حكايه زهرة 🌺

البارت الثالث

الثالث
وصل انس القاهرة بسلام ليبدأ رحلة البحث عن بنات عمه وهو يظن أنها مهمه صعبة ولكنه سوف يفعل كل ما بوسعه ليراهم كان لديه صديق في القاهرة استضافه بترحاب فهو شخص محبوب بين الناس
_ مش عارف اقولك ايه يا حازم والله كتر خيرك
_ عيب الكلام ده يا انس احنا اخوات يابني
_ طبعا
_ انا كلمت ياسين باشا وقالي اجيبك ف الأمن وهننزل من بكره الشغل
_ بجد يا حازم ياكريم يااااارب
يله قوم ارتاح بقي تلاقيك تعبان من السفر
في بيت زهرة كانت مريم تجلس ع سجادة الصلاه تصلي قيام الليل وتدعي الله أن يجمعها بمن تحب
_ يااااارب تحميه يارب وتردهولي من غير اذي يارب طمني عليه انا عارفه انك بتحبني وهتحميهولي صح ! وحشتني اوى يا انس
_ مريم هيرجع والله هيرجع
_ يااارب يازهرة يارب
دق هاتف زهرة تعجبت من المتصل في هذا الوقت
_ السلام عليكم
وعليكم السلام
ازداد ضربات قلبها بشده من صوته الذي يجعلها ترتعش
_ زهرة سمعاني ، كنت حابب اتكلم معاكي
_ خير يا استاذ ياسين
_ زهرة انا اسف ع كل حاجه قلتها والله العظيم مكنش قصدي ابدا معني الكلام اللي قلته انا بس كنت متعصب
_ استاذ ياسين حضرتك من حقك تقول كل اللي يريحك اولا مغلطتش مهو فعلا مينفعش بعد الشقه والمرتب واصلا اني اكون ف الوظيفه دى كل ده من خيرك فاي كلام هتقوله هيبقي عادى
_ لا طبعا مش عادى مش طبعي يازهرة اني اكون قاسي كده والله
_ وجع قلبك اللي بيحركك بس مش كل الناس شخص واحد مش كلهم بيكرهوك مش كلهم عايزين مصالح يا استاذ ياسين
_ ماما عازماكي بكرة انتي ومروان ومريم
_ نعم !
_ انا بلغتك الكلام تصبحي ع خير
أغلقت معه ونامت وهي تبتسم من تغيره الملحوظ معها
في مكان آخر خارج مصر كانت تجلس فتاه ترتدى بنطال اسود ضيق وبلوزة قصيره بالكاد تغطي حرف البنطال وتعصق شعرها زيل حصان
_ مامي انا هنزل مصر
_ ليه
_ كده اعتقد اني اتطلقت من الزفت ده ومن حقي انزل مصر براحتي من غير اذن
_ عايزه تروحي لانس
_ وماله دي بقي اغني واحد ف مصر وانا اقدر ارجعه ليا تاني
_ يوووه اعملي اللي يريحك
صباحا في شركه الراشد كانت زهرة تجلس ع مكتبها ومروان يقف أمامها دخل إليهم ياسين بوقار فتحدث مروان بسخريه
_ المواعيد هنا زى الساعه مش مسموح التأخير بس واضح أن الباشا اخترق القوانين وغيرها
_ أو تقدر تقول إن الباشا كله هيتغير يا خفيف
صباح الفل يا مارو صباح الورد يا زهرة
وتركهم ودخل الي مكتبه وهو يضحك
_ مين ده بيهزر ويضحك لا لا مش مصدق
_ يعني هو ده اللي لفت انتباهك ومخدتش بالك أنه لابس تيشرت وبنطلون مش بدله
_ ها بجد!
