9
غادر وليد منزل سلوى وهو يشعر بالنصر وذهب إلى الشركة وهو بكامل سعادته
وصل وليد الشركة ووجد ليث صديقه ينتظره فى مكتبه
وليد بابتسامه:يا هلا٠٠٠يا هلا
ليث باستغراب :مش معقول انت و ليد
وليد برفع حاجبه: نعم ياخوى
انت فطرت كويس
ليث : انت الى فكرت كويس
اصل مش معقول استاذ وليد مبتسم كدا وفى الشركة
وليد بضحك على صحبه :هههههههههه
ماشي يا عم مقبولة منك
ليث :يا رب تفضل كدا ومش تتحول تانى
وليد بابتسامه:ان شاء الله مش هرجع تانى لانى عرفت ايه غلطى وايه الصح وهعمل الصح بإذن الله
ليث بابتسامه:ماشي يا عم
المهم دلوقتى فى اجتماع مهم لازم نحضره
وليد :خلاص تمام
الاجتماع الساعة كام؟
ليث: ساعه 12
وليد:امممم
بصي هو هيبدأ 12 ونص
ليث باستغراب :بس اشمعن
وليد:علشان هصلى الاول الضهر وبعدين نبدأ
ليث بابتسامه:كدا وليد بتاع زمان رجع
وليد تنفس بقوة وقال:كدا وليد فاق من الغفلة الى كان فيها
ليث:خلاص تمان هبلغ الكل يلا سلاام
نظر وليد للملف الذى أمامه
قبل ما ليث يخرج :مبروك يا صحبى
وخرج وترك وليد بمفرده فى المكتب
بدأ وليد يسرح فى الماضى ويتذكر
بعد مرور شهر من زواجه من اسماء وكانت السعادة تملئ منزلهم
جاء اليوم الذى سوف يتغير فيها كل شئ
بعد قدومه من الخارج فى اليل
وجد اسماء تجلس وهى متوترة و خائفة لا يعرف لماذا
وليد بحيرة:مالك ياسمكوتى
بقليلك فترة متغيرة ليه وبحس ان دايما بشوف الحزن فى عيونك
اسماء بسرعة وقامت وهى مترددة : مفيش حاجه
حاولت اسماء تغير الموضوع :ايه رأيك نخرج شويه
نتمشي فى الأراضى
وليد بتعب:انا تعبان دلوقتى خليها بكرة
اسماء بدلع: بليييززز
وليد بابتسامه : امممم
خلاص ماشي يلاا
اسماء بابتسامه عكس ما فى قلبها: بس نروح المكان الى انا اقولك عليه
وليد بابتسامه:كمان فى شرط
اسماء بحزن مصطنع وبدلع: كداا٠٠٠ انا زحلانة منك
وليد بابتسامه: وانا اقدر ازعل قلبى ماشي يا ستى يلاا
وذهبوا الاثنان الى مكان ضلمة لا يوجد فيه احد
اسماء كانت تقف وتعطى ضهرها لوليد
وليد من الخلف سمع صوت بكاء اسماء العال
اسماء التفت إلى وليد وقالت بدموع غزيرة:انا اسفة
مكنش قدامى غير الحل دة
وليد بعدم فهم كان لسه هيسالها فجأة خرج من المكان
سلوى ومها ومديحة ورانيا ومعهم شخص اول مرة يراه فى حياته كان اسمه يونس ومعهم شخصين
وليد باستغراب : فى ايه
من خلف وليد قام الشخصين بضرب وليد وأصبح لا يرى أحد ولا يدرى ما يحدث
رانيا بحدة على أخوها :وليييد
بسرعة رانيا واسماء جروا على وليد
اسماء بدموع:احنا اتفقنا انك تخليه يوقع الورق بس
وانك مش هتأذيه
سلوى امر الشخصين ان يمسكوا رانيا واسماء
رانيا بدموع:ليه يا ماما
وليد عملك ايه
سلوى بتريقة:اغبية
سلوى :شوف شغلك يا يونس
يونس قام مسك وليد وطعنه عدة مرات فى بطنه
وليد كان يخرج منه الدماء من فمه من كتر الطعن
اسماء بصوت عالى: ووووووووولييييد
رانيا بانهيار: لاء ٠٠لاء
اسماء بدموع غزيرة : وليد قوم
يا وليد قوم انا حامل
سلوى : سيبوهم
الشخصين تركوا رانيا واسماء
تمسكوا وليد ووضعه فى العربية
حاولت اسماء ورانيا ان يمعنوهم ولكن لم يقدروا
قامت سلوى فاخد وليد ورمته فى الطريق
وغادروا المكان بعد أن اخدوا توقيع وليد بالتنازل عن كل الأملاك لهم
بعد مرور عدة أيام
استيقظ وليد ووجد نفسه فى مستشفى ووجد حوله فتاة تتحدث الإنجليزية
وليد بتعب : انا ٠٠٠٠٠٠فين
خرجت الممرضة وهى تخبر ليث وباقى العائلة بان وليد استيقظ من الغيبوبة
دخلوا فورا لوليد وبعدها الدكتور
جاء الدكتور وبسرعه كشف على وليد
الدكتور بالانجليزية : الحمد لله دلوقتى تجاوز مرحلة الخطر
هننقله فى أوضة تقدروا تشوفه منها تتقعدوا معها بس اهم حاجه الراحة
ليث : شكر يا دكتور
نكمل المرة القادمه ان شاء الله
بقلم سارة واية خالد هيكل
معلش يا جماعة بس انا عندى امتحانات الفاينل ووقت ما افض هكتب ان شاء الله
معلش تانى مرة 🤗
