رفقاً بما تبقى مني
الجزء الأول :دموع طفلة يتيمة
الكاتبة:Fatima Z- F
دخل لصالة لقا باه و خوتو كيصليو و خوتاتو لصقو عليه يعنقو فيه و يبوسو وهو كيضحك معاهم من شافوه هكاك حمدو الله و شكروه و تا هما مجبدو ليه حس البارح هضرو وضحكو عادي ... باه كل مرة يعنقو و يضحك معاه بغاو ينسيوه فالبارح و معودوش سولوه علاش دابز مع نوفل وخلاوه على راحتو ...
فطرو فجو عائلي لا يخلو من الضحك و سيف راسم ابتسامة على وجهو ولكن تفكيرو كلو مع الماس، بقا مجمع معاهم تا سونا تيليفون بانت ليه خديجة لي طلباتو يجي عندها دااابة، تخلع وركابيه فشلو عليه كيصحاب الماس وقعات ليها شي حاجة، طمأناتو لالة خديجة وقاتليه غير موضوع بغيت نهضر معاك فيه... توجه عند مو قالها غادي نخرج شوي و نرجع مو قلبها تزير عليها وخافت عليه لكن باه عطاه الادن و قال لمراتو خليه على خاطرو.
وصل لباب دار دق حلات ليه رغد بنت خديجة دخلاتو لداخل لقا لالة خديجة كتسناه سلم عليها و سولاتو كيف بقى طمأنها و قاتليه كلشي داك شي لي وقع من دخل لدارهم وكيف فكات لحريرة لي كانت غطيح على راسهم.
سيف بقا غير حال فيها فمو و كيف جاتها الفكرة و قلبات كلشي لصالحو وكيف دخلات ختو فالموضوع رغم هدشي كامل معجبو حال من دخل ختو صغيرة فصداعو و مشاكلو و لكن على وجه الماس غمض عنيه.
خديجة: اوا عرفتي شنو وقع اسيدي ليوم
سيف بتسائل : شنو وقع..
خديجة : بشيت عند الحاجة نشوف شنو تحت راسهم ،قالك اسيدي الحاج جرا على نوفل و سيفطو لعيون يكمل قرايتو تم و يكون راسو عاد يجي عندو يطلب سماحة... سيف مصدوم معرف ما يقول.... وشنو كتصحابني جبدت ختك فالموضوع غير هكاك راني عارفة الحاج محمد عندو معزة كبيرة لباك و لا عرف ولد ولدو قال هاد لكلام على بنت صاحبو راه يقلب عليه دنيا ،اوا هنتا شتي شنو وقع.
سيف حل فمو فيها: زعمة تبارك الله عليك و الله وخا مبغيتش ختي دخل فالموضوع و لكن معندي منسالك.
.
خديجة: فاهمك اولدي مهم عيطت عليك على هضرة اخرى خاصني نقولها ليك بغيتك تحل ودنيك و تسمعني مزيان.هضرتي مهمة و ما هي ديال تعياب.
سيف : الله اسمعنا خير.
خديجة : سيف راك فمقام ولدي و ربي لي شاهد عليا معزتك عندي كبيرة و نبغي غير مصلاحتك، منغركش اولدي انا نهار الاول من شتك مع الماس عرفت مغديش يدوز هادشي بخير وهي عايشة وسط دياب، البنت اولدي مزالا صغيرة و معارفة والو فهاد دنيا واول واحد حن فيها بعد ولديها هو نتا و هادشي علاش تعلقات فيك ودارتك فمقام باها عبد المغيث الله ارحمو، راك شتي صداع بدا و المشاكل غادي تقوى من هنا لقدام
YOU ARE READING
رفقا بما تبقى مني ..(الجزء الاول " دموع طفلة يتيمة ")
Novelleغادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس ....... هي لا تتكلم مثلما تتألم ، فهي تستقبل العتاب عن اقتناع وتستع...
