" فاتو المستشفى وانا كنت فاقدة دم كتير ودخلوني العناية وكلهم كانوا منتظرين مهيد وراشيناز وامي وعمار وايسر ابوي جا داخل مع هاشم طوالي مهيد مسك فيو"
مهيد: دا كلو بسببك انت ولو حصلت حاجة لي سمر تأكد محاخليك عايش فاهم 😠
ابوي : دا شنو يا مهيد.....
مهيد : انت اسكت ساي ما عندك حق تتكلم لأنك السبب الأكبر في الحصل دا انت الوحيد المسؤول دا كلو لي ؟؟؟ عشان ترضي انانيتك 💔 انت أكبر اناني سلمت بتك لي واحد زي دا عشان تنقذ سمعتك وشغلك طيب من اللحظة دي اعتبر ما عندك بنت واعتبرني ميت 💔
" مؤيد جا داخل "
مؤيد : ولدين 💔 اعتبر ما عندك ولدين انت خسرت اولادك التلاتة عشان ترضي انانيتك زي ما قال مهيد
مهيد : وسمر لو طلعت من هنا مستحيل اخليها ترجع بيتك ولا بيت الواطي دا وانت يا هاشم الصباح تسلمني ورقة اختي والا والله العظيم تمووت على يدي 😠
امي : و معاها ورقتي عشان انا تعبت من العيشة دي طول عمري كنت ساكتة بس من اللحظة دي مستحيل اسكت تاني 😔
" الدكتور جا طالع من الغرفة"
الدكتور: لو سمحتو دي مستشفى وممنوع الإزعاج والمريضة الجوا دي صحت وطالبة تشوف واحد اسمو مهيد 😐
مهيد: هي حالتها كيف ؟؟؟
الدكتور: للان حالتها مستقرة بس فقدت دم محتاجة تغذية وضغطها مرتفع عشان كدا ابعدوها من الزعل
" مهيد جاني داخل من شافني ملامحو اتغيرت ومن شفتو بقيت ببكي طوالي حضني عليو حسيت انو الضيق والغم العندي دا اختفى والدنيا بقت واسعة "
مهيد: دا شنو يا سمر في زول بنتحر عشان زول ما بستاهل كدا انتي شلتي ذنوب ساي وربنا كان ممتحنك بس كدا خسرتي الامتحان استغفري ربك وصلي ليك ركعتين وبعد تطلعي من هنا حترجعي معاي انا ورشو
" اتكلمنا كدا وطلع فات رقدت نمت تاني يوم الصباح جوني رشو ونورا قعدنا نتونس "
نورا : دا شنو يا سمر دي عمايل زول نصيح؟
انا : كدي خليني هسا بقيتي ترتبطي مع اخوي من وراي ؟
نورا : امشي يا جزمة اصلو الزول ما يفاجئكم؟؟
رشو : شكلو العرس قرب 😁😁😁
نورا : بري والله كدي انسو الموضوع دا انا جعانة هسا
انا : ياتو يوم انتي ما جعانة انا من يوم عرفتك جعانة
" جا داخل عمار وجاب اكياس ختاها وسلم علينا وطلع "
نورا: واااااي حس بي لكن جاب اكل وبيتزا بيبسي كمان 😍😍
" فتحو الاكياس وقعدوا يأكلوا فيني غصب لانو صراحة ما عندي نفس بس عشان خاطرهم والقعدة الحلوة حسستني بفرح ؛ شويتين طلعوا فاتو "
يتبع.......
اقتباس~~~هه🍂💙
عُدت
ﺛُﻢ ﻣﺎﺫﺍ ؟
ﺛُﻢ ﻻ ﺷﻲﺀ ﻳُﺬﻛﺮ💔
