا ياملك كنت زمان بحب واحده ايام الكليه واختلفنا وسيبنا بعض وكنت هرجعلها بس هي اتخطبت لصحبي الاتنين خاينين بعدها قلت مش هفتح قلبي لحد تاني بس لما انتي ظهرتي الوضع اختلف بحس بالمسؤليه تجاهك وبحس اني لازم اكلمك كل شويه واعرف كلتي ولا لاء لابسه ايه راحه فين جايه منين بقيت اهتم بتفاصيل حياتك وبقيت احم بقيت احبك واخبي ليكي مشاعر ف قلبي مكنتش عايز اقول عشان كنت خايف اكون لسه بحبها بس انا امبارح شوفتها وكلمتها قالتلي ان طارق طلقها وانها رجعت تاني بيت اهلها وقالتي انها ندمانه وان ربنا جابلي حقي بس انا متهزتش فعرفت اني بطلت احبها او بمعني ادق حبك ف قلبي مش مخليني عايز غيرك انا مش عارف بس مش قادر اسكت تاني مش قادر
* كل ده ف قلبك طب مانت عارف اني بحبك ياحمار اه والله بحبك وبدمنك وبعشقك وبموت فيك
_ انتي واقعه والله
*مانت عيونك توقع بلد والله
_ هههههههههههه لا انتي مصيبه حياتي والله طب نتكلم جد
*قول
_ البنطلون ضيق والبلوزة قصيرة والشعر الحلو
ده ميبانش تاني انا مش اريل هنا عشان اشوف حد بيبص عليكي او اسيبك تمشي كده شغال ف شركه كبيرة وبشوف انيل من كده بمراحل بس مليش دعوة انتي غيرهم انا بحبك وبغير بغير جدااااااا فبلاش تختبري صبري هتلاقي قلم ع وشك والله انا شخصيا مش هبقي عارف انا بعمل ايه وحيات امي تخرجي من البيت كده تاني انتي حرة
من كام يوم كنتي بتكلمي الملزق جاركو بعشم اوى وبتتدلعي عندها الكلام ده مش عندي تمشي عدل زى الراجل اسد ماشي الدلع والهأ والمأ والطبله والرق ده مش مع الناس
واكمل وهو يغمز لها معايا انا بس
_ انت قليل الادب
*نيتك وحشه كنت لسه هقول لما نتجوز ياموكا
_ بااااارد
* لسانك هقصه حاااااضر صبرا عليا
_متقدرش
* هتشوفي يازفته
اما عند المغربي كان يجلس في مكتبه وامامه شخص يتحدث معه
*تحب نخلصلك عليه ياباشا
_ لا مش عايزو يموت انا عايزو يعيش عشان يشوف انا هعمل ايه فيه وف كل حد قريب منه
* اللي اعرفه انكم كنتو اصحاب
_ اه كان يما كان
* باشا ياسين خطوبته بكرة ع فكرة
_ ع البنت اللي كانت معاه صح
* اه اسمها زهرة وعايشه مع اختها وجوز اختها
_ ااااااه يا ياسين
* انا هطير انا بقي سلام
اما زهرة فعادت الي شقتها ولم تجد مريم وانس عرفت انهم ف الشقه الجديده يجهزونها للنقل بها اخذت حمام دافئ وخرجت ارتدت ثيابها ووقفت تجهز الطعام دق لها انس
* الوو ايوه ياانوسي
_ انتي فين يابت انتي
*ف البيت ياقلبي بعمل الاكل لحد اما انتو تيجو
_ ماشي احنا بنجيب البويات والالوان وهنرجع ع طول
* ماشي سلام
واغلقت معه وتحدثت مع ياسين بالهاتف
* الو ياسين روحت
_ لسه واصل اهو قدام الفيلا
* اوك
_زوزو
* اممممم نعم
_انا بحبك قد كل حاجه حلوة ف حياتي بكرة خطوبتنا عايزك تكوني اسعد واحده ف الدنيا وانا اوعدك هعمل كل اللي انتي عايزاه بعد الفرح هحكيلك عن المغربي وعن كل حاجه والله بس انتي بكرة تفرحي والموضوع مش خطير اوى كده عشان تقلقي كل ده
* طب ادخل من البرد ياحبيبي يله
_ ياروح قلبي اللي خايف عليا ده
*مش حبيبي لازم اخاف عليك طبعا
_ مش كنت قلت لانس نكتب الكتاب بالمرة كنت حضنتك وحكيتلك وانا ف حضنك طيب
* روح نام ياياسين بدل اما اشتم
_ هههههه طب بحبك
* وانا كمان
دخل ياسين وجد امه وسليم يشاهدون التلفاز
_ ياسلام ع الرايقين انا مستقبلي بيضيع البت هتجنني
* هههههه معلش ياقلب امك تعالي
_ حببتي يا ماما ادعيلي بقي
* دعيالكم والله
_ اذيك سليم عامل ايه دلوقتي
~ الحمد لله ياياسين احسن كتير انت اخبارك ايه واخبار الشركه
*تمام الحمد لله
_ هتحكي لزهرة صح
* اه بعد الخطوبه وربنا يستر
_ ازاى يعني هتقولها انا كنت شغال ف الخدرات!!!!!