حكايه زهرة 🌺

البارت الاول

حكاية زهره
تعاني كثيرا منذ أن رحل والديها عن هذا العالم اثر حادث اليم لتعيش أبنتيهما ف جحيم الظلم ف بيت عمهم الذي كان يعاملهم كالخدامات تعمل زهرة ف محل ملابس وتصرف عليه هو وأسرته وتستحمل كل هذا من أجل شقيقتها الصغيرة التي أصبحت لها ام واخت ترعاها ولكن صاحب هذا المحل كان رجلا لا يعرف للأدب طريق يتعامل مع الفتيات بقذارة وفي يوم كانت زهرة اعلي السلم الخشبي ترتب البضائع وكادت أن تقع ولكنه امسك بها
الرجل - حاسبي
تخشبت مكانها فهي تعلم نواياه السيئه تجاهها
زهرة – عديني من فضلك
الرجل - هتحن مسيرك هتحن ياجميل
كانت زهرة تتحمل منه كلماته القذره لأنها لن تحصل ع فرصه عمل احسن من هذه فهي الان تعمل باحدي اشهر المحلات بمول ****** الشهير يعرف عنه أنه للطبقه العليا من البشر جلست تبكي بزاويه صغيره في المحل وفجأة رأت البنات يهندمون ملابسهم ومكياجهم فتعجبت وهي تسمع همه بوصول شخصا ما الي المحل لم تهتم بما يقال ابدا فهي فقط تفكر في اختها وكيف تجلب المال لتسلم من شر عمها
مها – قومي ياموكوسه دا ياسين الراشد بنفسه بره
زهرة – روحي انتي وسيبيني ف حالي
دخل ياسين بهيئته التي تدل ع أنه من أكبر رجال الدوله فقام صاحب المكان له وسلم عليه
الرجل - ياسين بيه نورت المكان
ياسين – متشكر . ها يا سليم شوف انت كنت عايز ايه
وقف ياسين ينظر إلي الملابس المعروضه ف المحل الكبير هذا بإعجاب فكل ما فيه براند عالمي وقف أمام القسم الخاص بالبدلات وهو يختار احدهما
البنت – تحب حضرتك اختار معاك
ياسين – لا
الأخري – تحب تشرب حاجه
ياسين – لا
وقفت الفتايات ينظرن إليه بعشق فهو وسيم حقا أما هو فلاحظ صوت نحيب خلفه فنظر ليجد تلك التي تغطي وجهها بين يديها وتبكي بشدة لا يعلم لماذا ولكنه وجد نفسه يتحدث إليها
_ من فضلك عايز البدله دى
_ تحت امرك يا افندم
أزاحت دموعها وقامت تكمل عملها
_ اتفضل الزرقا احلي لو حضرتك عايز السودا موجودة بس الزرقا افضل
_ لا هاخد الزرقا
تعجب نفسه كونه شخصا جاديا دائما ما يظهر بملابسه الرسميه والتي تكون غالبا بدله سوداء
أما هي فكانت منشغلة باختها كثيرا تخشي عليها وهي بمفردها مع هؤلاء العقارب أبناء عمها وعمها
دفع ياسين الفاتورة وخرج من المول يفكر بها وما سبب هذا الحزن ف عينيها
ذهبت زهرة بعد يوم عمل شاق الي بيتها أو بالاحري بيت عمها
_ مالسه بدرى ياهانم
_ خليكي ف حالك يامرات عمي
_ نعم ياحيليتها واكله شاربه نايمه ف بيتي يبقي كلامي يتنفذ
_ فين الفلوس يازهرة
_ فلوس ! ليه هو انا بنك
_ اه بنك هاتي ٣٠٠جنيه
_ مش معايا
_ يبقي شوفيلك مكان يقويكي انتي واختك غير بيتي
