ما بين قلبين (مكتمله)

البارت 11

جهاد
بعد الي سوته رغد بيوم الخطبه كلش ضجت منها لأن ما خلتلي احترام كدام الناس وفتره الخطوبه نتخابر عادي ونسولف وحبي الها ما نقص فتره خطوبتنه طولت لأن ورا السنويه نسوي العرس ابوي طلب مني بالفتره الاخيره هواي تطلب مني فلوس واني انطيها الحمدلله الله رازقني بس لاحضت إذا ما انطيتها تزعل وما تحاجيني فكلت خلي اختبرهه مره جاي نتخابر وكالت
رغد: حبيبي شلونك حياتي مشتاقتلك
جهاد: الحمدلله عندج شي كولي حافضج انه
رغد: هههه اي حبيبي محتاجه فلوس
جهاد: مو انطيتج فلوس النيشان وفوكاهً كل يوم انطيج يا خميسن يا ميه
رغد: مو والله محتاجتهن
جهاد: ما عندي هسه غير مره
رغد: يعني شنو ما تنطيني
جهاد: لا ما انطي كتلج ما عندي غير يوم واني اصلا عندي بس اريد اختبرهه
رغد: ضابط وأبوك شيخ عشيره وعدكم أراضي ومصانع وكل هل خير وما عندك تنطيني
جهاد: ها هيج صار الحجي يلا روحي
سديته بوجهه كلش ضجت وما خابرت ومرت ايام نفس الشي الا ان مر اسبوعين اتصلت
رغد: هلكد مرتاح مني وما تخابر
جهاد: مرتاح كلش
رغد: امم شلونك
جهاد: من الله بخير رايده فلوس وخابرتي
رغد: هههه فديت كلبي يعرفني
جهاد: الله وياج
هم سديته بوجهه ومرت ايام اجت سنويه عمي حسن ورحنه اسى كلش تأثرت بيهم وعدت نفسي بعد هل بنيه ما اسوي شي يضوجهه وما اخلي احد يضوجهه من ضلينه بالفندق هواي فكرت ب رغد وشلون راح اعيش وياهه واني اعرف ما راح نتوالم سوا بالطريق جاي نمشي وكلتلهم ما أريد رغد
اسى
من حجه هيج الكل صفن لدقايق
ابو جهاد: شجاي تحجي ابني هذا زواج مو لعبه واني كلت الك من قبل ماكو رجوع نصحناك بس ما سمعت ضل هيج ما تسمع الكلمه
ام جهاد: صدك تحجي ابني ليش متريدهه مو متت عليهه وتحبهه شغيرك
جهاد: يمه اي جنت احبهه واموت عليهه بس عرفت حقيقتهه تفضلني على الفلوس ما اريدهه وما تصير مرتي
ابو جهاد: تريد تصخم وجهي كدام العالم تزوجهه يعني تزوجهه ماكو غير هل حل فهمت
جهاد سكت وما حجه شي بعد وصلنه للبيت شفت عمي وجهاد وعمتي دخلو لغرفه عمي واسمع صياحم عالي كلش وره تقريبا نص ساعه صعد جهاد واندك بابي اني لابسه دشداشه جويتي ضيكَ وفتحه من الصفحه
اسى:منو
جهاد:اني
استغربت كما فتحت الباب شافني هيج لابسه كال
جهاد: ناويه تنزلين هيج
اسى: ها لا ابدا بس احب البس هيج بالغرفه
جهاد:أمم تعالي لغرفتي اريد احاجيج
اسى: اي
هو مشى واني مشيت وراه دخلت
جهاد: سدي الباب
سديت الباب وكال
جهاد: انتي اكيد سمعتي بالسياره إلى حجينه عليه
اسى:من يحجي احسه اكل جسمي بعيونه ايي سمعت وهو يحجي كام من مكانه وصار يتقربلي شوي شوي واني ارجع لوره وصلت للباب وتقرب مني حاوطني ماكدرت اتحرك
جهاد: اسى اعرف اكيد هسه ما تحبيني من الي سويته وياج بس كل هاي اغلاط متندم عليهه اصلا اني كلشي بحياتي مسويه متندم عليه عدا زواجي منج
اسى: حجه هيج واني ضليت ارجف وكلبي احسه حتى جهاد يسمع نبضاته واتنفس سريع تقرب أكثر باوعت بعيونه وهو هم تقربت شفايفه من شفايفي وصديته
اسى: اسفه بس مستحيل اتقبل هل شي من اخوي حجيت هيج وطلعت
جهاد: من كالت هيج دين ما بقى براسي شكو شي بالغرفه كسرته كلشي كلشي انه مره ترفضني انه كسرت الجزمه بأيدي واسمع اهلي يصيحون علي طلعت وما شفتهه بينهم
ام جهاد: يمه وليدي شبيك شبيهه ايدك
جهاد: ما بيهه شي جرح بسيط اني طالع
ابو جهاد: وين طالع هسه وصلت ما تعبان
جهاد: لا ما تعبان
طلعت وخابرت رأفت
جهاد: هلا رأفت وينك
رأفت: بالبيت رجعت
جهاد: اي هسه وصلت اريد اشوفك نلتقي بالكهوه
رأفت: أن شاء الله
وصلت وشوي واجه رأفت
رأفت: شبيك احسك ضايج وشبيهه ايدك كرم نعقمهه جوه
دخلنه جوه وعقمهه رأفت
رأفت: شبيك خويه احجي لا تضمهه بكلبك
