" اتصلت على راشيناز وحكيت ليها تاني يوم وبقت تبكي معاي ودا نفس اليوم الحيجي فيو هاشم جهزوا بيتهم وابوي جاب عمال زينو بيتنا وانا زي الصنم بقيت راشيناز جاتني من الصباح و خالتو نادية وكم مرة من جيرانا حننوني نهاية اليوم هاشم نزل السودان وفي اليوم التاني الجيران والأهل جونا وعملوا عزومة وراشيناز كل ما تعاين لي بتبكي اما انا بقيت محطمة وما حاسة بشي بعد العشاء كدا هاشم جا بعربيتو وساقني امي جات تحضني وقفتها "
انا : لا اوع تقربي مني خليك كدا دايما طول عمرك كنتي ساكتة احسن تكفى سكوتك وشكرا على الجحيم الرميتوني فيو وزي ما قلت ليك بكرة جنازتي حتطلع كلمي ابوي معاك ✋😔
" طلعت خليتها بتبكي يداب حست بالوحدة لانو خسرت اولادها ال٣ ؛ وصلنا انا وهاشم بيت كدا شكلو حلو بس بالنسبة لي كان جحيم وصف لي غرفة كدا طلعت طوالي وقفلت علي من جوا فيها حمام داخلي استحميت ورقدت نمت طوالي صحيت الصباح لقيتو ماف وباب الشارع مقفول ببرا اتمشيت في البيت ودخلت المطبخ عملت لي معكرونة اكلتها وقضيت باقي اليوم كلام مع رشو وتلفزيون و صليت العشاء ورقدت نمت بس نسيت اقفل الأوضة علي صحيت مخلوعة ع صوتو "
انا: مالك في شنو ومنو السمح ليك تدخل غرفتي كدا اتفضل اطلع برا 😨😒
هاشم : البيت بيتي وانتي مرتي يعني م محتاج إذن
" بقى بقرب مني طوالي ضربتو كف "
هاشم : تضربيني انا طيب بوريك طالما اهلك ما ربوك انا بربيك من جديد 😠
انا : اخدت مني كل شي حلو في حياتي 😭
" بقى يضربني وبقاوي فيني وانا بقاوم فيو بس هو اقوي مني بقيت ببكي😭😭😭"
انا : هاشم زح مني😭😭😭😭😭
هاشم: هو انتي ما شفتي حاجة وبعدين انا متزوجك لشنو حاعمل الدايرو فيك واشوفك تمنعني كيف 😠
" بقى بقرب مني شديد وانا لسة بقاوم فيو اتشلخت واتجرحت وحيلي مات في النهاية في كباية في التربيزة شلتها وضربتو في راسو وزحيت منو ع طول طلعت من البيت بنفس الحالة بقيت ماشة في الشارع وببكي والدنيا ضلام والشوارع فاضية ما عارفة امش وين لو مشيت البيت تاني ابوي حيرجعني ليو في عز التفكير داك جات عربية وقفت قدامي "
يتبع......
عب~~اا~~رهه🍂💙
تمر معظم أوقات الحياة والناس تردد: "لم يحن الوقت" ثم فجأة: "فات الأوان" 🤦♀️