_ دا بيت ابويا اللي انت نصبت عليه
_ ابوكي مين يا روح امك
_ ملكيش دعوه بامي انتي فاهمه
_ اطلعي بره انتي واختك من بيتي لكلاب السكك تنهشكم
_ حرام عليكم بقي ارحمونا
_ يله يامريم متتكلميش معاهم
أخذت شنطتها واختها وخرجت من هذا البيت المشؤم الذي تسبب لها بالالام فقط
ذهبت وهي لا تعلم الي اين تذهب هي واختها
كان هو يجلس ع مكتبه بوقار وهيبه تقف أمامه سماح السكرتيرة الخاصه به
_ ها يا سماح ف حاجه ولا ايه
_ كنت بس بفكر حضرتك بالاعلان
_ ماشي هنزله بكره .ابعتيلي مروان
_ تحت امرك
اراح رقبته ع الكرسي واغمض عينيه فرأها تبكي أمامه فظل يحدث نفسه . ياربي وبعدين بقي ف الايام دى تؤ هي كانت بتعيط اوى كده ليه يعني ! يمكن زعلانه مع خطيبها أو حبيبها ؟
نعم ! حبيب خطيب هي ممكن تكون مخطوبه فعلا
وانت مالك يا ياسين الله ماتفكك
_ يابني انت بتفكر ف ايه
_ ها
_ ايه مالك
_ تؤ مفيش المهم نزل اعلان مطلوب سكرتيره تكون متفرغه ومتعلمه
_ تمام
_ انا ماشي ورايا مشوار مع ماما عند الدكتور
أما زهرة واختها فذهبت بها الي بيت صديقتها ملك
_ معلش يا ملك بس معرفتش اروح فين
_ ولا يهمك ياحبيبتي انتي تنورى والله
_ انا بكره هشوف شقه صغيرة أن شاء الله
ونامت مريم وهي تحتضن اختها زهرة وظلت زهرة تفكر حتي غلبها النوم
ذهب ياسين مع أمه الي الدكتور الخاص بها واطمئن عليها وذهب بها الي الفيلا
_ هطلع انام
_ ماشي يا حبيبي
وصعد إلي غرفته وهو يفكر بها حتي غلبه النوم
صباح يوما جديد استيقظت زهرة وارتدت ملابسها وذهبت الي عملها واستيقظ ياسين وذهب الي الشركه
في محل ****
_ فين مها وهبه
_ اجازة النهارده وهبه ممكن تيجي بس متأخر
دب ف قلبها الخوف والرعب من نظرات هذا المخلوق لها فتركته وذهبت الي المخزن
كان المخزن عباره عن غرفه صغيرة ولها باب في اخر المكان بعد نصف ساعه كان هو يقف خلفها ويمرر يده ع ظهرها فاتنفضت هي من مكانها
_ انت اتجننت ولا ايه
_ اووووى مش قادر استحمل صاروخ ارض جو واقف قصادى
_ انت قليل الادب وحقير ياواطي
_ مهو انتي لو ملينتيش دماغك هتبقي ف الشارع ياقطه
_ انا اصلا مستحيل افضل هنا
امسك يدها وحاول الاعتداء عليها ولكنها قاومته ظل يجذبها من ملابسها ومزقها ولكنها سترت نفسها بحجابها وركلته وتركته يتألم وخرجت
كان ياسين ف سيارته متجه الي الشركه ولكنه وجد نفسه متجها الي المول  وراي ف المرآه بنت تجري
بخوف دق قلبه بشده وهدأ من سرعته حتي يراها
انتفض قلبه خوفا عندما رآها تجري هكذا أوقف السيارة ونزل فالتصقت به ولم تنتبه أنه هو فاعتذرت منه ولكنه امسك زراعها
_ أهدى
_ حضرتك انا اصل
كانت أكتافها ظاهرة من تمزيق الثياب فخلع الجاكيت والبسها إياه
