خسـرته 💔

8

الحلقة 8

قالولي خرجتي ᓅ ظلام وعليا سولتي ، ᓅ غياب القمر بعيونك ضويّتي ، قالولي عليك نجمة ، يانجمة ما بنتي ، وين كنتي هذا شحال، قولي لي علاش هربتي...
حلفت مانزيد نسال، على اللي يهجرني
والعين اللي بكات، محال تسامحني
علاش يا قلبي، هواك غدرني
راني مجروح، شكون الي  يداويني...♥️

البـاب طـق
مشي عمار فتـح لقاها سلمى واقفـة بِكل ثقـة ومبتسمة بكل وقاحة^_^
بس مش سلمـى الي واقفـههّ 〥 ، وحدة تانية
وحدة مُختلفـة جداً  لبسها ضـيق مكيـاج تـام
وزادت حلاوتهـا اكتر ! وقلب عمـار زاد حبها
مديت يدي : مبروك يا عريس ☺️
عمار قعد مصدوم فترة وبعدين مد يده : يبارك فيك
خشيت للحوش بِكل ثقـة عادي ماه كان حوشيي 🙂
بديت نفتح ᓅ الغرف ونشوف ᓅ صغاري ويـن مالقيتهمش تجاهلت أبرار تماماً ..
شبحت لـ صفرة الفطـور لقيتها عادية وبسيطة جداً
كم حبة زيتون ، شاهي ، قطعتين جبنـة ، وشويـة خبزة بس كانت مرتبتهم ترتيبـة حلوة 🖤
شبحت لـ عمار مرة تانية لقيته مركز ᓅ كل تفاصيل جسمـي ومركز ᓅ شفايفي كيف نتكـلم شكله وكأنه يتحسر وحسيت أنه مصار شيء بينه وبين أبرار ..
للحظة حسيت بالنصـر ..👌🏻

"المشكلة مش في إنك غالط ، المشكلة في إنك مش حاس بـ الكوارث اللي تصنع فيها يدك"...

قربت مني أبرار ومدت يدها وقالت : اهلين
سلمت عليها بكل برود وبطرف صبعي : شكراً وتلفتت لـ عمار ،: وين صغارنا ؟
كلمـة قُلتها عمداً باش نقهر أبرار ونزيد نخلي عمار يتحسر ...
رد عليا وكان واضح عليـه الـتوثر : اا ؏ عند خوي قاعدين
رديت : اوككِ بنمشي ناخدهم بيقعدو معاي يومين لأن ح نقعد ᓅ حوش اهلي يومين وبعدين تعال وخودهم
عمار هز راسه بدون ولا كلمة
طلعت واني حاسـة بطعم النصر
حاسـة بفـرحة لحد اليوم مش عارفة علااش حسيتها !
ركبت السيارة ومشيت جبت صغاري ومشيت لحوش اهلي

"تعلموا ما تاخدوش سعادتكم على حساب تعاسة غيركم أرجوكم ، الشعور اخيييه ويقتل كل حلو درتوه" !!!

عند أبـرار وعمار >
أبرار كانت واقفـة ومصدومـههّ باللي صـار وقاعدة تشوف لملاح عمار كيف كان شعور الندم باين عليه
دموعها طاحو ؏ خـدها مستحهم ؏ السريع وخشت لـ غرفتها
كيف ماكلمنيش ! كيف ماشبحليش !  هو شاف لما سلمت عليا ببرود ! وشاف لما تجاهلتني ! وخشت لحوشي بدون مايتكلم ولا ينطق ..
أحياناً البني أدم يتسـرع وياخد قرارت ᓅ لحـظة ضعف 👌🏻 لازم لما ناخدو قرار مصيري نـاخدوه بعقلنا مش بقلبنا ..

كانت تردد ᓅ بالها "منوعدكش نقعد ، منوعدكش نتحمل أكتر "...

أما بالنسبة لـ عمار ᓅ كان قاعد في الصالة
يـدكر ᓅ ملامح سلمـى وتفاصيلها !
حركاتها ، صوتها ، عيـونها ، عفويتها ...
كُل شيءء خاص بيها مرسوخ ᓅ عقل عمار
يحبـهها حُب مش طبيعي ، حُب الأم لطفلها الوحيـدد !
حُب الكاتب للقـلم ...
زعما ماعطيتهاش حُب كافيي ! مرات أني ماهتميتش بيها !
هي زعما حست بحبي ؟ ما يوصلهاش صوت قلبي ؛ ماحستش  اني مستاحشها  ؟

هدا الي كان ᓅ عقل عمـار ...

وزاد نـدم انه تزوج أبـرار ...

