ما بين قلبين (مكتمله)

البارت 3

اسى: طلعت بره اشوف شنو هل صوت كدام بيت عمو ابو جهاد شارع عام وكله سيارات وجان اشوف سيارة اهلي مسويه حادث كلش قووي واني صرخت
اسى: لااااااا باابا مااما ردو على ردو كولو ما بيكم شي احجي وياي طمنوني فدوه لااا
وعمه ام جهاد وعذراء لازماتني وجهاد و عمو ابو جهاد يحاولون يفتحون باب السياره بس ماكو ما ينفتحن بعد شوي ابتعدو
اسى: ليش ابتعدو احجووو (احجي واشهك😭)
جهاد: البنزين جاي يتسرب واي ثانيه ممكن تنفجر
اسى: شنو زين سوو ايي شي فدوه فدوه والله اموت وراهم
ابو جهاد: شنسوي يا بنتي الله كاتب هيج
واحنه جاي نحجي واني ابجي واشهك بلحضه انفجرت احنه بعيده عنهه شوي فما أثرت علينه اباوع على النار و صوت الناس الي تصيح
اسى: لاااااا باااااااااابا مااااما محمد فدوه طلعوهم فدوه بااابا (اني اكثر شي متعلقه بابا كلش فتأثرت بيه أكثر شي😭) بعدين ما حسيت بشي فقدت الوعي
كعدت وراسي يوجعني وذكرت وضليت ابجي واصررخ باااابا ليش تركتني منو بعدك يدللني منو بعدك يداريني منو منو ماما ليش تركتيني منو ينطيني حنانج ياااارب ساعدني والله تعبت وما عندي صبر ومو كد هل اختبار شنو اتحمل موت بابا ولا ماما لو اخواتي ابجي ويمي عذراء تواسيني بس يا مواسات شتحمل ربي وضليت ابجي و ابجي وما سكتت لحد ما سمعت صوت بجي عالي طلعت وجاانو جايبين اهلي وهمه بالتابوت فقدت كلش لاا مستحيل اصدك انتم ميتين رجعوا رجعوا ليش ما اخذتوني وياكم صوجي صوجي كله مني ما رحت وياكم جان هسه ميته وياكم وما فاركتكم صوجي المن خليتوني هنا المن ابجي و اضرب على تابوت شوي واجه ينكسر بابا انته مو كلت انتي اكثر بنيه من بناتي احبه زين ليش عفتني وكسرت كلبي ليش ماما انتي مو تحبيني وتكولين دائما ترفعين راسي وشطوره وتحضنيني وين رحتي بعد منو احضن ومنين احصل حنان رجعولي فدوه اروحلكم رؤى من منو اسمع النصايح بعد منو يرزلني لأن ما لابسه عبايه منو أنين ايي أنين وي منو اتعارك بعد وي منو أطول لساني وتكرشين علي عد امي رددددي و محمد وي منو اللعب كل يوم وتضربني وتعارك اوووف ربي من روحي ع روحهم انطيهم روحي ما أريد اعيش😭😭وراحو و اخذو روحي وياهم واني ابجي واشهك واصرخ واصيح واملش بشعري
اسى: اروح وياكم
جهاد: وين ترحين دخلي جوه ماكو نسوان رجعي
اسى: ما ما اروح فدوه عمه ام جهاد فدوه كليله خلي اروح وياهم فدوه اريد اودعهم آخر مره
ام جهاد: يمه خلي تروح فدوه
جهاد: يمه والله ابوي ما يرضه كال ماكو نسوان حته اسى
اني كعدت وابجي إيست ما ياخذني وليل كله ما نمته كاعده وافكر بأهلي وابجي واشهك اووف وعذراء كاعده يمي
اسى: اكلج عذراء عمامي معرفو بالموضوع
عذراء: ها ما ادري يمكن بابا اتصل عليهم يمكن نسو ما ادري
اسى: شنو نسو معقوله ما اتوقع يمكن بالنجف يلتقون
عذراء: يمكن (شلون اكلهه عمامج اتصلنه عليهم بس ميرضون يجون احجي بكلببي) ماطول شوي هديتي اكوم اسويلج عشاا