_ انا ارجوك خدني من هنا بسرعه
_ طيب اركبي
وذهب بها الي الشركه
أما صاحب المحل فقد توعد لها وعمها يبحث عنها فهي مصدر للأموال له
ذهب بها الي شركته العملاقه المليئة بالحرس وصعد بها الي مكتبه
_ سماح ابعتيلي عصير لمون
_ حاضر
_ اهدي بقي خلاص اهدي
بكت وبكت حتي انفطر قلبه عليها ما الذي حدث لها حتي تكون بهذا الحال
_ طب كفايه دموع اشربي اللمون
_ لا انا همشي متشكرة جدا
_ الكلمة بتتقال عندى مرة واحده اشربي المون واحكيلي اللي حصل
_ لا اص
_ مش يمكن قتلتي حد ولا سرقتي حد ولا اي مصيبه
_ الحيوان اللي ف المحل ده حاول يعتدي عليا وهربت منه بالعافيه ارجوك انا خايفه جدا
_ طب اهدي وبعدين المول ده كل اللي شغالين فيه ناس معينه معروفين عشان يجذبو رجال الأعمال انتي اهلك ازاى سم
_ الله يرحمهم لو عايشين مكنتش انا واختي اتمرمطنا وعمي بهدلنا وطردنا واترمينا ف الشارع
انا لازم امشي
_ ياسين انا اوبس اسف معرفش أن معاك حد
_ تعالي يامروان
_ كنت بس بقولك ع الاعلان
_ اممم
نظر إلي زهرة بتفكير ثم قال
_ زهرة انتي درستي لحد ايه
_ أولي تجارة
_ مروان انا عايز ف يومين تكون زهرة بتعرف تعمل كل شغل سماح وهتستلم مكانها
_ نعم ! انت مش قلت عايز واحده متفرغه ومتعلمه وبعدين سماح هتتجوز ولسه شهر  ع أما تمشي من الشركه
_ مروان انا قلت كلام يتنفذ
_ تمام اللي تشوفه . احم ساره هانم عايزاك ضرورى انا هروح اشوف شغلي والانسه تقدر تنزل تدريب من بكرة معايا أن شاء الله وف الاسبوع ده هكون أنجزت مهمتي
_ انا لازم اروح يا استاذ ياسين حالا
_ هبعت  معاكي حارس يوصلك
_ لا لا مش هينفع انا ومريم قاعدين عند صاحبتي وممكن حد يتكلم
_ نعم !
_ هاجي بكرة ف معادى بإذن الله السلام عليكم
  وتركته وخرجت من المكتب ورجعت الي بيت صديقتها وحكت لها ما حدث
في الشركه
_ ها يا سليم كل حاجه تمام اجتماع بكرة
_ تمام انا لسه جايلي الرساله أنهم هيكونو هنا بكره
_ مروان انا هبقي ف الاجتماع وانت هتتولي مسؤوليه زهرة وتعليمها
_ تمام
_ مين زهرة
_ مش وقتك ياسليم يله عشان ماما مستنيانا
هو بلال جه ولا لسه
_ اه
_ يله انت وهو خلصو انزلو قدامي
ونزل ياسين ومعه أخيه وصديق عمره وقاد بلال السيارة
_ بلال روحت زى أما قلتلك
_ كل المعلومات اللي قدرت اجمعها بعتهالك ع الوتساب يا باشا
في بيت ملك كانت تجلس مريم وملك ويتحدثان مع زهرة
_ والله كتر خير الراجل
_ اسكتي دانا مرعوبه دا مفيش نفس بيطلع دا السكرتيرة كحت كان هيقتلها
_ يا بنتي كل الناس التقيله ف البلد كده تعبو عشان يوصلو فأكيد هيحافظ ع الكيان ده
_ اه عندك حق ياملك وبعدين يا زهرة متخافيش انتي اهم حاجه تركزى ف شغلك بس
