ما بين قلبين (مكتمله)

البارت 9

اسى: هزيت راسي معنى اي وصعدت فوك دخلت للغرفه كلشي يخنكني حتى الغرفه من الغرفه للمطبخ للحديقه اختنكت اريد اطلع اشوف الناس جاي احجي بيني وبين نفسي ودخلت عذراء
عذراء: اكلج بابا يكول شنو رأيكم اليوم العصر نطلع نتعشى برا ونتمشى تتونسين
اسى: بكيفكم إلى تردونه
عذراء: يلا كلبي ضحكِِـي ماكو شي يسوه
اسى: ابتسمت الها
عذراء: فدوه لهل ابتسامه يلا تعاي خلي ننزل
اسى: نزلنه جوه سوينا الغدا وخلصنه كلشي وكعدنه بالصالة نسولف صارت ب 5 كال عمو ابو جهاد
ابو جهاد: يلا كوما بدلا هم يلا
اسى: اكلج عذراء شلون العبايه انتي غير تلبسينهه
عذراء: كومي صعدي واكلج
صعدنه ودخلت للغرفه عذراء وطلعت عبايه جديده من الكنتور
عذراء: هاي عبايه بابا جابهه الج كلت اخليهه مفأجاه من نطلع انطيهه الها
اسى: شكرا يكلبي ما اعرف شلون ارد جميلكم الي صار هواي
عذراء: انجبي لج انتي مثل بته واني مثل اختج احنه عائلتج لا تحجين هيج مره ثانيه
كمت وحضنتهه
اسى: فدوه لكلبج يلا خلي نبدل
بدلت اكيد كله اسود وطلعنه اني وعذراء وعمه ام جهاد وعمو ابو جهاد صعدنه بالسياره ورحنه لمطعم كلش حلو تعشينا وخلصنه وطلعنه اخذنه عمو لكورنيش البصره يجنن بس الجو بارد لأن بالشتاء وفراني البصره كلها تخبل البصره اول مره اشوفهه رجعنه ب 11 ونص كبل صعدنه وبدلنه ونمنا
كعدت ب 9 عذراء رايحه للمدرسه نضفت وي عمتي وسوينه الغدا اجو الولد وعذراء َضلت تسولف عن يومها هي بالخامس علمي تغدينه وخلصنه عذراء صعدت تقره واني كعدت يمها على الجهاز خلصت نزلنه وسولفنه لحد ما ملينه سوينه العشا وخلصنه كعدنه بالصاله واندك الباب جهاد فتحه ودخلو بيت رغد سلمن من وره خشومهن
رغد: شكد عمرج
اسى: 15
رغد: انتي بالمدرسه مو
اسى: لا تركت هل سنه
رغد: أشو جنج أكبر من 15 يجوز جذبين علينه
اسى: يجوز
ابو جهاد: خويه ابو حسام( ابو حسام هو ابو رغد) الخميس الجاي احنه يمكم ونجمع راسين بالحلال
ابو حسام: تشرفونه يمته ما تردون هلا بيكم البيت بيتكم
اباوع على رغد ضحكه ماليه وجهه والكون مواسعهه من الفرح شوي والباب اندك فتحه جهاد دخل ولد غريب أول مره اشوفه
اسى: عذيره هذا منو
عذراء: هذا حسام اخو رغد
اسى: نفس الطينه مو
عذراء: هههه لا هذا يجامل لأن يحب النسوان
اسى: ههههه مبين
دخل حسام وسلم
حسام: السلام عليكم
الكل:وعليكم السلام
حسام: منو هل حلوه
جهاد: حتى هنا عينك زايغه هاي مرتي
اسى: اشوف جهاد عيونه صارا بكصته عصب وقبض ايده
حسام: إذا هل حلوه مرتك ليش تزوج رغيده الزركـه
جهاد: اسكت لا اجيبك بوكـسي
حسام: خلاص سكتت
ورا ساعه راحو والكل صعد ما كدرت انام لزمت الجهاز اكمل قرايه قصتي(شتات أنثى) قصه كلش كلش حزينه وحلوه بحيث البطوله بس تبجي ابجي وياهه كلش مؤثره خلصتهه ونمت كعدت نفس الروتين بيت وتنضيف ومر الأسبوع واجه الخميس جاي يحضرون علمود يرحون يطلبون ايدهه
بس اني ما اروح
عذراء: فدوه دكومي وياي نروح المن ضاله
اسى: وآلله مالي خلك اريد انام تعبانه
عذراء: على راحتج كلبي
راحو واني نزلت اباوع على تلفزيون والعب بالجهاز وملل اخير شي صعدت انام بس مكدرت شوي وسمعتهم اجو سويت نفسي نايمه مالي خلك اسمع شي اجت عذراء شافتني نايمه وراحت بعدين البيت كله صار هدوء ونمت كعدت متأخره نزلت لكيت عذراء و عمه ام جهاد
اسى: صباح الخير
صباح النور
