မြို့ပြ၏ ဆူညံသော အသံများကိုသာ ကြားနေခဲ့ရသူ ဖြစ်တာမို့ ဝါးသစ်တော၏ တိတ်ဆိတ်စွာ သာယာသည့် နားဝင်ပီယံ ချိုမြိန်ဖွယ် ဖမ်းစားမှုကို ဝေယံ နစ်မျောမိသွားသည်။
နေသူရိန်မင်းခန့် ပြောတာ မလွန်။ မှော်ပညာဖြင့် ဖန်တီးထားသော အိပ်မက် ကမ္ဘာထဲသို့ ဝေယံ ရောက်နေသလို။ မိုးကုပ်စက်ဝိုင်း အပြည့် ဖြောင့်တန်းသော ဝါးပင်များ အထပ်ထပ်။
မှန်ပါ၏။
ဤနေရာဟာ ကမ္ဘာမြေ အဆုံးသာ ဖြစ်ပါလိမ့်မည်။
ဝေယံ နောက်သို့ လှည့်ကြည့်လိုက်သည်။
ဟိုးခပ်လှမ်းလှမ်းက လျှောက်လမ်းမှာ မတ်တတ်ရပ်လျက် သူ့ကို ပြုံးကြည့် ကျန်နေရစ်သော နေသူရိန်မင်းခန့်။ နေမင်းကြီးက ဝေယံ့ကို အနှောင့်အယှက် မပေးချင်ပုံ ရသည်။ သူ ခြေလှမ်း ဘယ်နှလှမ်း လျှောက်လာခဲ့မိမှန်း မသိ။ နေသူရိန်မင်းခန့်နှင့် တော်တော်လေး ဝေးနေခဲ့ပြီ။ သို့သော် သူ အဝေးကို ငေးကြည့်နေသည့်အခါ သူ့ကို ကြည့်နေသော နေသူရိန်မင်းခန့် မျက်ဝန်းတွေကိုတော့ ဝေယံ သဘောကျမိသည်။
အနား လာဖို့ လှမ်းခေါ်ချိန် နေသူရိန်မင်းခန့်က သွက်လက်သော ခြေလှမ်းများဖြင့် သူ့ဆီ လျှောက်လာသည်။
"ကီမိုနိုက အဆင်ပြေရဲ့လား"
"ပထမဆုံး ဝတ်ဖူးတာ ဆိုပေမယ့် သက်သောင့်သက်သာ ရှိပါတယ်"
ဆင်စွယ်ရောင် ကီမိုနို၊ အုန်းခွံရောင် ခါးစည်းပြားနှင့် အဖျားစွန်းမှာ မပါမဖြစ် ပန်းနုရောင် ဆာကူရာပန်းများကို ပုံဖော်ထားသော ဂျပန် ရိုးရာ ဝတ်စုံ ဖြစ်သည်။ အသား ဖြူသော ဝေယံနှင့် လိုက်ဖက်သည်။ တော်တော်လေး လိုက်ဖက်သည်။
သူ တွေးထင်ထားခဲ့သလို ထိုယွန်းဘူးလေးက ကီမိုနို ဝတ်ရုံ ထည့်ရသော အဝတ်ဘူးလေး ဖြစ်နေသည်။ ပေး မသိရသည့် အကြောင်းမှန်ကိုတော့ ဒီမနက်မှပဲ ဝေယံ သိခွင့်ရခဲ့သည်။"မွေးနေ့ လက်ဆောင်အတွက် ကျေးဇူးပဲ သူရိန်၊ ဒီတစ်ခါတော့ . . မင်း စိတ်မပျက်ရအောင် ငါ တကယ် တန်ဖိုးထားပါ့မယ်"
နေသူရိန်မင်းခန့် ဘာမှပြန်မပြော။ ဝေယံ မော့ကြည့်တော့ နေသူရိန်မင်းခန့်၏ နူးညံ့သော အကြင်နာ အပြုံးကိုသာ တွေ့ရသည်။ ထိုအပြုံးဟာ ဝေယံ့ကို အမြဲတမ်း ခွင့်လွှတ်ပေးသော အပြုံး တစ်ခု ဖြစ်သည်။ သူ့အတွက် သီးသန့် အပြုံး ဖြစ်သည် ဆိုတာ လုံးဝ ယုံကြည်၏။
YOU ARE READING
SUN { Season 1 }
RomanceChoose me or Lose me ? I don't want to be your second CHOICE ! Start Date : 4th Feb 2022 End Date : 4th Nov 2022
SUN { 15 }
Start from the beginning