غادر الرضا النفس الطيبة ، وماتت الحياة الباسمة . فما عاد سبب يستحق الحياة ، فالضمير يتألم وتسمع الأعماق صرخاته وعويله ....هي تجتدي النجاة فقد ضل اللقم وضاع منه قنديله بين ضباب الطقس .......
هي لا تتكلم مثلما تتألم ، فهي تستقبل العتاب عن اقتناع وتستع...
رواية :رفقاً بما تبقى مني... الكاتبة:Fatima Zahra Fallaka الجزء الأول : دموع طفلة يتيمة الفصل6: دازو ليام عند ناس بحال بحال وعلى الماس كحلة زحلة ، تمنات تنعس و ترتاح و ملقات فين ترتاح لي يشوفها ميعطيها عمرها كبرات على عمرها و تمارة عوجات ليها ضهر وهي مزالة طفلة .بحالها كيلعبو و لا بشاو لروض يقراو وهي على تمارة و لعصا صبحات. وصل صيف و كيف ديما علي صباح محنية على صابون كتصبن حوايج جداتها و جدها و عمتها بقات تفرك تا سمعات شي حد كيصفر وراها هزات راسها و شافت فلخيال لي فسطح ديال دار حداها، هزات عينو فيه بان لِها دري كبير تكون عندو ديك 17 سنة كيشوف فيها و فالبانيو لي كانت محنيّة عليها عامر حوايج عاود هز عينو فيها و تبادلو نضرات بلا ميتكلم تا واحد فيهم هبطات راسها و عودات علات عينها فيه بان ليها هاز كتاب فيديه تحنحن الولد و قال -شنو كديري. بقات ساكتة و مجاوبات ما تحركات عاود سولها و هي ما ردات عليه -واش صمكا و لا زيزونة. مرداتش عليه بدا كيدير لها اشارة باش تفهمو لكن عاود مردات عليه و تا هو سكت و بقا كيشوف فيها شاف حوايجها لي مسخين و منقطين بجافيل شاف زيف لي ملوياه على راسها و داز لعنيها لي مقدرش يبعد عينو عليها اول مرة كيشوف داك اللون اخضر فاتح تسحر بعيونها شاف وجها حنيكاتها حمرين فيهم لوسخ نيفها لي دايز بالما و جبهتها لي فيها لعرق ديال تمارة لي دوزات عاود شاف في لبانيو لي حداها عامر بحوايج صغر عنيه و كيحاول يفهم اش كانت كدير . شوية حل عنيه على وسعهم بحال لممتيقش و قال -واش كتصبني؟ -تلفتات الماس لبانيو لي حداها كأنها نسات فين هي بزربة رجعات تحنات على لفراكة لي وسط البانيو وبدات كتصبن بلا متقول تا كلمة. بقا كيشوف اش كدير من تحنات على البانيو وبدات كتصبن حل فمو فيها و فكل حركاتها ممتيقش هادشي كيسد عينو ويعاود يحلها كل مرة و نفس صورة كترجع بحال ممتيقش ان هاد الطفلة لي طولها واصل نص فرجلو كتصبن كاع دوك الحوايج، بقا مراقبها بلا ميدير الحس كيشوف العرق لي تكون على جبهتها و صدرها لي كيعلو و يهبط و تنفسها السريع ، بقا مقابلها تا شلات كاع حوايج و هزات راسها و هي شادة ضهرها و مغمضة عنيها بالعيا شوية حلاتهم و ضارت عندو لقاتو مزال واقف كيشوف فيها، تبادلو نضرات مع بعضياتهم و عطاتو ضهرها هزات كرسي طويل جابتو حدا نشار و بشات كتنشر لحوايج تا سلات كلشي، جمعات و طرفات لبلاصة في كانت صبنات يالله حطات رجل في دروج و هي تسمع صوتو قال - فين هما والديك تحجرات في بلاصتها و دموع غطاو عليها رؤية و دارو خط على حناكها، هو تصدم من ردة فعلها و عاود سولها. -واش كتقدري تهضري. جاوبتنو و صوتها مخنوق بالبكا: بابا و ماما ماتو زاد تصدم كثر بغا يزيد يهضر معاها و قبل ميحل فمو هبطات و خلاتو مصدوم وراها بقات عينو فالبلاصة لي كانت كتصبن فيها شوية نفض راسو و هبط لتحت لقا الوالدة ديالو في كوزينة كتوجد لفطور. -الوالدة صباح لخير -صباح خير ولدي واش كنتي كتحفض فسطح. -اه الوالدة ما بقا ليا والو ندوز الجهوي دعي معايا. -الله يسر ليك و ينجحك يا ربي انشألله نقطة الاولة كيف ديما. -انشاءالله الوالدة فين هو الواليد. -راه فصالون سير عندو. دخل عند باه لصالون باس ليه راسو و يديه. -الله ارضي عليك اولدي. -امين الوليد -اولدي يالله و صلتي لبارح واش معِتيش من الحفاظة فايق بكري على الكتوبة عوتاني. -الوليد راه مابقا والو لجهوي خاص ضروري من لحفاظة. -الله يسهل عليك اولدي راك هاز بيا قدام ناس ديما نقطة الاولى تبارك الله عليك، وخا عامين و نتا غابر علينا فديك مدرسة داخلية لي فكازا -ههههه معدنا منديرو الواليد الحبس تم بحال لحنا فالعسكر. دخلات الام بي بلاطو فيه اتاي و القهوة :الله اسهل عليك اولدي لحبيب. -امين الواليدة، فين دراري مغاديش يهبطو يفطرو. -الاب: ههه شكون غادي يفيق مع هاد صباح من غيرك -هههه اوا خليهم بصحتكم بداو كيفطرو و يضحكو مع بعضياتهم تا تفكر البنت لي شاف فسطح. -الواليدة بغيت نسوك. الام:ايه احبيبي سول. -عمي محمد جارنا لي لرياض ديالو لاصق مع ديالنا، واش عندو شي بنت زعرة مزالة صغيرة بهاد طول (دار ليهم اشارة بيديه زعمة قد هاكا) الاب و الام شافو في بعضياتهم و سكتو، شوية تنهد الاب و قال -كتهضر اولدي على الماس -ايه سميتها الماس الام؛ ونتا فين كتعرفها -لا مكنعرفهاش غير من كنت كنحفض لفوق قلت نطلع نكمل الحفاضة فسطح و هي تبان ليا كتصبن و هي مزال صغيرة ما فهمت والو. الاب:لا حول ولا قوة الا بالله عينا منهضرو مع الحاج محمد و تقول ولا بغا يحشم و لا تبقى فيه ديك البنت اليتيمة. - انا كنصحابها مكتهضرش حيت سولتها اش كدير و مجوباتنيش و من كانت هابطة قلت ليها فين والديك و هي تغرغرو عنيها بدموع و قالت لي ماتو صراحة بقات فيا واش بها هو سي عبد المغيت الله يرحمو الاب:ايه اولدي بنتو هاديك الام: ايه هضرتي معاها كاع.....
Oops! This image does not follow our content guidelines. To continue publishing, please remove it or upload a different image.