اسى: ايي شصار يمته الخطبه على خير
عذراء: الخميس الجاي
اسى: اها اي هم زين ضايجين
ام جهاد: يمه اسى البارحه حاجاني عمج بموضوع كال اسى لازم تنزع الأسود ترى يمه الأسود ما يفيد وإذا الأسود يرجع الميت جان كلها لابسه هسه الحزن بالكلب يمه اني مثل امج وهذا أول طلب اطلبه منج فدوه لكلبج نزعي
اسى: بس عمه
ام جهاد: يمه لا بس ولا شي فدوه سمعي كلمتي حسبيني امج وشيلي هل حزن من كلبج
اسى: أن شاء الله
صعدت فوك هاجت مواجعي كلها كلها اهلي موتهم عمامي جهاد كلشي صعدت عمتي
ام جهاد: يلا ماما حبيبتي كومي نزعي
اسى: راح اسبح وانزعه
دخلت سبحت ولبست تراك نيلي ونزلت
ام جهاد: يمه فدوه للبنات هيج صيري فدوه لتسمع الكلمه عفيه يمه
عذراء: بيضه وتلبس نيلي شلون بلا تردين تموتين اخوي
اسى: هههه ضحكتيني اخوهه هو هسه يفكر شيسوي بالخطبه بطرانه
عذراء: يمه فدوه للي يغار
اسى: شجاي تحجين لا لا ما اغار وليش اغار هو مثل اخوي
عذراء: مبين مبين خلي نطلع للحديقه
اسى: يلا
طلعنا وكعدنه على المرجوحه نسولف شنلبس وشنسوي بالخطبه بعدين كمنا نضفنه و سوينا غدا واجه عمو و جهاد جاي نتغدا
ابو جهاد: بويه جهاد متأكد من قرارك
جهاد: هو يباوع علي بنضره ما فسرتهه متأكد بويه متأكد
ما اهتميت الهَ ابدا خلصنه والكل كام كعدنه بالصالة يسولفون على الخطبه ومنو يعزمون
ابو جهاد: هاي شني نزعتي الأسود واخيرا بعد عمج عفيه بالعافيه بويه
اسى: الله يعافيك عمو
خلص اليوم وثاني يوم بدينه بتنضيف البيت بدينه بالفوك خلصنه منه وثاني يوم المدرسه يوم ورا يوم نفس الشي واجه وقت الخطبه ويا ريتها ما اجت قبل يوم كرايبهم الكل اجاهم واني ما اعرف اي احد عذراء كل ساعه هاي فلان وهاي فلان واني مثل اطرش بالزفه سوينه الغدا والكل تغده ومن خلصنه الكل تعاون بالاماعين خلصنه والكل صعد يبدل اني وعذراء وبنات عمو ابو عباس بغرفتي والباقي بغرفه عذراء اني عندي هواي مكياج جان عندي بس ما استعمله كله طلعته ومكياج عذراء وبنات عمنه وصار هواي اني لبست فستان ضيك وكصير زيتوني ومن الصفحتين مثل الخيوط سود نازله ومن الضهر فتحه قلب ونزلت شعري وشلت منه شوي لان طويل ما أريد ارفعه و عذراء لبست فستان كصير كلوش بنفسجي غامق طلعت تخبل
اسى: لج تخبلين عذيره
عذراء: اه أشو ما مقتنعه بنفسي
اسى: لا والله تخبلين
عذراء: فدوه لكلبج وانتي تجننين لبسي شي ازرك هسه تنحسدين
اسى: ههه مو لهل درجه يلا خلي ننزل
نزله والكل تباوع علينا اني وعذراء وسرى واسراء
ام جهاد: تعاي يمه اسى
رحت يمهه
ام جهاد: هاي جنتي الأولى
ام جواد: يمه فدوه لله تخبل الله يحفضهه من كل شر بعد كلبي
اسى: انتي الاحلى خاله ربي يحفضج
وسلمت على نسوان هواي بعدين كالو يلا الكل يتحضر لبسنه الشال وعبايه وبوشه لأن مخلين مكياج طلعنه اني وعذراء وعمتي صعدنه وي عباس ورحنه دخلنه لبيتهم مو كلش حديث دخلنه الصاله هواي ناس جايه والصاله خنكه كلش شوي وكالو راح يدخل العريس دخل جهاد وكله هيبه لابسه دشداشه بيصه وغتره وعكال يخبل عقدو وكعدو سوا رحتلهم
اسى: الف الف مبروك حبايبي فرحتلكم واني بلكوه لازمه نفسي حتى ما تنزل دموعي
رغد: من كل كلبج
اسى: من كل كل كلبي أخوي يزوج وما افرح بسته من خده ورحت والكل يباوع علي
عذراء: هههه لج صدك فرحتيني حل خلي تولي حقيره
اسى: اعجبج
رغد: يا يتيمه ممكن ساعديني لو سمحتي هاي شغلتج
يتبع.....