جهاد: سولفت إله
رأفت: اي حقهه البنيه الي سويته مو شوي وكل شوي تكول الها مثل اختي مثل اختي ترى محد تتقبل هل كلمه من زوجهه
جهاد: لا تزيدهه علي
رأفت: انت مو تحب رغد
جهاد: احس روحي ما جنت احب احد او مجرد إعجاب لا أكثر بس هل بنيه احتلت كلبي عاشكهه هل بنيه شلون ما اعرف طول الوقت كبالي الا هاي الفتره حن كلبي الها
رأفت: ما تعرف يمته يجي الحب ويجيك
جهاد: العن ابو الحب وساعته
خلصنه حجي ورجعت للبيت ورا الغدا الضهر الكل نايم صعدت لغرفتي واتصلت رغد
جهاد: خير شرايده
رغد: شبيك اكو احد يرد على خطيبته هيج
جهاد: اي اكو انه يلا ولي مالي خلكج قبل شوي جاي من النجف وتعبان اريد انام
رغد:باي
دخلت سبحت وضمدت ايدي ونمت لكيت الغرفه مرتبينهه بس متكسره كلها نمت كعدت المغرب جاي يأذن كمت غسلت وتوضيت وصليت ونزلت لكيت ابوي بالصاله وكعدنه نسولف دخلت اسى
اسى:اه عمو تكول ماما تريد شي معين على العشا
ابو جهاد: الي قاسمه الله أكله
اسى: اوكي
كلت هييج والاثنين ضحكٌ
اسى: ها عمو كلت شي غلط
ابو جهاد: لا بويه انتي ما تغلطين ام الاوكي
اسى: هههههه
رجعت للمطبخ خلصنه وجاي نتعشا
ابو جهاد: بويه ما ترجع عن كلامك غير
جهاد: أن شاء الله ما اكسر كلمتك
كام من الاكل بعد ما حجه
ام جهاد: خلي ياكل حجي ليش كتله هسه
ابو جهاد: اخاف يرجع عن كلامه  وما يتزوجهه
همستلي عذراء
عذراء: هيج وما يزوجهه اوزع جكليت شهر
اسى: شكد بخيله جكليت يا بت الشيخ هههه
عذراء: كلشي اسوي بس كون ما يتزوجهه
اسى: أن شاء الله
عذراء: احم احم
اسى: وسم شبيج اني علمودج ادعي غير تحبين اخوج واني هم احب اخويه
عذراء: عزا بعينج لا تكولين اخوي هو غير زوجج انسي الي حجاه قبل
اسى: الحمدلله شبعت
خلصنه الغدا وغسلنه وعمتي كالت
ام جهاد: يمه حبيبات ترى العرس بعد 5 ايام هم يلا نبدي تنضيف عمج مستعجل
اسى: يلا نبدي معدنه شي
بدينه بالتنضيف الجوا اني علي الصاله والديوانيه و عذراء المروحات والثريات الي بالبيت لأن هواي وعمتي الغرف جاي نضف واجن سرى واسراء ومرت عمو ابو عباس
اسى: يا هلا نورتونه
سرى: البيت منور بيج
اسى: يلا بله حجي زايد خلي نبدي بالتنضيف ورانا عرس
رسى: بس احنه خطار
اسى: مشيهه عليج هاي يلا يلا انتي عليج الحمامات  واسراء دخلي للمطبخ شوي ونخلص ونجي وياج لأن المطبخ هوا الكارثه رادله أكثر من واحد بالبدايه بس عزلي الغراض بسرعه يلا
اسراء: نعم الله
الكل: هههههه
ورا ساعتين
اسى:اني خلصت شسوي هسه
ام جهاد: صعدي لغرفه جهاد نضفيهه
اسى: بس جهاد نايم خليها بعدين
ام جهاد: لا يمه يمكن طلع ما يضل لهل وقت وسيارته ماكو
اسى: اوكي
صعدت فوك لغرفته بدون ما ادك الباب دخلت وشفت جهاد جاي يبدل يبووو
اسى: اه اسفه اسفه مو ماما كالت طلع طالعه  اني
جهاد: ههه تعالي خلصت
تقرب مني وكال
جهاد: اشوف واريني هل خدود
رفعت وجهي إله
جهاد: اووف اكرط هل خدود الطماطه لا تستحين اني زوجج
تقرب أكثر وباسني من خدي احس كل جسمي مات وما أكدر اتحرك بدون ما احجي طلعت بسرعه ودكات كلبي احس الكل يسمعهه من طلعت سمعت صوت ضحكته
اسى: يضحك واني راح اموت بمكاني نزلت جوا  وكلت لامي
اسى:بعده مطالع هسه راح يطلع
ام جهاد: هاا عبالي طالع
عذراء: أشو تعاي يمي شبيهً خدودج حمر
اسى: ها اني لا ما بيهً شي متوهمه
الكل: هههههه
اسى: اني الج عذراء تعالي يمي
هي شردت واني جاي اركض طلعت من باب المطبخ و جهاد نزل وانضربت بيه
اسى: اه اسفه
جهاد: ليش كل ما تحجين تكولين اه و اه
اسى: اه اني هيج ما ادري
جهاد: هههههه
اندك الباب وعذراءراحت فتحته ودخلت رغد وامهه استغرب الكل لأن ما يصير المخطوبه تدخل بيت عمهه
رغد: هلاو حبيبي شلونك وكدام الكل باسته
يتبع...