اسى: لج يا عشاا تعاي كعدي يمي لا تعبين مستحيل اكل ما اشتهي شي
عذراء: بس شلون من البارحة مماكله شي
اسى: ما مشتهيه تعاي اكعدي يمي
كعدت يمي نوب اجت عمه ام جهاد وكعدت يمي خليت راسي ع رجليهه وابجي وهيه أقره قرأن ع راسي بس ابد عيني متقبل تغفى وأهلي راحو بعيد بعد ميجون الساعه ب 6 الا ربع دخل عمي ابو جهاد و جهاد كل ضني عمامي وياهم رحت ع عمي كتله
اسى: عمو فدوه شنو عمامي مايعرفون بلي صار أشو ماكو مبينو
ابو جهاد: والله ياعمي ما اعرف شنو اكلج
اسى: شكو عمو شصاير
ابو جهاد: احنه البارحه اتصلنه عليهم مقبلو يجون كالو مالنه خلك ولا كأنو اخوهم مات اصلا ما تأثرو بالخبر
اسى: شنوووو شجاي تحجي عمو معقوله شنو مالهم خلك شنو ما اتأثرو
ابو جهاد: هذا الكالو بنيتي
اسى: ضليت اشهك من البجي يعني معقوله اخوهم إلى توفه وما اتأثرو عمو اني راح اتصل عليهم وافتهم شنو هل حجي مالهم
ابو جهاد: ع راحتج بنيتي
رحت أخذت التلفون واتصلت ع عمو ستار
اسى: الو هلا عمو
ستار: هلا بيج شعندج من الصبح متصله
اسى: شنو شعندي لك اخوكم اخوكم توفى شنو مالكم خلك تجون ومن هل حجي
ستار: اي مالنه خلك الطريق وبس تخلص السبعه تعالى هنا نقسم الورث مال بيتكم لاخواني أجر الهم انتي هم راح صيرين ثقل وتعيشين ويانه
اسى: (اني اسمع ومصدومه) شنو ورث شنو بيت تحلم انطيك ربع منه يا حقراء منحطين خليتوني احجي بهيج أمور وبابا كبره منشف اني بس تخلص السبعه جايتكم وكول لاخوك لؤي خلي يطلع من البيت هوه بأسم باابا بس اجي ابيعه هوه وبيتنه وتحلمون تشوفني بعد فهمتم لو اعرف اكعد بيت لوحدي لو بدار الأيتام ولا يمكم فهمت ويلا بأي وغلقته حتى مسمعته شنو حجه
بعدين ضليت اصرخ حقررراء جبناء كل همهم الفلوس بعدين ذكرت بابا وشكد جان يحبهم وضليت ابجي واصرخ واعيط لحد ما اجوني كلهم
ابو جهاد: شبيج عمي شكالولج
اسى: عمو كل همهم وحجيتلهم كلشي
جهاد: من يا طينه ذول مع الأسف متوقعتهم هيج ابد
اسى: حقراء 😭😭
بعدين طلعو وكالولي نامي وارتاحي ما كدرت انام افكار جيبني وتاخذني الا ان ماحسيت بروحي غفيت كعدت ع هووسه شفت الساعه ب 9 الا ربع كما غسلت وبدلت اسود وضليت ابجي اجتني عذراء
عذراء: كومي حبيبتي تريكي وكعدي يم النسوان
اسى: كايمه اكعد يمهن ما اشتهي
عذراء: بس ميصير هيج شوفي نفسج شصرتي
اسى: عذراء شنو متوقعه اصير 5 بنفس اللحضه فقدتهم شنو شعوري اصلا
كمت وكعدت النسوان ومره جبيره ضلت تنعى عن الأب ااني فقدت ضليت ابجي واصرخ واملخ بنفسي الا ان سكتن المره وضليت ابجي واذكره كلمات بابا الجنونه وماما ومحمد ورؤى وانين شنسا هوه واحد اثنين ربي منو هوه إلى انسى كل واحد وآله ذكره عندي ساعدني يارب خلصت ال 3 ايام وتعبت كلش ولا ماكله عايشه بس على الماي بس وبيوم 5 اجت ام جهاد بلكوه اكلتني وهاي آخر مره اكلت بيهه واجه يوم السابع وخلص بيوم 8 ردت اكوم احاجي جهاد ع روحه يشوفلي سياره أو أي أحد ياخذني كمت من السرير وحسيت الغرفه دارت بيه بعد محسيت بشي الا واني بالمستشفى
