ما بين قلبين (مكتمله)

البارت 16

اسى: شفنه رغد مدمايه كلش
ام جهاد: يمه شسويت يا جهاد يا ابني هي هيج كومي بعد كومي
اسى: رحت ساعدت عمتي عمه ما ناخذها للمستشفى
جهاد: ما تروح لأي مكان خلي تتعلم شلون تكسر كلمه جهاد الي محد كاسر كلمته
اسى: من حجه هيج شفته دخل لغرفتي
جبت ديتول وعقمت جروحه وغطيتها ونامت رحت لغرفتي شفت جهاد بعده بملابسه وبحذائه نايم نزعت خذائه وغطيته وطفيت الاضويه وطلعت صبينه الغدا بس محد اكل خلصنه صعدت للغرفه اريد انام تعبانه من المدرسه نمت على صفحه بالسرير نمت وره شوي كعدت على ايد على خدي
اسى: شسوي
جهاد: اتمعن بتفاصيلج الي ما تخليني انام الليل
اسى: امم زين ليش بكل ليله متباوع بوجه مرتك وتتمعن بيهن وتنسى تفاصيلي
جهاد: ليش هي تفاصيلج تنسي
اسى: اي بوجود رغد ليش لا
جهاد: ههههههه تغارين مو اي طبعا ليش ما تغارين
اسى: شجاي تحجي اكيد لا جاي احجي وباساني
جهاد: افيش بويه ها عرفت شلون أسد حلكج
اسى: ما عرفت انطق اي كلمه بسرعه كمت ولبدت بالحمام
جهاد: ههههه ليش حرمتيني من خدودج هسه اكيد صاراً مثل طماطه
اسى: جهاد فدوه اطلع اريد اطلع أقره
جهاد: اي عادي طلعي انه اريد اكعد هنا عجبتني الغرفه
اسى: اوووف ماشي غسلت وجهي وطلعت لزمت كتبي وبديت أقره وهو لازم الجهاز
جهاد: اسى اسى شوفي هذا
اسى: اشوف جان مقطع كلش يضحك
يااا ههههههههههه خطيه راح راسه بس يستاهل
جهاد: هسه خطيه لو يستاهل
اسى: الاثنين
مرت ساعات وخلصت قرايه
اسى: جهاد كوم شوف رغد كلش تأذت خطيه بالكوه عالجتهه
جهاد: ما اروح وانتي ليش عالجتيها
اسى: خطيه يعني شلون اخليها بدمهه لخاطري جهاد فدوه روح إذا عندي خاطر عندك
جهاد: ماشي لخاطرج رايح تعاي وياي هم شوفيها
اسى: يلا
كمنه اني وياه ورحنه فتحنه الباب جانت كاعده
جهاد: هلا
رغد: هلا بيك خير يا طير انتي شكو جايه
اسى: مو صوجج والله راح اطلع ما ميته عليج
رغد: اكيد انتي كايلته شي قبل لا يجي وخليتيه يضربني
اجيت احجي وحجه جهاد
جهاد: رغد اسكتي لا هسه اعيد الكلته فهمتي انه كتلهه تعاي وياي لأن جنت يمها وكلتلي روح شوفها خطيه بس انتي مو مال واحد يضوج عليج وأنه مو زعطوط يلعبون براسي علمود كايلتي شي
على الصياح اجو الكل
ابو جهاد: شكو بويه شكو ليش هل صياح
جهاد: بويه هي الي تخلي واحد يفقد أعصابه
رغد: شنو شسويت انه لو لأن جبت طاري اسى اليتيمه المسكينه كله منها اكيد هاي تربايت اهلج إلي عافوج هنا وتركوج ليش يعني بدون سبب
اسى: اووف ترى اني ساكته لخاطر عمي موجود وامي بس ترى زودتيها كلش احترامي نفسج العتب مو عليج على عمامي خله اليسوه والما يسوه مثلج تحجي علي حجيت هيج وطلعت
جهاد: يا حقيره  اجيت اكتلها وابوي لزمني
عوفني بويه عوفي خلي اكتلها خلي اربيها ما مربايه ما اعرف شلون جنت مغمض على كل هل شغلات يا حقيره
اسى
طلعت منها ودخلت للغرفه ابجي حقيره حقيره شلون تحجي هيج علي سمعت الباب يندك
جهاد: فتحي الباب اسى بسرعه
اسى: رحت ركض فتحته اصلا اني محتاجته فتحت الباب ودخل حضنته وضليت ابجي
جهاد: خلاص حبيبتي خلاص لا تهتمين الها انه يمج وما اخلي أحد يجيب طاريك
اسى: ربي ليحرمني منك
جهاد: عجبج حضني هههه
اسى: انت كلشي بيك يعجبني
جهاد: غصبا عليج
اسى: ههههه جهاد
جهاد: عيون جهاد
اسى: احبك
جهاد: ههه بعد عشيرتي كلها وانه هم احبج بنيتي
اسى: احب هل كلمه
جهاد: جاا خوش اشبعج منها
اسى: ماكو شي منك ينشبع
جهاد: اوف راح تخليني ابقى هنا وما اطلع
اسى:ههههه لا لا يلا كوم وهدي عمي خطيه اكيد ضاج مني لان حجيت بوجوده
جهاد: لا ما اعتقد
طلع جهاد رتبت الغرفه ونزلت سوينا عشا والكل كعد ما عدا رغد
اسى: عمو اسفه ولا ضوج مني لان حجيت بوجودك بس والله ما تحملت
ابو جهاد: لا شسالفه بويه حقج وانه وياك
اسى: ربي ليحرمني منكم
ام جهاد: فدوه لكلبج ولا يحرمنه منج
