خسـرته 💔

2

خسرته 2

اووف ! كسرة ورا كسـرة !!
كنت نفكر في الي درتـه ! يعني معقولة الإنسان تكون عنده الرحمة معدومة ؟ حتى لو الشخص الي قدامه مايحباش ؟

درت دورة ف الحوش القيت عزوزتي راقـدة قعدت نتأمل فيها ونفكر " كيف ولاداها هملوها لدرجة هادي ؟ عابين ع عمار مثلاً ؟ هُما قريب يلوحوها..😒
ونفكر في مُعاملتي ليها ..

مشت سلمى بخطوات ثقيلة لغرفتها وخلت الكوجينة كلها اماعيّن ورقدت

ثاني يوم الصبـح نضت ع صوت دوشة ف الكـوجينة
لقيت بلقيس وباسـم يلعبو قدام بوهم
وعمار يغسل ف الماعيـن الي خليتهم أمس

يعني بعد كل كلامي الجـارح هـو يحن عليا ؟ ويحاول ع قد مايقدر انه يخفف تعبي ؟🥺

اني تنهدت : صباح الخير
عمار شبحلي وأبتسم : صباح النور ياروحي اهو وتيتلك الفطور
اني شبحت لصفرة : محسسني حاجة مقومة وهي كلها ع بعضها جبنة وخبزة
عمار خدي لولاد في حضنه وطلع بدون مايكلمني
بس اني مادرتش له أي أهمية ...

فطرت ولميت الماعين وغسلتهم ومشيتلـه لأن فعلاً حسيت روحي زودتها !
اني : انتَ فطرت ؟
عمار : اي فاطر الحمدلله انتِ فطرتي ؟
اني : اي فطرت وجيت قعمزت بحـداه
عمار زاد قرب مني وباسنـي ..
غمضت عيوني بقـرف وصار اللي صار 🤦🏻‍♀️😖

عمار : شن رايك انوضو انديرو دوش ع السـريع ونطلعو نتغدو بـرا ؟
أني شبه فرحت وقلت يمكن يتحسن الوضع اشوي هزيت براسي بمعنى مـوافقة 🙃
درنا دوش وبدلت لصغار ونزلنا ..
جي عمار بيولع السـيارة مابتش تلـوع ! ياسلام هدا الي ناقص توا مستحيل تكمل فرحتي

اني : هدا الي ناقص توا
عمار : اوكِ يا سلمى اني نحاول نحسن الوضع بينا وانتي مش عاجبك شيء توا ناخدو تاكسي ولا أين حاجة تعالي ..

نزلنا خذينا تاكسي واني ع عصابيي 😣وقريب بنطربق 👀

مشينا لمكان فيه ألعاب لصـغار وكان معبي وزحمـة
عمار يلعب في بلقيس وباسـم وفرحان بيهم

قعمزت ع الكُرسي واني نتأمـل فيهم كيف كانو يضحكو وفي قمة السعـادة مع بوهم

وفي الجهة الثانية راجـل مع مـرته واضح عليهم مرتاحين في عيشتهم ، صغارهم تلعب فيهم الشغـالة متعهم ، وهُما مقعمزين في قمة الرومنسيـة !
زدت قرفـت منه ومن عيشتـه واهني بديت نقـارن !💔
وبديت نتعدب اكتر وأكتر ....
وفكرت لين قطع عليا صوت عمـار ينادي فيا : تعالي نمشو نتغدو الصغار جاعـو ❤️
اني هزيت رَاسسي ووقفت وشفت للعيلة الي قدامي بنظرة حسد وقهر
تنهدت ومشيت ...
نزلنا للمطعـم وخدي المينيو ..
قالي : خليني اني نختارلك ع دوقي ❤️
اني بدون مانشبحله : محسسني انتَ عندك دوق ؟ خليني اني نختار ، انتَ بتختارلي الأرخس شيء .🙂
عمار حط المينيو ع الطاولة بكسرة وبدي يلعب ف الصغار ...

اختـرت اني كل الي في خاطري فيه وأغلـى شي خديته 🙄
تعشينـا وكملنا ، وجي هو بيخلص لقي ناقصاته 50
تفركس في بعضه ونحط في موقف مُحرج !
أتصل بصاحبه ع طـوول ! وقاله نبيك ب 50 جني ونردهملـك .. أمتا يكون عندي
ثواني وجاه صاحبـه تسلف منه وطلعنا
وطول الطـرق واني نق ع راسـه
اني بديت نعيط : لو عارف من البداية مش ح تقـدر تدفع اعلاش جيت لمطعم غـالي ؟؟
عمار تنهـد : الصغـار يسمعو فيك وانتي تعيطي مش كويس الي ديري فيه خلي نوصلو للحوش ع الأقـل .
اني : انت حطيتني في موقف زي وجهـك وماتبينيش نعيط ؟
عمار : مانبيش نغلط فيـك ولحد الأن اني ماسك أعصابي مانبيش نزعلـك بس أنتي ربي يهديك ...

يُتبع ..