زعما توا ح ينقلبو الأدوار !
يبدا عمار هو الظالم وأبرار المظلومة ؟

خش عمار دار دوش وبدل وطلع خلى أبرار في حَالة ..💔

عندي أني كنت مستاحشـة صغاري مـوت خديتلهم العاب وحلويات وكل الي ᓅ خاطرهم فيـه ! بس تعرفو شن الغريب ؟
الغريب أن كانو كل دقيقة يسألوني عمتي أبرار وين !
معقولة غبت شهر أبرار خدت مكاني .. زاد حقدي عليها رغم ان ماشفتش منها إلا كل خـير
بس فكرة ان خدت مكاني مضايقتني ومحسستني بالغيـرة 👌🏻🥵
روحت لـ حوش أهـلي قعمزت بحدا أمي وجنبي صغاري يلعبو ب الألعاب وكنت سارحة ᓅ عالم تاني !
زعما تسرعت ؟ زعما الي درته صح او غلط ؟ صغاري اكيد مَحتاجيّـن ليا توا أكتر من ٲჂ̤ وقت تـاني ...
بس شن ندير مثلاً نرجـع لقرف عمار 〥 مستحيل ..

بس صدقـوني القـرف مع سيف مش مع عمـار ..
عرفت الشيء هـدا بعد ما فات الـوقت والندم مش ح ينفع .. كيف ماتعرفو أن الي أنكسر مستحيل يتصلـح 😤🙍🏻

مرر الوقت وما حسيتش بيـه مع صغاري
أما بالنسبة لـ سيف ᓅ عليـههّ السلام ! ماتصلش بكل ولا بعت مسـج لين بادرت أني و أتصلت
رنيت مرة تنين التـالتة رد : هلا حبيبي
رد عليا : اهليـن شنجوك !
أني : بخير خيرك 〥 سئلت 〥 أتصلت شن فيه ؟
سيف : الشغـل فوق راسي حبيبتي سامحيني ...
ضحك عليا ب كلمتيـن زي الطفلـة .. ترضى بطرف شكلاطـة ...
هدرزنا شويا وصكرت منـه ودوشت لصغاري وكل دقيقة نبوسهم مستاحشتهم موت ...
في النهايـة اني أم ومهما نكون قسيت ودرت ح نحن لصغاري ...
جـي الليل لميت شعري فـوق ودرت لوشن لجسمي ونيمت بلقيس وباسم ؏ السرير وغطيتهم وجيت بحداهم ومعاش نندري على روحي ...

____

عند عمار قعـد ساعات وهو يلف بالسيارة ويمشي للقهوة يدخن طرف ورا طرف الندم ياكل فيهه قاعد يحبني ويموت ؏ التراب الي نمشي عليها

تعرفو شن معـناها الحُب من طرف واحد !
يعني تحب ، تتوجع ، تبكي ، تحس بالغيرة ، وكلله من طرف واحـدد !
هدا الي يحس فيه عمـار ..
لأن عمار هو الي حب وتعدب وتحمـل وتعب ؏ خاطر سلمـى ، ؏ خاطر يشوف ضحكتها بس
يبيها ترضـى عليـه ...
بس هـي مارضتش ولا بادلاته  شعوره ..🤍

روح عمار للحوش وراسـه مصدع من الدخان لقاه نظيف وريحته بخـور و الإضاءة هـادية !
خش لغرفته خدي حوايجـه بدون مايشبح لـ أبرار ..
أستخسر فيها حتى السلام !
بدي يحس أن الدنب كله منـها هي !🤷🏻‍♀️
خدي دوش سـاخن وبدل حوايجـهه ورقد ᓅ الصـالة ...
ولا قال نشوف أبرار ولا نسأل عليها

غمض عيـونه وهو يفكـر والنـدم قريب ياكلـه ..
زعما ضيعت سلمى ؟ زعما هي مرتاحة توا معاه ؟
به و أبرار كيف بندير بيها ؟ ح نظلمها أني هكِي ..
بس مش قادر ... صورة سلمى بين عيـوني .💔
الي ندير فيه توا لـ أبرار نفسـه داراته فيا سلمى ..

زعما لما تحب إنسان أكتر من نفسـك يبدا الطرف التـاني في باله أنه مستحيل يزعـل ولا ح يتخلى  لأن هو ببساطة يحبني أكتر من نفسـه 👌🏻
هـدا علاش لازم تحب نفسكك أكتر من ٲჂ̤ حد !!
نفسك هي الأهم ...

________>

مرت الليلة على عمـار كأنها سنـةة ...
عيونها ، ضحكتها ، حركاتها
مش مفارقين عقلـههّ !👀

........

ياليالي روحي لحبيبي وناديه وامانه عليك تقوليلو حالي ايه ؟

يُتبـع