لا انا هدخل بقي اشوف ماله
كان انس أمامها بالطرقه وهي تعبث بالاوراق أمامها
_ انس تعالي من هنا
_ بدور عليك ياعم
استمعت هي الي الاسم فظلت تنظر حتي تري من هو انس ولكنها لم تري أحد تنهدت بحزن فهي تشتاق اليه كثيرا
دخل مروان الي مكتب ياسين
_ انت شارب ايه
_ زبادووو ياحبيبي مالك يا عم
_ مالي انا ؟ مالك انت فين البدله فين الرسميه فين المواعيد والنظام
_ اتاخرت دقيقه ونص مش كتير والبدله عادى حبيت اغير بس والرسمية موجودة بس مش ف كل الاوقات
_ لا لا انت فظيع بجد سخن طاااه
_ يامروان امشي من قدامي بدل أما ارجع زي أما كنت
_ لا وع ايه انا رايح أفطر مع زوزو احسن
_ مع زهرة يا روح ابوك اتلم ملكش دعوه بيها
_ ههههه متعترف اسهل من الغيرة دى يا سينو
_ هههههههههه امشي يامروان
_ ماشي
بعد يوم طويل ف العمل انتهت زهره ومروان من الدوام
خرج واصطدم بفتاه أمامه
_ اااااه راسي
_ اسف ، انتي مين
_ لو سمحت كنت بدور ع زهرة عبدالرحمن
_ انتي مين يعني
_ ملك
آتاهم صوت زهرة بفرحه
_ لوكااا ملك وحشتيني اوى
_ ياقلب ملك وحشتيني اكتر كده يا زهرة من ساعه أما مشيتي تختفي كده
_ غصب عني والله ، اعرف ياستي ده مروان الاخ اللي ربنا بعتهولي
_ اهلا وسهلا يا استاذ مروان
_ دى ملك يا مروان اللي حكيتلك عنها
_ اهلا بيكي يا ملك
خرج ياسين من المكتب بثقه وهو يدندن اغنيه رومانسيه كان مروان ينظر إليها بإعجاب واضح
ولاحظته زهرة
_ ها جاهزين
_ ملك انا معزومه النهارده انا ومروان عند استاذ ياسين روحي لمريم
_ زهرة مش هتعرفينا
_ اعرفك ياملك
_ تعرفيني ع مين انتي هبله دى المجلات مفيهاش حد غير ياسين الراشد يا زهرة سعيدة اني قابلت حضرتك
_ ملك صاحبتي
_ اه اهلا وسهلا انسه ملك
_ اهلا ، طب يله انا هروح لروما باي متتاخريش هبات عندك النهارده
نزلت زهرة درجتان وتكرر نفس المشهد
_ انس تعالي من هنا
نظرت زهرة ع هذا الشخص كان يولي لها ظهره
كانت ع وشك أن تراه لولا صوت ياسين
_ انتي متنحه كده ليه عدى
_ ها ح حاضر
في بيت زهرة كانت مريم تجلس هي وملك يتحدثان
_ يالهوي يامريم ع القمر مروان ده سكر اصلا قمر قمااااااار ولا ياسين ياختاااااي
_ هههههه الله يخرب عقلك
_ اتخرب خلاص بعد مروان ده اي ده ولا كلامه ولا شعره وعيونه البندقية دى ياختااااااااي
_ هههههههههه يابت انتي مالك
_ هيييييح
في بيت حازم صديق انس
_ الحمد لله الشغل كويس
_ كل شويه تتوه وتطلع عند السكرتريه هههههه فوق مكتب ياسين ومروان بيه وزهرة السكرتيره
_ زهرة ! هي اسمها زهرة
_ ااه
في بيت ياسين الراشد
استقبلتهم السيده ساره وسليم بالترحاب الشديد
_ تسلم ايدك يا ساره هانم
_ ساره هانم دا ايه اسمي ماما ساره زى مروان
_ ايوه هي ماما ساره وانا سليم من غير استاذ انتي قدي يعني عادى
_ هههههه حاضر
_ وانا يعني ابن البطه السوداء الهزار ليهم والضحك ليهم والهم ليا لوحدي
_ لا انت نوتي
_ مروان انت اهبل صح قال نوتي قال
_ هههههههههههه زى ملك بتقول نوتي
سرح ف ضحكتها وابتسم
_ احم ياسين سرحت ف ايه
_ مروان متقوم تروح أو اقولك والله لاطلع عينك تعالي ع المكتب يله يا زهرة عندنا شغل
همست بسخريه _ يله يازهرة عندنا شغل
ضحكت سارة عليها وابتسم ياسين فقد سمعها
كانت في الطائره تفكر به انس الذي تركته وخانته ورحلت عنه كيف ستكون الحياة بعدما تعود هل سيتقبل وجودها من جديد !