_ زمان عمك قالب علينا الدنيا
_ يولع هو ومراته يارب وعياله
_ ههههه قومي يابت ننام دانتو فقر والله
أما في غرفت ياسين يجلس ومعه والدته
_ بس هو ده اللي حصل ياامي وقلت لمروان يعلمها
_ تصرف صح جدا ياحبيبي هو غريب شويه منك بس صح
_ ياامي انا مش شرير اوى كده بس انا لازم ابقي جد قدام كل الناس انتي عايزاهم يقولو عليا الهفأ
_ مش ناوى تفرح قلبي وتتجوز بقي
_ جواز ! لا ياامي انا قفلت الصفحه دى من زمان
_ يعني لو هي مكانك كانت هتفضل كده
_ امي انا كنت بحبها جدا وكنت هحدد معاد الفرح اكتشف انها بتخوني طب ليه ؟
دانا كنت مستعد اديها عيوني وامشي اعمي
_ وعشان هي مش كويسه ربنا كشفهالك وهيعوضك قريب انا متاكده
_ ماشي ياست الكل يله ننام
_ هشوف سليم وانام .تصبح على خير
ونامت زهرة بعد معاناه التفكير في مستقبلها أما ياسين فقد تذكر ذكرياته مع حبيبته السابقه وغلبه النوم فنام
لتبدأ مغامرة جديد بين عقله وقلبه في أحلامه
كان يحلم بها وهي تقف بعيدا وتبكي وبجانبه فتاه أخرى تبكي
_ انت ليا انا انت فاهم
_ انتي بتعملي ايه هنا انتي مش مشيتي
_ رجعت ليك تاني
_ زهره اتكلمي سيباها تتكلم ليه
_ مش ببني سعادتي ع حد انا لو بموت فيك مش هبني السعاده ع حسابك لو انت بتحبها ارجعلها
_ زهرة انا مش بحب دموعك دى ارجوكي
_ انت بتكلمها كده ليه متولع ركز معايا انا نا حبيبتك
_ ابعدي عني
_ انا همشي يا ياسين
_ زهرة استني متمشيش انا ب
وقطع حلمه صوت سليم
_ انت ياعممممم
_ ايه ايه
_ الساعه ٨ الاجتماع والملفات قوم ياخويا
في بيت ملك استيقظت زهرة وملك واستعدت زهرة للنزول الي عملها الجديد ارتدت جيب سوداء واسعه وعليها بلوزة ورديه وحجاب ممتزج بين الاسود والوردى وخرجت من البيت وذهبت الي الشركه
كان مروان بانتظارها
_ تأخير ٣ دقائق وربع عارفه لو ياسين هنا كنت اترفدتي
_ اسفه جدا يا استاذ مروان
_ لا انا بهزر بس خلي بالك عشان ياسين بيحب النظام جدا
_ تمام حاضر
_ تمام نبدأ اقعدي هنا ع المكتب ده مكتبك هتنوري جنبي هنا لحد اما سماح تمشي وهتخرجي مكانها
_ تمام
بدأ مروان ف تعليمها وكان يتوقع أنه سيواجه صعوبه ف ذلك ولكنها ابهرته بسرعه فهمها وذكائها
وصل ياسين الي الشركه وصعد إلي مكتبه ولكنه ف قمه غضبه
_ سماح فين مروان
_ ف مكتبه يا افندم
_ تمام
ذهب ياسين الي مكتب مروان واستمع الي صوت ضحكاتهم
_ معلش هقطع المرقعه عايز ملف الميزانيه
نظر إليه مروان بتعجب
_ ماشي يا ياسين هجيبهولك
_ دلوقتي
_ تؤ خد الملف اهو يا ياسين من فضلك عندي شغل
_ واضح
كانت زهرة ع وشك البكاء ولكنها تماسكت
_ اه نسيت اقولكم بالليل ف عشاء عمل وزهرة هتكون معايا بدل سماح .
