أسيرة الشيطان الجزء الأول + الجزء الثاني+ الثالث

الفصل الثالث عشر

الفصل الثالث عشر

جاسر: انتي بتعملي ايه عندك

تلك الكلمات أتت من خلفها مباشرة لتقضي علي ما بقي من ثباتها ، تقسم انها ستفقد الوعي من شدة خوفها تيبست حتي عضلات رقبتها فلم تستطع ان تلتفت إليه
جاسر ساخرا: ايه يا حلوة القطة كلت لسانك ،ردي  بتعملي ايه عندك

رؤي متلعثمة من شدة خوفها : ااااااناا ،ككككك
جاسر غاضبا: انتي هتكاكي ما تخلصي
رؤي برعب : كنت بنضف الاوضة
ذهب جاسر وجلس على حافة فراشه وأشار لها ان تذهب وتجلس بجانبه
ذهبت بخطي مرتجفة من الرعب تقدم قدم وتؤخر أخري الي ان وقفت امامه فجذب يدها وجعلها تجلس بجانبه
ظل صدرها يعلو ويهبط بشدة من خوفها
جاسر ساخرا: مالك خايفة ليه كدة
نظرت له برعب ولم تنبث ببنت شفة
جاسر: كنتي بتعملي ايه هنا ومن غير كذب
رؤي بصوت متحشرج من الرعب : اهلي وحشوني نفسي حتي اسمع صوتهم ، ارجوك

جاسر : عارفة ، حظك ان مزاجي حلو دلوقتي
اخرج هاتفه وطلب رقم حسين وفتح مكبر الصوت 
رن الهاتف بعض الوقت قبل ان تسمع صوت والدها
حسين: السلام عليكم
فبدأت الدموع تهرب من مقلتيها ولكنها تظاهرت بالثبات ورسمت على شفتيها ابتسامة مرحة
رؤي : وعليكم السلام يا ابو الاحسان يا اخويا
نظر لها جاسر بدهشة فكيف تستطيع الابتسام علي الرغم من خوفها وبكاءها

حسين بلهفة : رؤي ، رؤي حبيبتي انتي كويسة

رؤي : الحمد لله يا بابا انا كويسة ، اخبارك ايه انت وماما وطمطم وعاصم ، عاصم عامل ايه دلوقتي
حسين: بخير يا بنتي اهم حاجه انتي ، انتي فين يا رؤي وانا اجيلك

نظر لها نظرة تحذيرية غاضبة من ان تنطق
رؤي : انا كويسة يا بابا ما تقلقش
جذب عاصم الهاتف من والده
عاصم : رؤي قولي انتي فين يا رؤي وما تخافيش منه ، انا هحميكوا منوا يا حبيبتي
ابتسم جاسر بسخرية
عاصم: ولو هو عنده رجالة تحميه ، فانا كمان عندي رجالة يحموكي ويحمونا
ضحك جاسر ساخرا: قصدك وليد عوض الله
شحب لون عاصم بعد سماعه صوت جاسر
جاسر ساخرا: كدة يا نسيبي العزيز رايح تأجر بلطجية عشان يقتلوا جوز اختك
نظرت له رؤي بفزع
عاصم غاضبا: سيب رؤي يا جاسر والا والله هقتلك 
جاسر ساخرا: تؤ تؤ ، اهدا يا عصومة مش كدة ، ما تقلقش هسيبها بس بعد ما تبقي زي تهاني حبيبة القلب
ثم اغلق الخط ، رأي الذعر يرسم خطوطه بحرفيه علي وجهها والفزع احتل مكانه في مقلتيها ، شفتيها ترتجفان رعبا
جاسر ساخرا: اطمنتي يا ستي علي اهلك
ولكنه تفاجأ كثيرا عندما
رؤي : انت ليه بتعمل كدة
جاسر: انتوا ما تستاهلوش غير كدة
رؤي : ليه،  دا حتي الرسول صلى الله عليه وسلم قال "رفقا بالقوارير"
جاسر غاضبا: اطلعي برة والاقسما بالله هلغي الاتفاق الي بينا
خرجت تهرول من غرفته ودخلت غرفتها واوصدت الباب بالمفتاح
اما هو فظل يجوب غرفته غاضبا
جاسر غاضبا: يا رتني ما اتجوزتها ، انا لازم ابعدها عني في اسرع وقت اخلص بس من بنت صبري الدمنهوري وهفضالك يا رؤي ويا انا يا انتي