خلصنه عشا صعدنه اني وعذراء نراجع خلصت ونمت كعدت بدلت صدريه نيلي ضيكه وقميص ابيض وشال والجنطه والحذاء نزلت صبحت على امي وحضرت الريوك وياهه وكعدنه وكعدت رغد الكل استغرب
رغد: صباح الخير
ابو جهاد& ام جهاد: صباح النور
رغد: الباقين ما تردون
عذراء: اعذريني بس بعدني مصدومه لأن كعدتي هسه خلي ارجع لوعيي وارد عليج الصباح
اسى: ههههه
رغد: وانتي ما تردين
اسى: ما يعجبني
سكتت ما حجت شي لان جهاد موجود مسكينه خطيه خلصنه وطلع عمي و جهاد  واحنه رحنه للدوام
اسى: صباح الخير حبايبي
صفية & سمية: يا هلا وميه هلا اليوم فرحانه
اسى: ايي كلش كلش لج البارحه جهاد كتل رغد كتله تسوه عمرها (طبعا اني مسولفه كلشي الهن ويكرهن رغد على كرهي هههه)
صفيه: اووف عاشت ايده
سميه: افيش تستاهل أن شاء الله أكثر زين ليش كتلها
اسى: سولفت كلشي الهن
صفيه: والله وكحه ما تحترم
اسى: اي كلش يلا خلي ندخل لدرس لا تجي
صفيه& سميه: البطريق
اسى: ههههه يلا
دخلنه للدرس ومر اليوم عادي رجعنه بذلنه ونزلنه نساعد امي بالغدا جاي نسولف عن يومنه ودخلت رغد
رغد: شوفي اسى انه جاي اتعب بالبيت انتي دوام بعد ماكو انه احاجي جهاد
اسى: هههه ضحكتني والله ليش انتي منو ماخذ رأيجج وثانيا اني ماخذه موافقه الدوام من عمي إذا جهاد لاسامح الله وسمعلج عمي ما راح يرضه مو صح عذراء
عذراء: صح ونص
رغد: بس انه جاي اتعب بالبيت كلش
اسى: يا بيت انتي جاي تقشمرين على اسى هو كله على امي وان كان اليوم صحيح عليج بعدج اول يوم شايفه حتى تكولين تعبتي شنو يعني بيتكم ما تنضفين
رغد: لا حبي ما انضف مدللة جنت
اسى: اي انتي كلتيها جنتي هسه لا واحنه ما ضاربين على راسج وكايللج نضفي خليه علينه لما نرجع
رغد: أشو عايشه الدور وتحجين ليش انتي منو فهميني لا تنسين انتي شنو هنا فهمتي انتي لافينج لأن عمامج ما يردونج وأنه هنا الجنه فهمتي
اسى: اووف كل شوي وعايده السالفه اي بيت عمو ابو جهاد حموني من المجتمع الضالم وما رادوني شنو اسوي اشمر نفسي عليهم بالقوه اياني واياج إذا جبتي هل طاري مره ثانيه
جاي احجي واجت ضربتني راشدي ودخل جهاد بنفس اللحظه
جهاد: لج شني هاي حقيره ليش ضربتيها
رغد: هي جاوزت علي كلش اسئل عمتي وعذراء
ام جهاد: صحيح انتي بت اخوي بس ما اجذب انه البنيه ما حجت شي ولا غلطت بكمله انتي الي غلطتي كل شوي عايده سالفه عمامها ما يصير يا أمي
عذراء: اي صحيح ما حجت شي اسى هي الي بدت تكلها بس يجي جهاد احاجيه بعد ما داومين بالمدرسه لأن جاي اتعب بالمدرسه
جهاد: جاوزتي حدودج هل مره اسى مرتي والي يمسها بكلمه يعني ماسني فهمتي حجه هيج وضربها راشدي صوفر اذنها
رغد: تضربني انه تضربني للمره الثانيه انه الي حبيتك من كل كلبي
عذراء: بعمرج ما حبيتي اخوي حبيتي فلوسه
جهاد: يلا كومي لمي ملابسج اوديج لأهلج يلا بسرعه
رغد: حقراء كلكم حقراء حتى انتي عمتي
جهاد: تكولين حقيره لأمي وأنه واكف
لزماهة من شعرها وصعدها
جهاد: يلا لمي الملابس ب 5 دقايق انتي جوه يلا
لمت ملابسها بسرعه وامي تتوسل بيه اتركها خليها لا توديها بس هو قافل راح واخذها لأهله
عذراء: روحه بلا رده ما شفنه منها اي خير من يوم الاجت 
جهاد
سقت بأسرع ما عندي وصلتها ونزلتها من ايدها سحل رفست الباب ودخلت بالطرمه
جهاد: خالي خالي وينك اطلع بسرعه
ابو حسام: هاي ابني ليش هيج لازم رغد
جهاد: بنتك ما مربايه عدل رجعتها حتى تربونها ورقه طلاقها توصلها للبيت
حجيت هيج وطلعت ضليت افتر مختنك ما اعرف وين اروح اتصلت على صديقي رأفت
جهاد: الو وينك
رأفت: بالمركز
جهاد: ماشي انه جايك
رأفت: هلا بيك
رحت يمه وضلينه نسولف ابوي كل شوي يتصل وارفضه اكيد على رغد مالي خلكها
رجعت للبيت متكهرب
جهاد: شكو شصاير
ابو جهاد: شني شصاير من ورا ما وديت رغد اتصلوا عمام اسى راح يجون ياخذونها كالو نريد نقتلها مو بتنه تخرب بيوت العالم اكيد خالك متصل عليهم
جهاد: شني شجاي تحجي بويه اسى اضفر واحد ما يلزمون منها وأنه موجود خلي يجون إذا زلم
يتبع....