أنت تقرأ

The True Conqueror [Complete]

التاريخية

Title - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...

#bl #boyxboy #chinese #creation #emperor #fic #historical #myanmar #own #romance #war

Chapter 17

ابدأ من البداية 
                                    

                                              
"ငါပြောတာစောသွားတာ...ဆက်ဖတ်''
လင်းမိုက သူ၏ အမှားကိုသိသည်နှင့် ပြန်၍ ချော့လိုက်သည်။

                          
"မိစ္ဆာအရှင်သခင်က သူ့ကို သတ်နိုင်မယ့် တစ်ခုတည်းသော လျှို့ဝှက်ချက်ကို ကြင်ယာတော်ကို ပြောပြခဲ့တယ်...ဘာလို့လဲဆိုတော့ သူမ တကယ်မလုပ်ရဲဘူး ထင်လို့...နောက်တစ်နေ့မှာ နဂါးစီးနင်းသူအရှင်ဟာ သူ့အိပ်ဆောင်ရဲ့ဘေးမှာ ဓားတစ်လက်ကို တွေ့ခဲ့တယ်.... ဓားကရေခဲတမျှ အေးစက်နေပြီး သွေးချင်းချင်းနီနေခဲ့တယ်...နဂါးစီးနင်းသူအရှင်က အချိန်မဆိုင်းဘဲ အဲ့ဒီဓားနဲ့ မိစ္ဆာ ​အရှင်သခင် ကိုသွားသတ်ခဲ့တယ်...မိစ္ဆာအရှင်သခင် သေသွားတဲ့ အတွက် လူ့လောကကို ဖုံးလွှမ်းနေတဲ့ အမှောင်စွမ်းအားတွေ၊ ကပ်ဆိုးတွေလည်း မရှိတော့ဘူးတဲ့''

                          
လီချန်းယုံ၏ အသံက အနည်းငယ်တုန်ယင်နေသည်။ သူ့မျက်ဝန်းတွေက စိတ်မကောင်းကြီးစွာ ဖြစ်နေပုံရှိသည်။ သူက သက်ပြင်းချပြီး ပုံပြင်ကို ဆက်ဖတ်ပြလေသည်။

                          
"နဂါးစီးနင်းသူအရှင်ဟာ သူ့ရဲ့ကြင်ယာတော်နန်းဆောင်ကို အပြေးအလွှားသွားပြီး ဝမ်းမြောက်စရာသတင်းသွားပြောခဲ့တယ်။ ဒါပေမယ့် နန်းဆောင်မှာ သူတွေ့လိုက်ရတာက ရင်ဝမှာ ဓားဒဏ်ရာနဲ့ သေဆုံးနေတဲ့ သူမရဲ့အလောင်းကိုတဲ့

                          
"သူမက ကိုယ့်ကိုယ်ကို သတ်သေခဲ့တာလား''

                          
"ဟုတ်တယ်...မိစ္ဆာအရှင်သခင် ပြောပြတဲ့ လျှို့ဝှက်ချက်က နဂါးစီးနင်းသူပြုလုပ်တဲ့ဓားတွေက တစ်ခုခုချွတ်ချော်နေလို့မဟုတ်ဘူးတဲ့...နဂါးစီးနင်းသူအရှင်က သူ့အသက်အပ်နှင်းပြီး ချစ်ရလောက်တဲ့သူရဲ့ နှလုံးသွေးနဲ့စီရင်တဲ့ ဓားကပဲ မိစ္ဆာအရှင်သခင်ကို သတ်နိုင်မှာတဲ့...အဲ့ဒီလျှို့ဝှက်ချက်ကို မိစ္ဆာအရှင်သခင်ပြောပြလိုက်တဲ့အကြောင်းက နဂါးစီးနင်းသူက သူ့ရဲ့ကြင်ယာတော်ကို မသတ်ရက်ဘူးဆိုတာသိနေလို့...ဒါပေမယ့် သူမသိတာက ကြင်ယာတော်ကလည်း သူမရဲ့အသက်ကိုတောင်စွန့်ပြီး နဂါးစီးနင်းသူအရှင်အတွက် ပေးဆပ်နိုင်တယ်ဆိုတာ''

                          
"သူမက တကယ့်ကိုချစ်ခဲ့တာပဲ'' 
လင်းမိုက စိတ်မကောင်းစွာ မှတ်ချက်ပြုလေသည်။
The True Conqueror [Complete]حيث تعيش القصص. اكتشف الآن