جهاد: جنت نايم من بعد 7 تعب ونمت نومه ما شبعت منهه كعدت على صياح عذراء كمت بسرعه لبست تراك وطلعت رحت لغرفتهه شفت اسى واكعه من طولهه كالت عذراء جهاد تحرك اخذهه للمستشفى مجاي تصحه شلتهه بسرعه وخليت حجاب ع راسهه حطيتهه بسياره وأخذت امي وياي وصعدنه بسرعه يمكن ب 5 دقايق وصلت من كد السرعه نزلت شلتهه ودخلنه خليتهه ع سديه اجه دكتور فحصهه كال
دكتور: عدهه فقر دم حاد شنو مماكله صارلهه شكد
ام جهاد: اي يمه صارلهه تقريبا ب 5 ايام ما ماكله
دكتور: شنو معقوله هل كد ع عموم خليتلهه مغذي وفد شوي تصحه ولازم تتغذه زين
جهاد: انشاء الله دكتور
دخلنه يمهه شوي وكعدت
اسى: اخخخ ماما راسي
ام جهاد: هاا يمه شبيج راسج يوجعج انشاء الله بيه ولا بيج بعد كلبي
اسى: اسم الله عليج ماما
جهاد: اني رايح اجيبلج عشاا لازم تتغذين
اسى: ما مشتهيه لجيب
جهاد: شنو ممشتهيه هستوج كمتي من الفراش وعندح فقر دم حاد وما تردين اني راح اجيب اودعناكم
رحت جبت معلاك ومشويات وعصاير ورجعت لكيتهه بحضن امي وتبجي ع اهلهه حقهه شما سوى حقهه مو قليل الي صار وياهه دخلت وكامت مسحت دموعهه مديت الاكل وامي وكلتهه بالكوه أكلت شوي وكال الدكتور تكدرون طلعون طلعنه وصعدت هي وامي وره خلت راسهه ع جتف امي ونامت وصلنه كعدتهه ونزلت
اسى: نزلت ورحت كبل للغرفه واجه بالي اهلي وبجيت ونمت كعدت الصبح رحت لجهاد
اسى: جهاد ممكن اطلب منك طلب
جهاد: أمريني
اسى: اني اريد اروح للعماره للعمامي انهي كلشي وياهم وابيع البيتين واخلص وارجع اجرلي بيت هنا قريب عليكم اذا ممكن
جهاد :هههه صدك ضحكتيني تأجرين ليش. احنه رحنه وين ماكو تعيشين لوحدج تكعدين يمنه
اسى: بس ما
جهاد: لا بس ولا شي واذا ع روحه حضري نفسج باجر الصبح نطلع
اسى: ما اعرف شلون اشكرك وارد جميلكم انتم إلى عرفتكم بس هل ايام ساعدتوني وعمامي إلى سنين عايشه وياهم ما عرفو يعازوني اصلا
جهاد :لا تحجين هيج انتي مثل اختي
اسى: والنعم منك خويه
رجعت الغرفه فرحانه ومشوقه وباجر اراويكم اسى شتسوي مر اليوم عادي نضفت وي عمه ام جهاد وسولفت وي عذراء خلص اليوم ثاني يوم كعدت وبدلت لبست تنوره وقميص وستره قصيره كله اسود طلعت صبحت عليهم شفت يباوعون علي حجيت
اسى:اعرف راح تكولون شلون لابسه هيج بس اريد ابينلهم اني قويه وما مكسوره
ابو جهاد: عفيه بنيتي هيج اريدج يلا خلي نروح
اسى:انتي تروح ويانا عمو
ابو جهاد: اي عمي
اسى: ايي احسن اكون بأمان اكثر😊
وطلعنه وطول الطريق اباوع ع البصره لو ما حبيتج لو ما اجيتج ما جان كل هذا صار بعدين طردت أفكاري استغفرالله هذا قضاء وقدر إذا كان هناك أو هنا استغفرالله وصلنه للعماره وقويت نفسي الا اندمك ع حجيك ياا ستار
يتبع......