الحلقة 4
أتصلت بيا بنت تخدم معاهم وفهمتني ع نوع الخدمة
رقدت بكري باش نستعد لـ غدوا
تاني يوم نضت ودرت فطور لصغاري عمار طالع من الصبح في الخدمة
جتني ابرار وجابتلي شوية لبس منها قالتلي امشي بيهم هاليومين مدام الشغل جديد لين ادبري فلوس وتشري .. فعلاً موقفها مستحيل ننساه في حياتي 🥺💔
خديتهم منها واني متحشمـة بس ماكانتش محسستني بالنقص ابداً كانت طول الوقت تبتسم في وجهي ..
بدلت وكملت وع اساس بنحط الصغار عند امي بس ابرار شدت فيا قالتلي بنقعد معاهم اني
جاني عمار او وصلني ومشـي لخدمته حتى هو بدي يشتغل اكتر وبدي يطلع مصروف باهي
والحمدلله بدت تتحسن شوي شوي 🤷🏻♀️❤️ بس اني رغم هذا كله ماكنتش نرضـى ونشوف للي اكتر مني
وصلني عمار لـلمحل ولقيته عالم تـاني بكل ، حتى الناس الي فيه كانو مثقفيـن او واضحة عليهم السعادة ...
ماحمدتش ربي ع الي عندي بلعكس بديت نبي نكون زيهم وأكثـر !
بدي هدا روتيني اليومي عمار يوصلني للخدمة وهو يمشي لخدمته والصغار بديت نهمل فيهم هلبا وكل مرة نزيد نكره عمار ونقارن نفسي بالناس التانيـة ونحس اني صغيرة قدامهم لين جي يووم !
كنت في نهاية العمل وأغلب الي يشتغلو روحو وقف عليا سيف " صاحب المحل " قال شن رايك نشربو قهـوة ؟
وافقت بدون تردد ودرت تاليفوني ع الصامت ..
مشينا لأفخم قهـوة وطلبلي كريب وهلبا حاجات حلـوة وكان يهدرزلي ع أملاكه وحياشه الي في لندن
وعيني انفتحت وطمعت أكتر لين فجئة قالي وانتي من بوك ومن راجلك ؟
جاوبته وقلتله اني عايشة في هـم لفوق راسي وان اني مش مرتاحة مع راجللي !!
موقف غبيي مني جداً
بدينا نشتغلو ليل انهار باش يتحسن وضعنا وأمه مرة مرة تجي تبات عنـدنا
حالتنا تحسنت بس برضو مش مرتاحيـن !
كل ما تصير عندي حاجة نقارنها بحاجة غيري وبديت نطمع اكتر وأكتر ....
لين جي اليوم الي اتصل بيا سيـف !!
سيف : هلا كيف حالك
اني : بخير وانتَ ؟
سيف ؛ الحمدلله بخير شن مدايرة !
وكملناها هـدرزة عاديـة لين قالي مش انتي تبي تطلقي ؟ شن رايـك تطلقي ونتزوجو ؟
أهني دمي وقف وتجمدت في مكـاني !! شن يقول هدا ! به وصغارري
وبديت نفكر في عيشتي والناس الي تتشمت فيا
بدون سابق إندار وافقت وقتله به .
ومن هداكا اليـوم بديت كل يوم مشكلة مع عمـار وعيـاط وتكسيـر وطلبت الطلاق اكتر من مـرة بس كان يرفض !
________
كنت مقعمزة مع الصغار ونكلم في سيف مسجات لين سمعت الباب انفتح
قال السلام عليكم مارديتش عليه
جي جنبـي وكان واضح عليه التعب ومتكسر 😣
" واني نفكر نقول غريبة كيف ماحنيتش .. لدرجة
هادي الفلوس عامية ع قلبي ... !"
قـالي بكل هـدوء وحب : مستاحشـكـ !♥️
في وقتنـا أغلب المتزوجات تتمنى تسمع من زوجها كلمة حلـوة .. مانكدوبش ع بعضنا بس هدا الواقع للأسف وطبعاً للأغلب مش للكل ...
بس أني كنت نشوف في كلامه كله قرف ع قرف 😣
عمـار ماطلبش مني حاجة كبيرة ، عمار طلب مني نحبه ونحن عليه بس
لكن انـي درت العكـس ! وخنتـهه !!
الخيـانة واعرة .. أوعر من الإهمال والكره ...
تجاهلته بكل بـرود وغطيت روحي ورقدت
عمار ناض متعصب وقالي : انتي شن غايتـك ؟ اني نتعب ليل نهار ع خاطرك انتي وصغـار .. ورغم هدا كله نروح واني مُبتسم وراضي بقضاء ربي والحمدلله انتي اعلاش ماتبيش ترضي ؟؟
YOU ARE READING
خسـرته 💔
Romanceخسرته ح نطلعو من المألوف والحياة الورديـة والنهايات السعيدة ! كُل رواياتنا تحكي ع غدر الرجل بس مافيش روايـة تكلمت قـداش يعاني وقـداش من مرة أنغـدر ونخان !