في بيت عمها كانت زوجته تتحدث معه
_ وبعدين يا ماجد مبقاش فيه فلوس انت تنزل تدور ع البت وتجيبها
_ حاضر هدور
_ مفيش اخبار عن أنس يا ماجد ابني وحشني اوى
_ لا مفيش
_ ااااااه يا وجع قلبي عليك النهارده عيد ميلاد أنس ال ٢٣ يا ماجد بقاله ٦ سنين غايب عن حضني الله يسامحك طفش بسبب معاملتك ليه حرام عليك ضيعت ابني
_ يوووووه بطلي بقي الاسطوانه دى انا تعبت
مساء في بيت ملك كانت تقف بجانب زهرة_  ها هتلبسي ايه
_ مش عارفه
_ اممممم بصي ياستي الفستان ده انا اشتريته وطلع ضيق عليا
_ وااااو حلو اوي بنفسج لوني المفضل
_ طب يله البسي
بعد عشر دقائق كان هاتفها يدق برقم لا تعرفه
_ السلام عليكم
_ وعليكم السلام ، قدامك دقيقه تكوني قدام الشارع بتاع صاحبتك معرفش ازاى
وأغلقت بوجهها فغضبت كثيرا
_ مغرور داهيه تخدك
_ هههههه معلش يله روحي ومتخافيش ع مريم
خرجت زهرة تتفشكل بفستانها فهي لم تعتاد ع هذا الكعب الرفيع أو هذه الملابس ولكنها كانت جميله كالاميرات جعلته ينظر إليها بإعجاب واسرته حتي الممات
_ اوبااااا ايه الجمال ده ياسندريلا
_ مش اوى كده يا استاذ مروان من ذوقك بس
_ خلصتو غزل ولا ايه
_ مسمحلكش ع فكرة أنا محترمه غصب عن اي حد
راي مروان أن الجو أصبح مشحون بالانفعال فتحدث
_ اتأخرنا ع فكرة جدااااا
ركب ياسين سيارته وانطلقوا الي احدي المطاعم الفخمه والتقا بالمندوبين
_ تحياتي مستر ياسين
_ تحياتي مستر ميشال ،تحياتي آنستي
استقبلته بيلا بالاحضان فنظرت لها زهرة بإشمأزاز فنظر ياسين إليها ببسمه لم تفهمها
_ اووه ياسين الراشد تبدو في كل مرة وسيما اكثر من الأخري
_ هههههه هذا لطفا منك بيلا
تحدثت زهرة بهدوء الي مروان
_ مش نخلص ولا مرقعه وخلاص
ولكنه سمعها فضحك أكثر عليها وجلس وجلست هي ومروان جانبه وبيلا ع الجانب الآخر
بعد قليل كان الطعام أمامهم ع الطاولة وبدأ يأكلون وهم يتحدثون حول أمور الصفقه انتبه مروان أنها لا تاكل
_ زهرة كلي تحبي اطلبلك حاجه غيره
_ لا لا هاكل
_ لماذا لم تأكل السكرتيرة الخاصه بك سيد ياسين ولماذا يبدو عليها الحزن
اوشك ياسين ع الانفجار من اهتمام الجميع بها وخاصتا هذا الذي يتفحصها منذ أن رآها
_ لا تشغل بالك بها سيد ميشال
_ جميلتي هل انتي مريضة
ردت زهره بتوتر قليلا
_ لا سيد ميشال انا بخير لنمضي العقود تأخرنا كثيرا
_ حسنا
وبالفعل اتممو الاتفاق ورجعت زهرة الي بيت ملك بعدما أوصلها ياسين ولم تتحدث معه بأي حرف مطلقا
كانت مريم تجلس أمام صورة وتبكي بشده
_ مريم كفايه عياط
_ كلهم راحوا يا زهرة ماما وبابا وحتي أنس انا عمري مهحب حد غير أنس يا زهرة وعمرى ما هدعي غير اني اكون مع انس نفسي اتطمن عليه بس قلبي حاسس أنه كويس واني هشوفه قريب
_ يااااارب فينك بس يا انس منك لله يا عمي