ابتسمت وهي تتذكر ما هي الاشياء التي يحبها وكيف سيتقبلها
استاذن مروان الذهاب سريعا وانتهز ياسين الفرصه بأن ينفرد بها قليلا واخدها ليوصلها البيت
جلست بجانبه ونظرت من نافذة السياره
فتحدث _ هو انتي معموله وضع الصامت معايا ليه
_ عادى هقول ايه
_ حتي عاتبيني
_ انا زهرة أعاتب ياسين باشا انت متعرفش أن رجاله مصر كلهم بيتهزو قصاد اسمك ولا ايه
_ بس انا دلوقتي مش ياسين الراشد صاحب الشركات والقري انا عادى شخص عادى اهو سايق من غير سواق ومن غير بدلة ومن غير رسميات بتكلم مع صديقة مثلا
_ انت متغير ليه
_ عشانك ، قصدي عشان محدش ينتقدني
_ استاذ ياسين انت كويس
_ زهرة احنا مش ف الشركه قوليلي ياسين عادى
_ مش هعرف
_ زى أما بتعاملي مروان
_ مروان مختلف عنك يا استاذ ياسين
_ طب فهميني
_ مروان هو نفس الشخص ف كل حالاته لكن ياسين الراشد ف الشركه هو المغرور اللي ممكن يهين اي حد قدامه عادى
وف البيت هو شخص مختلف
ومعايا انا شخص تالت خالص مش فاهمه انت بتكره الناس يحبوني ليه انت بتتضايق لما اكلم مروان أو ماما ساره كأني عدوتك ومعرفش انت ساعدتني ليه كل ده بس عموما انا قريب هريحك مني وهسافر انا ومريم اسكندريه بعيد عن كل اللي هنا هنمشي ونروح اي مكان وخلاص معدتش هتبقي مسؤل عني ولا عن حمايتي ولا هوجعلك دماغك ولا اي حاجه خالص مش هبوظلك اجتماعاتك ولا هتحتاج تفهمني وتدفع المرتب لحد ميستاهلهوش
أوقف ياسين سيارته ونظر لها بغضب ثم جذبها قريبا منه وقبلها حاولت هي أن تبتعد عنه ولكنه احكم قبضته ثم ابتعد عنها واقترب من أذنها وقال
_ زهرة عبدالرحمن مش مسموح لك تبعدي عني ابدا ايوه بكره اي حد يحبك ايوه محدش يحبك بتاع ايه مروان يشوف ضحكتك ولا الموظفين يحكو عنك وعن جمالك ورقتك ولا ماما تحبك كل الحب ده ولااا ولا قلبي اللي مش رحمتيه من اول يوم شوفتك هو مش بيبان عليا اني بغير عليكي واني واني بحبك
ازداد ضربات قلبها وهي تستمع له وهو يتحدث محاوط خصرها بيديه
_ ي ياسين سس سبني الله يخليك رروحني
_ هروحك بس كان لازم تعرفي
_ ماشي امشي بقي
أوصلها الي بيتها ونزل من سيارته وامسك يدها
_ زهرة
_ نعم
_ انا عمرى مكنت مغرور انا شوفت كتير وكان لازم اكون كده
تركته زهرة وصعدت الي بيتها وحكت لمريم وملك عما حدث ثم ذهبت الي النوم
أما هو فوقف أما النيل بسيارته يتأمل كيف كانت جميله وابتسم عندما تذكر كيف حملقت عيناها عند تقبيلها وكيف اكتست باللون الاحمر
أدرك أنه أصبح اسيرها وأنه تغير كثيرا لاجلها نعم يحبها
في بيت مروان جلس يرسم لوحه لها هي من سلبته قلبه وعقله ويتذكر ابتسامتها التي سحرته حتي نام
في صباح يوم جديد استيقظت ع صوت هاتفها يدق
ردت بنعاس
_ الو
_ دى احلي الو ممكن أسمعها ف عمري كله والله
_ ياسين الراشد بيغازل لا كده اوفر
تحدث بحنان
_ ياسين الراشد بيحبك يازهرة بحبك اوى كمان اديني بس فرصه اثبتلك اني عكس اللي بتتكلمي عنه عازمك ع قهوة بعد الشغل اوعدك هقولك ع كل حاجه
_ طب انا هقوم البس واجي الشركه مع مروان اقفل بقي
_ مروان مروان هوووف طيب ياختي
_ ههههه
نزلت هي وملك والتقت بمروان الذي ارتسمت ع شفتيه ابتسامه جذابه
_ صباح الورد
_ منحنح صباح الخير اسكت يامروان المجنون قالي بحبك امبارح
غمز لها _ بحبك بس امممم مهو حكالي ياختي
_ ههههههه
_ ايه الضحكه القمر دى
_ ميرسي
_ مالك ياض منك ليها ايه المحن ده
_ متخليكي ف ابن الراشد وتسكتي
_ طب يله عشان ابن الراشد هناك
_ وملك
_ لا انا هركب تاكسي
_ نعم ! ليه تعالي اركبي بس يله انا هوصل زهرة وبعد كده هوصلك
_ لا لا
_ خلاص انا قلت كلمه وخلاص
_ احم براحه يا عم انت قلبت علي ياسين كده ليه
_ بارده اوى يابت
وبالفعل أوصلها الي الشركه وصعدت وانطلق هو ليوصل حبيبته
صعدت زهرة ولم تجد إلا الأمن فقط واثنان من الموظفين خبطت ع مكتبه ودخلت
_ صباح الخير
وقف هو ينظر إليها بتفكير ثم قال
_ انتي مش ملاحظه حاجه
_ ايه
_ انك زى القمر
نظرت إلي الأسفل بخجل
_ لو سمحت بلاش الكلام ده
_ زهرة انا بحبك حقيقي انا مش عارف عملتي كده فيا ازاى
_ احم الملفات دى مروان بعتها لحضرتك يااستاذ ياسين
اخذ الملفات من يدها والقاها ع مكتبه وحاوطها بيديه خافت كثيرا فاغمضت عينيها
_ فتحي عيونك يازهرة متخافيش مني ، مش هعمل زى امبارح تاني
_ توعدني
_ اوعدك ياحبيبتي كل حاجه وحشه فيا هغيرها عشانك
_ حبيبتك يا ياسين ؟!
