أسيرة الشيطان الجزء الأول + الجزء الثاني+ الثالث

الفصل التاسع

نظرت لأسفل بخجل تهز رأسها نفيا ... ليوجه نظره لرؤي : خلي بالك منها .. صحيح بصي يا حلم ..... رفعت رأسها تنظر له باستفهام ليزفر بحزن : ماما ورؤي عارفين أنك مراتي ... بس معلش مش هينفع نقول لتهاني انتي فاهمة طبعا
اخفضت رأسها بخزي تهز رأسها ايجابا تهمس بمرارة : اللي تشوفه .... خرج سريعا من الغرفة دون كلمة اخري بينما ظلت حلم تنظر ارضا لتمسع رؤي تهمس بأسي : ما تزعليش يا حلم الموضوع .... قاطعتها حينما رفعت رأسها تبتسم بمرارة: ما بقتش فارقة والله أنا اتعودت إني ما استناش حاجة من الدنيا

ضمت رؤي رأس حلم لصدرها تربط علي شعرها بحنو: يا حبيبتي إن بعد العسر يسر
همست الاخيرة بقهر : بس العسر طول اوي يا رؤي خلاص ما بقتش قادرة استحمل
___________________
وقف علي ناصية الشارع ذلك الثعلب الخبيث يراقب بهدوء عاصم وهو يرحل بسيارته ليتجه مسرعا الي تلك العمارة متنكرا في زي عامل نظافة حتي لا يشك أحدا في أمره فالمرة السابقة نظر له بعض السكان بريبة ، صعد السلم الي أن وصل الي غايته المنشودة ليدق الباب يصيح بصوت عالي : زباااااالة ... فتحت تهاني الباب لتتسع عينيها بذهول تهمس بصدمة : يخرب بيتك ايه اللي إنت عامله دا
غمز لها بطرف عينه اليسري يهمس بمكر : لزوم التموية يا مزة ، فين الأمانة

هزت رأسها إيجابا سريعا هرولت الي الداخل لتحضر له ما يريد ، عادت سريعا تعطيه ذلك الظرف تهمس بحذر وهي تتلفت حولها : ها هتخلصني منها أمتي

اتسعت ابتسامته الشيطانية يهمس بخبث : احسبي من دلوقتي 48 ساعة ، يومين بالظبط وكل حاجة هتتنهي

ابتسمت بحماس تهز رأسها ايجابا :اخيرا.... وفلوسي
اخرج من جيبه شيك بنكي خط عليه مبلغ خمسة ملايين جنية يعطيه لها : الفلوس أهي يا حلوة عشان تعرفي بس اننا ما بناكلش حق حد ... بس خدي بالك الشيك تاريخ صرفه بعد اسبوعين علي ما يكون صبري باشا رجع فلوسه

زفرت بضيق تهمس بحدة : ماشي اهم حاجة إني اخلص من البتاعة اللي اسمها رؤي دي في أسرع وقت
رحل سامر سريعا بعد ما أخذ ما يريد
________________
اووووووف بقي لاء صعبة اوي ومش هذاكرها
هتفت بها روان بغيظ وهي تجلس علي طاولة الطعام أمامها كتاب تلك المادة ليخرج عمرو يهتف ببرود: أنا نازل اجيب شوية طلبات من تحت ، علي الله ارجع ما لقكيش خلصتي الشيت دا كله هعلقك

نظرت له بحنق تنفخ بغيظ ليضحك ساخرا أخذ طريقه الي باب المنزل خرج مغلقا الباب خلفه .... لتزفر هي بضيق تنظر للاوراق أمامها بضجر تهتف بحنق : أنا نفسي أعرف مين اللي قال لقاسم أمين ينادي بتعليم المرأه طب هو سأل المرآه ، أنا كان نفسي يبقي ليا كيان وكرير بس بعد ما شوفت الارف دا عايزة اخلف كمال وكريم آه يا اني يا صغيرة علي الهم يا روني يا حلوة ومتهانة يا روني.... أنا فعلا صدقت أن الست مالهاش الا جوزها وبيتها .... عاااا طب ما أنا اتجوزت اهو وبردوا بذاكر منك لله يا عمرو