Random Writings

Random Writing #3

Minsan tinatanong ko ang aking sarili

Kailan kaya darating ang araw na ako naman ang mapipili

Kailan kaya ako magiging number one

Dito sa mundong ako palagi ang next in line

Minsan tinatanong ko ang aking sarili

Kailan kaya ako magkakaroon ng sandalan

Dito sa mundong ako ang sinasandalan

Maraming pangalan na rin ang tinawag sa'kin

Babe. Baby. Love. Hon? Bes?

Pero lahat ng taong nagsabi sa akin ng ganyan

Ay tuluyan nang lumisan sa aking buhay

Nang ako ay maubusan

Maubusan ng lakas

Ng pag-intindi

Ng pag-aalaga

Ng pagpapatawad

Ng pagmamahal

Minsan tinatanong ko ang aking sarili

Kailan kaya may taong mananatili

Mananatili sa aking tabi kahit ako'y ubos na ubos na

Mananatili sa aking tabi kahit ako'y pagod na

Mananatili sa aking tabi at sasabihing mahal

Magpahinga ka muna 

Bukas paggising mo ay andito pa rin ako

Mahal andito pa rin ako kahit gusto mo nang sumuko

Mahal andito pa rin ako kahit hindi mo na magawang mag-alaga

Mahal andito pa rin ako kahit hindi mo na magawang magpatawad

Mahal andito pa rin ako kahit hindi mo na magawang magmahal

Kasi mahal

Alam ko

Alam kong pagod ka lang

Alam kong pagod ka lang na ikaw na lang lagi ang nagbibigay

Na binibigay mo ang lahat pero wala ka namang natatanggap

Na pagkatapos mong ibig ang buo mong pagkatao

Ay aalis na sila sa buhay mo

Alam ko, mahal

Alam kong gusto mo lang ng pag-intindi

Alam kong gusto mo lang ng pag-aalaga

Alam kong gusto mo lang ng pagpapatawad

Alam kong gusto mo lang ng pagmamahal

Alam ko, mahal

Huwag ka nang mag-alala

Kasi nandito na ako

Mahal, nandito na ako

Nandito ako para magbigay ng pag-iintinding hinahanap mo

Nandito ako para magbigay ng pag-aalagang hinihiling mo

Nandito ako para magbigay ng pagpapatawad na inaasam mo

Nandito ako para magbigay ng pagmamahal na deserve mo

Kasi mahal

Sa lahat ng sakit ng at pagsasawalang bahalang naranasan mo

Andito ako para magbigay ng halaga sa'yo