_ وقلبي والله عارفه انتي بنتي بحب دلعك اوى انا عمرى مشوفتك بتتدلعي بس متأكد أن جواكي بنوته صغيرة وبحب ضحكتك اوى اوى ولبسك وحجابك والتزامك بحب زهرة من اجمل بستان
همست _ ياسين احنا ف الشركه
_ قولي اسمي تاني كده
_ ياسين بالله اعقل
_ روحي يازهرة روحي ع مكتبك ياختي بدل أما اتهور عليكي
_ هههههههههههه
نظر لهذه الضحكه لثواني ثم قال بجديه
_ هششش الضحكه دى مسمعهاش تاني افرضي حد هنا سمعك
_ عادى
_ لا مش عادي ضحكتك محدش يسمعها غيري انا انا وبس
خرجت زهرة من مكتبه وجدت مروان بوجهها كانت تتحدث معه وهي تمشي بظهرها حتي اصطدمت بأحد أفراد الأمن
_ يالهوى اس
توقف الكلمات ف حلقها وهي تراه أمامها تجمعت الدموع ف عيناه الرماديه وهو يراها أمامه
تعجب مروان كثيرا ولكنها تحدثت
_ انس !!
خرج ياسين يعطي لهم الملفات وجدهم هكذا
نظر لها بغضب فأمسك مروان يده وهمس _ بلاش تتسرع اسمع
_ زهرة ا
لم تستمع له وصفعته بقوة اندهش لها مروان وياسين
_ كنت ايييييه عارف جرالنا اييه من غيرك عارف كنت بموت انا ومريم ازاى عارف مريم جرالها ايه انت ازاى تعمل كده ازاااى يا انس تمشي وتسيبنا وانت عارف انك دنيتنا كلها ازاااى
_ اسف ياروح قلبي اسف يا اجمل زهرة ف حياتي غصب عني والله رجعتلك ياروحي ومش هبعد تاني ابدا
لم يستطيع أن يتمالك أعصابه
_ هي دى شركه ولا ملتقي العشاق انت وهي
نظرت له وقالت _ براحه ع نفسك يا استاذ ياسين
تحدث مروان _ دا مروان اخوها ف الرضاعه وابن عمها كمان وحبيب مريم اهمد بقي مش كده
_ انا اسف يا ياسين بيه هشوف شغلي حالا
، هخلص الشغل واجي اروحك عشان اشوف مريمي
_ روح ياحبيبي شغلك
دخل مروان مكتبه ونزل انس ولم يتبقي سواها معه
_ زهرة متقوليش حبيبي لحد انتي فاهمه
_ لا مش فاهمه انس دا كل عمرى اخويا وابويا وصاحبي
_ زهرة انتي حضنتيه
_ اخويا ياياسين
_ هووووف
_ مش هنعرف نخرج لازم ابقي مع انس اعتقد ان مريم مش هتخليه يمشي النهارده
_ نعم يبات عندكو ازاى يعني
_ انا أخته عادى ، ومريم ههه انا كده اتطمنت ع مريم انت بس متعرفش هما بيحبو بعض ازاى من وهما صغيرين
_ تمام انا همشي دلوقتي ورايا مشوار
_ تمام
خرج ياسين وبعد عدة دقائق كانت تقف بسيارة حمراء وتصعد الدرج وقفت عند مكتب زهرة وتحدثت بغرور
_ فين ياسين
نظرت لها بإشمأزاز
_ مش موجود
_ اممممم طيب هيجي بكرة أمته
_ المواعيد من ٨ل ٦
_ اوك
ورحلت
خرج مروان إليها وجدها تغلي من الغيظ
_ بت مالك
_ البت الملزقه معرفش عايزه ياسين ليه
_ بت ملزقه هههههه اوبس ع الغيرة يا زوزو الحب بهدله والله
_ انت رخم ليه ياض انت
_ ههههههه
في بيت ماجد
كانت تجلس تبكي ع ولدها الذي رحل منذ ٦ سنوات
_ وبعدين بقي معاكي هتفضلي تعيطي كتير
_ ابني يا ماجد عايزة ابني
_ ربنا يرجعو ياأم انس
وتركها ونام لتتذكر هي ابنها وتتخيل كيف صار بعدما مرت السنوات